دۇيسەنبى, 23 مامىر 2022
ارىلۋ 5132 44 پىكىر 3 جەلتوقسان, 2021 ساعات 15:05

تاتار ءتىلى ءۇشىن شايقاس: كرەملدىڭ قىسىمى ارتتى

قازاق، قىرعىز جانە وزبەك تىلىمەن الىسىپ، جان-جاعىن جايپاعان ورىس ايۋى ەندى اۋزىن ءوز ىشىندەگى تاتار اعايىندارعا سالا باستاعان سىڭايلى.

رەسەيلىك  ۆزگلياد باسىلىمىندا: «...تاتار شەنەۋىنىگى بۇكىل الەمدىك ورىس جيىنىن (ۆسەميرنىي رۋسسكي سوبور – Abai.kz) تىتىرتكەنتى» اتتى شاعىن ماقالا جارىق كوردى.

قازان اتكومىنىڭ ءبىلىم بەرۋ باسقارماسىنىڭ توراعاسى يرەك ريزۆانوۆتىڭ باق بەتىندە «ورىس وقۋشىلارىنىڭ 34%-ى تاتار ءتىلىن انا ءتىلىم دەپ تانيدى» دەگەن ءسوزى بۇكىل الەمدىك ورىس جيىنىنىڭ قۇقىق قورعاۋ ورتالىعىن ورە تۇرەگەلتتى. ويتكەنى، شەنەۋىنىكتىڭ بۇلاي دەپ ايتۋى: «تاتارستانداعى ورىس قاۋىمداستىعىن قورلايتىن بۇنداي بارىپ تۇرعان جالعاندىق - ۇلتارالىق ارازدىقتى قوزدىرادى»، - دەپ مالىمدەمە جاساتقىزدى. وسى ۇيىم ۇلتى تاتار وقۋشىلاردىڭ 17%-ىنىڭ ورىس ءتىلىن انا ءتىلىم دەپ تانىعانىن ەستەن شىعارىپ العاندىعى تاڭ قالدىرادى.

ءارى قالا مەرى يلسۋر مەتشيننەن يرەك ريزۆانوۆتى ورنىنان الۋدى تالاپ ەتىپتى. بۇعان جاۋاپ رەتىندە تاتار جاعى تاتار بالالارىنىڭ ورىستانۋىنا توسقاۋىل قويۋدىڭ جالعىز جولى وزگە ۇلت وكىلدەرىن تاتار ءتىلىن قادىرلەۋىن جولعا قويادى ۇسىندى.

ەندىگىسىن وزدەرىڭىز باجايلاي بەرىڭىزدەر. ءبىز يمپەريانىڭ قىسىمىندا بولسا دا، انا ءتىلىن بارىنەن جوعارى قويعان تاتار قۇرلى بولا الدىق پا؟

ءابىل-سەرىك الىاكبار

Abai.kz

44 پىكىر