جۇما, 29 ناۋرىز 2024
46 - ءسوز 4739 4 پىكىر 29 قاراشا, 2021 ساعات 17:27

حالىقتى قيناماي، جەڭىلدەتىڭدەر

مەملەكەت ۋتيلزاتسيالىق الىمدى قايتا قاراۋى كەرەك. پرەزيدەنت كەشە الماتىدا قارجىگەرلەرمەن كەزدەسۋدە «ماسەلە ەلىمىزدىڭ قارجى تۇراقتىلىعىنا تونگەن تاۋەكەل-قاتەردە عانا ەمەس. بۇل كوپتەگەن ازاماتتارىمىزدىڭ قارجى تاپشىلىعىمەن بەتپە-بەت كەلگەنىن بىلدىرەدى. بۇل الەۋمەتتىك جانە ساياسي تۇراقسىزدىققا الىپ كەلۋى مۇمكىن»، دەدى 90 كۇننەن اسىپ كەتكەن كرەديتكە قاتىستى.

اشىعان نان سياقتى كوتەرىلىپ جاتقان اۆتوكولىك باعاسى دا تۋرا سونداي تۇراقسىزدىققا اكەلۋى مۇمكىن. ارمەنيالىق، رەسەيلىك ءنومىرلى كولىكتەردىڭ ماسەلەسى سونىڭ ءبىر كورىنىسى.

ەلدەگى اۆتوكولىك باعاسى جىل باسىنان بەرى بىرنەشە ءوستى. ءالى دە ءوسىپ جاتىر. الەمدىك اۆتووندىرىستەگى پروبلەما اسەر ەتتى دەگەنىمەن، ىشكى ماسەلە بۇعان 2 ەسە ۇلەس قوسىپ وتىر.

اۆتوكولىكتەردىڭ باسىم بولىگى قوقىس. ءبىر تانىسىم اقپان ايىنان بەرى 15 ميلليونعا لەند كرۋزەر، كولەمى 4 پرادو ىزدەگەن، قازىر 20 ميلليونعا ىزدەپ تاپپاي ءجۇر. بار كولىكتىڭ ساپاسى باعاسىنا ساي ەمەس. زاۋىتتان شىققانىنا 13 جىل بولعان، 2008 جىلعى لەند كرۋزەردىڭ قازىرگى باعاسى سۋ جاڭا كەزىندەگى باعاسىنان 2-3 ەسە قىمبات.

شىلدە ايىندا ورتاشا جابدىقتالعان، 14,7 ملن تۇرعان كامريدى قازىر 18 ملنعا ارەڭ تاباسىز.
1-2 ملنعا دۇرىس كولىك الۋ مۇمكىن ەمەس. ەڭبەكپەن تاپقان اقشاسىنا قۇنىنا ساي ەمەس قوقىس الۋعا ءماجبۇر بولىپ وتىر. تالاي ادام امالسىز كرەديت الۋعا ءماجبۇر.

كەيبىرەۋ امالسىز اقش-تان سوعىلعان كولىك الدىرىپ ءجۇر. مۇندايدا الاياقتار دا كوبەيەدى. وتكەندە 40 ادام ارزان كولىك الامىز دەپ الاياقتارعا الدانىپ قالعان.

ۋتيلالىم ت.ب اۆتوراسىمدەۋ كەزىندەگى باعانىڭ قىمباتتىعىنىڭ ءبىر سەبەبى ىشكى اۆتووندىرۋشىلەردى قولداۋ بولعانىمەن مەنىڭشە ولاردىڭ كولىكتەرىنىڭ ساتىلىمىندا ماسەلە جوق. قازىرگىدەي كولىك تاپشى ەمەس كەزدىڭ وزىندە تاپسىرىس بەرسەڭ 3-4 اي كۇتۋگە تۋرا كەلەتىن. بۇل ارتىعىمەن ساتىلىپ جاتىر دەگەن ءسوز.

ۋتيلالىمدى ت.ب سىرتتان كولىك ساتىپ الۋ كەزىندەگى قوسىمشا شىعىندى ازايتىپ، حالىقتىڭ دۇرىس كولىك الۋىنا مۇمكىندىك بەرۋ كەرەك. حالىقتى قيناماي، جەڭىلدەتىڭىزدەر.

ەربول ازانبەك

Abai.kz

4 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2275
عيبىرات

قايسار رۋحتى عازيز جان

مۇحتار قۇل-مۇحاممەد 3591