بەيسەنبى, 20 قاڭتار 2022
787 0 پىكىر 6 جەلتوقسان, 2021 ساعات 14:04

ازەربايجان ارمەنيانىڭ ون جاۋىنگەرىن بوساتتى

ازەربايجان قاراشا ايىنداعى قاقتىعىس كەزىندە ۇستالعان ارمەنيالىق ون جاۋىنگەردى بوساتتى. ەرەۆان باكۋگە بىلتىر ازەربايجاننىڭ باقىلاۋىنا وتكەن تاۋلى قاراباقتاعى اۋدانداردى جانە ونىڭ اينالاسىندا مينا قويىلعان جەرلەردىڭ كارتاسىن بەردى.

ازەربايجاننىڭ قاۋىپسىزدىك قىزمەتى بۇعان ورىس قورعانىس مينيسترلىگىنىڭ ارااعايىندىعىمەن قول جەتكىزگەنىن مالىمدەدى. 16 قاراشادا ازەري-ارميان شەكاراسىندا بىلتىرعى قارۋلى قاقتىعىستان بەرى ءىرى جانجال تۇتانعان. باكۋدىڭ جەتى جاۋىنگەرى قازا تاپقانىن، ەرەۆان التى جاۋىنگەرىن جوعالتقانىن، 30 شاقتىسى تۇتقىندالعان بولۋى مۇمكىن ەكەنىن بىلدىرگەن.

وسىعان دەيىن دا ازەربايجان ارميان اسكەرلەرىن كارتاعا ايىرباستاعان. رەسمي مالىمەتكە قاراعاندا، بىلتىر تاۋلى قاراباقتاعى قايتارىلعان ايماقتاردا 20-دان استام اسكەر جانە بەيبىت تۇرعىن مينانى باسىپ كەتىپ، قازا تاپقان.

بىلتىر 44 كۇنگە سوزىلعان سوعىستا التى جارىم مىڭ ادام قازا بولعان. جانجال ماسكەۋدىڭ ارااعايىندىعىمەن جانە ەكى تاراپ ءوزارا كەلىسىمگە كەلگەننەن كەيىن توقتاعان. قۇجاتقا سايكەس، ازەربايجان تاۋلى قاراباق ايماعىنىڭ ءبىر بولىگىن قايتارىپ الدى. رەسەيدىڭ بەيبىت كۇشتەرى انكلاۆتا جانە ەكى ەلدى بايلانىستىراتىن لاچين دالىزىندە ورنالاستىرىلدى.

حالىقارالىق قاۋىمداستىق تاۋلى قاراباقتى ازەربايجاننىڭ ايماعى رەتىندە تانىعانىمەن، ول جەردى 1990 جىلداردان بەرى جىكشىل ارمياندار باسقارىپ كەلگەن.

Abai.kz

0 پىكىر