جۇما, 29 ناۋرىز 2024
جاڭالىقتار 1664 0 پىكىر 22 قاراشا, 2021 ساعات 17:07

الماتى وبلىسى: ۆيتسە-مينيستر وڭىردەگى قۇقىق قورعاۋ سالاسىن تەكسەردى

قازاقستان رەسپۋبليكاسى ىشكى ىستەر ءمينيسترىنىڭ ءبىرىنشى ورىنباسارى مارات قوجاەۆتىڭ تالدىقورعان قالاسىنا جۇمىس ساپارىمەن كەلۋىنە وراي جيىن ءوتتى. الماتى وبلىستىق اكىمدىگىندە بولعان جيىنعا وبلىستىق پوليتسيا دەپارتامەنتىنىڭ باستىعى سەرىك كۇدەباەۆ، ىشكى ىستەر، قۇقىق قورعاۋ ورگاندارى جانە وبلىستىق باسقارمالاردىڭ وكىلدەرى قاتىستى.

ءماجىلىستى وبلىس اكىمىنىڭ ءبىرىنشى ورىنباسارى لاززات تۇرلاشوۆ جۇرگىزدى. ول پرەزيدەنت قاسىم-جومارت توقاەۆتىڭ «حالىق ۇنىنە قۇلاق اساتىن مەملەكەت» تۇجىرىمداماسى مەن «حالىق بىرلىگى جانە جۇيەلى رەفورمالار – ەل وركەندەۋىنىڭ بەرىك نەگىزى» اتتى جولداۋىنداعى ىشكى ىستەر ورگاندارىنا قاتىستى بەرگەن تاپسىرمالارىن وقىپ بەردى.

قر ىشكى ىستەر ءمينيسترىنىڭ ءبىرىنشى ورىنباسارى مارات قوجاەۆ پوليتسيا قىزمەتىنە جاڭا وزگەرىستەر ەنگىزىلگەنىن اتاپ ءوتتى. ىشكى ىستەر ورگاندارىنىڭ جۇيەسىندە كوپ وزگەرىس بولىپ جاتقانىن ايتا كەلە، تەحنولوگيامەن جابدىقتالعان، زاماناۋي، حالىق سەنىمىنە يە، جوعارى دەڭگەيدەگى پوليتسيا قۇرۋ – نەگىزگى ماقسات ەكەنىنە باس نازار اۋداردى. ءبىرشاما الەۋمەتتىك زەرتتەۋلەردەن كەيىن پوليتسيا جۇيەسىندەگى كەيبىر قىزمەتتەر الىنىپ تاستالعان. جاڭا وزگەرىستەرگە وراي، قازىردەن باستاپ كەز-كەلگەن ازامات الەۋمەتتىك جەلى نەمەسە ءموبيلدى قوسىمشالار ارقىلى بايلانىسقا شىعا الادى دەدى ول.

قىلمىستى بولدىرماۋ ءۇشىن ءارى جول ەرەجەسىن دۇرىستاپ قاداعالاۋ ءۇشىن كاجەتتى جەرلەرگە كامەرالار ورناتىلىپ جاتقانىن،  وعان قوسا ادام كوپ جينالاتىن جەرلەرگە ءمودۋلدى بەكەتتەر ورنالاستىرىلىپ، تۇرعىن ۇيلەردىڭ جانىندا پوليتسيا پۋنكتتەرىنىڭ جۇمىس ىستەپ تۇرعانى جونىنەن الماتى وبلىسىنىڭ كوش باستاعانىن جەتكىزدى ءمينيسترىنىڭ ءبىرىنشى ورىنباسارى.

مارات قوجاەۆ قوعامدىق قاۋىپسىزدىكتى ارتتىرۋ ءۇشىن قولعا الىنعان سەرۆيستىك مودەلدىڭ  جوسپارىمەن تانىستىردى. پوليتسيانىڭ سەرۆيستىك مودەلى قىزمەتكەرلەردىڭ جاۋاپكەرشىلىگىن ارتتىرىپ، ىشكى ىستەر ورگاندارى قىزمەتىنىڭ قولجەتىمدىلىگىن ارتتىرادى. مىسالى، مەكتەپ وقۋشىسى زاڭعا قارسى ارەكەت جاساسا، وعان تەك پوليتسيا عانا ەمەس، تۋىنداعان ماسەلەگە وقۋشىعا قاجەتتى سالا ماماندارى بىرلەسىپ اتسالىساتىن بولادى. بۇل قىلمىس دەڭگەيىن تومەندەتىپ، زاڭبۇزۋشىلىقتى ازايتاتىن ءتاسىل.

قر ىشكى ىستەر ءمينيسترىنىڭ ءبىرىنشى ورىنباسارى مارات قوجاەۆ «سەرۆيستىك مودەلدى» ەنگىزۋ جونىندەگى ەكسپەرتتىك توپقا ارنايى اشىلعان كابينەتتى كورىپ شىقتى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616