بەيسەنبى, 20 قاڭتار 2022
1507 1 پىكىر 29 قاراشا, 2021 ساعات 12:42

رەسەيدە بانكتەر جاپپاي جابىلۋدا

رەسەيدە 2022 جىلدىڭ قازان ايىنا دەيىن 30-عا جۋىق نەسيە بەرۋ ۇيىمدارى، ياعني ەلدەگى جالپى ۇيىم ساننىڭ 8%-عا جۋىعى ءوز قىزمەتىن توقتاتۋى مۇمكىن. بۇل بولجام "ەكسپەرت را" رەيتينگتىك اگەنتتىگىنىڭ "بانك سەكتورىنىڭ دەنساۋلىق يندەكسى" شولۋىندا بەرىلگەن.

ساراپشىلار ماڭىزدى فاكتورلاردىڭ ءبىرى رەتىندە نەسيە بەرۋ نارىعىنداعى وزگەرىستەرگە بايلانىستى پايدانىڭ تومەندەۋىن اتادى.رەيتينگى تومەن بانكتەردىڭ جارتىسىنا جۋىعى تاۋەكەل ايماعىندا قالىپ وتىر.

"سوڭعى ءتورت توقساندا 45 نەسيە ۇيىمى ءوز قىزمەتىن توقتاتتى، ونىڭ ىشىندە 32 – نورماتيۆتىك نەگىزدەر بويىنشا، جەتەۋى – ليتسەنزيادان ەرىكتى تۇردە باس تارتۋ ناتيجەسىندە، التاۋى – باسقا بانكتەرمەن قوسىلۋ تۇرىندەگى قايتا ۇيىمداستىرىلعاننان كەيىن بولعان", – دەيدى ساراپشىلار.

الداعى ءتورت توقساننىڭ كوكجيەگىندە (2021 جىلدىڭ قازان ايىنان باستاپ 2022 جىلدىڭ قازان ايىنا دەيىن) 29-عا دەيىن كرەديتتىك ۇيىم ليتسەنزيانىڭ كۇشىن جويۋعا نەمەسە ونىڭ ەرىكتى تۇردە جويىلۋىنا بايلانىستى قىزمەتتەرىن توقتاتۋى مۇمكىن.

Abai.kz

1 پىكىر