جۇما, 29 ناۋرىز 2024
5298 2 پىكىر 2 جەلتوقسان, 2021 ساعات 11:18

تالىبتەر يران شەكاراشىلارىمەن اتىستى

يران مەن اۋعانستان شەكاراسىندا يراندىق شەكاراشىلار مەن "تاليبان" راديكالدى قوزعالىسىنىڭ سودىرلارى اراسىندا قاقتىعىس بولدى. "Tasnim" اقپارات اگەنتتىگىنىڭ جازۋىنشا، بۇعان تاليبتەردىڭ ءىس جۇزىندە شەكارانىڭ قاي جەردە ەكەنىن بىلمەۋى سەبەپ بولعان. 

بىرنەشە جىل بۇرىن يراننىڭ سيستان جانە بەلۋدجيستان پروۆينتسيالارىندا اۋعانستان شەكاراسىنان بىرنەشە ءجۇز مەتر جەردە كونترابانداشىلارمەن كۇرەسۋ ءۇشىن قابىرعالار تۇرعىزىلعان. يران شارۋالارى يسلام رەسپۋبليكاسىنىڭ تەرريتورياسىندا قالىپ، وسى قابىرعالاردان وتكەن. الايدا بيىل تامىز ايىندا اۋعانستاندا بيلىكتى باسىپ العان تالىبتەر شارۋالاردى اۋعانستاننىڭ نيمروز پروۆينتسياسىنىڭ كانگ اۋدانىندا دەپ ويلاپ، ولارعا وق جاۋدىرعان.

يران اسكەرى جاۋاپ رەتىندە اتىس قارۋى مەن D-30 گاۋبيتساسىمەن اتقىلاعان.  جەلىدە ەكى جاقتىڭ اتىستارىنىڭ ۆيدەوسى پايدا بولدى. اۋعانستاندىق باق "تاليبان" سودىرلارى قاقتىعىس كەزىندە يران شەكاراسىنداعى ەكى باقىلاۋ-وتكىزۋ بەكەتىن باسىپ العانىن حابارلادى. الايدا يراندىق باق بۇل اقپاراتتى جوققا شىعاردى.

اتىس بىرنەشە ساعاتقا سوزىلعان. يران شەكاراشىلارى مەن "تاليبان" قوزعالىسىنىڭ كەلىسسوزدەرىنىڭ ناتيجەسىندە سوعىس قيمىلدارىن توقتاتۋعا مۇمكىندىك تۋدى. "تاليبان" قوزعالىسىنىڭ مالىمەتىنشە، ەكى جاقتان دا ەشكىم ولمەگەن نەمەسە جارالانباعان.

Abai.kz

 

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3541