رەسەيدىڭ سامارا وبلىسىندا بيلەۋشى، قولباسشى ءامىر تەمىردىڭ قۇرمەتىنە ەسكەرتكىش پايدا بولۋى مۇمكىن. ەسكەرتكىش وزبەكستان مينيسترلەر كابينەتىنىڭ بيىلعى 17 قاراشاداعى قاۋلىسىنا سايكەس رەسەي فەدەراتسياسىنىڭ سامارا وبلىسىنداعى كوندۋرچا وزەنىنىڭ ماڭىندا ورناتىلادى دەپ جوسپارلانۋدا.

قۇجاتقا سايكەس، وزبەكستان ۇكىمەتى ءامىر تەمىردىڭ وسىدان 600 جىل بۇرىن  التىن وردا حانى توقتامىستى جەڭگەنىنىڭ قۇرمەتىنە رەسەي فەدەراتسياسىندا ەسكەرتكىش ورناتادى.

قاۋلىدا سامارا ولكەتانۋشىلارىنىڭ كوندۋرچا وزەنىنە ورناتقان ەسكەرتكىش تاستىڭ ورنىنا ءامىر تەمىر مەن ونىڭ ساربازدارى بەينەلەنگەن كومپوزيتسيالىق ەسكەرتكىش ورناتۋعا شولۋ بايقاۋىن وتكىزۋ ۇسىنىلادى.

بايقاۋ قورىتىندىسى بويىنشا وزبەكستان تاراپى رەسەي سىرتقى ىستەر مينيسترلىگى جانە مادەنيەت مينيسترلىگىمەن بىرلەسە وتىرىپ، ەسكەرتكىش ورناتۋ تۋرالى مەموراندۋم دايىنداپ، قول قويۋدى كوزدەپ وتىر. ولار جوبانى 2023 جىلعا دەيىن جۇزەگە اسىرماقشى.

Abai.kz