تابيعي گاز قورىنا باي تۇركىمەنستان گاز تاسىمالداۋ بويىنشا الەمدە ءتورتىنشى ورىندا تۇر. مەملەكەت قازىناسىنىڭ ەداۋىر بولىگىن شيكىزات ەكسپورتىنان تۇسەتىن كىرىس تولتىرادى. Crude Accountability قۇقىق قورعاۋ ۇيىمىنىڭ مالىمەتىنشە، بىراق ەنەرگيا تاسىمالداۋدان تۇسەتىن قاراجاتتىڭ 80 پايىزى كولەڭكەلى ەكونوميكاعا، ونىڭ ىشىندە پرەزيدەنت بەردىمۇحامەدوۆ پەن وتباسىنىڭ جەكە بيۋدجەتىنە دە ءسىڭىپ جوق بولادى.
بىرنەشە جىلدان بەرى بيۋدجەت ءتۇسىمى دە ورتايىپ كەلەدى، ەل اۋىر ەكونوميكالىق داعدارىسقا ۇشىرادى. ال باسشىلىق مۇنى مويىندامايدى. ەل ەكونوميكاسىنا اقپان ايىنان بەرى بەردىمۇحامەدوۆتىڭ ۇلى جاۋاپتى. ول سول كەزدە اكەسىنىڭ ورىنباسارى بولىپ رەسمي تاعايىندالعان.
تۇركىمەنستانداعى رەسمي باسىلىمداردا ونى "حالىق ۇلى" دەپ اتايدى. ال ونىڭ اكەسىمەن بىرگە كوپ الدىنا شىعۋىن "بۋىندار الماستىعىنىڭ سيمۆولى" رەتىندە سيپاتتايدى. سەردار تۇركىمەنستان اتىنان كوپتەگەن حالىقارالىق كەزدەسۋلەرگە قاتىسقان. تۇركىمەنستان پرەزيدەنتىنىڭ جالعىز ۇلىنىڭ ساياسي مانسابىنىڭ تەز ءوسۋىن تاۋەلسىز باقىلاۋشىلار 63 جاستاعى گۋربانگۋلى بەردىمۇحامەدوۆ بيلىكتى تاپسىراتىن مۇراگەرىن دايىنداپ جاتىر دەپ تۇسىندىرەدى.
Abai.kz
