جۇما, 29 ناۋرىز 2024
انە، كوردىڭ بە؟ 4343 11 پىكىر 22 قاراشا, 2021 ساعات 15:23

ورىس مەكتەبى ازايىپ، ارالاس مەكتەپ كوبەيدى

قازاقستانداعى ورىس ءتىلى ماسەلەسى مەن مەملەكەتتىك ءتىلدى كوتەرۋ تاقىرىبى شيرەك عاسىر كۇن تارتىبىنەن تۇسكەن ەمەس. مەملەكەتتىك ءتىلدى بيلىك مىنبەردەن كوپ ايتپايتىنى دا حالىقتىڭ نارازىلىعىن تۋىنداتۋدا. ال سوڭعى جىلدارى قازاق مەكتەپتەرىنەن گورى ارالاس مەكتەپتەردىڭ سانى كوبەيىپ بارادى دەيدى ساراپشىلار. كەيىنگى 10 جىلدا ەلدە قازاق مەكتەبىنىڭ سانى بار-جوعى 4-كە كوبەيسە، ارالاس مەكتەپ بىردەن 339-عا ارتقان ەكەن. 

ەلىمىزدە ورىس مەكتەپتەرى سوڭعى 10 جىلدا ولاردىڭ سانى 211-گە كەمىگەن. بىراق ارالاس مەكتەپتەر سانى ارتقان. وكىنىشكە وراي ءار بەس جىل سايىن ولاردىڭ سانى ورتا ەسەپپەن 200-گە ارتىپ وتىرعان. ارالاس مەكتەپ دەگەنىمىز دە اتى ارالاس، زاتى ورىس مەكتەبى دەگەن ءسوز. سەبەبى قالالىق جەردە قازاق مەكتەبىندە وقيتىن بالالاردىڭ ءوزى، كوشەدە ورىسشا سويلەگەندى قۇپ كورەدى دەيدى ماماندار.

استانامىزداعى «Binom school» ديرەكتورى شولپان قادىروۆا: «ءىرى قالالاردا اتا-انالار ءوز ىڭعايى ءۇشىن بە، ايتەۋىر بالالارىن ورىس سىنىپتارىنا بەرەدى. بىراق قازىر قالانىڭ كەز كەلگەن مەكتەبىنە بارساڭىز، قازاق ءتىلدى باستاۋىش سىنىپتاردىڭ مۇعالىمدەرى قانشالىقتى جانىپ تۇرعانىن كورەسىز. ال ورىس سىنىپتارىندا كادر جەتىسپەيدى. ورىس سىنىپتاردا باستاۋىش مۇعالىمدەرىنە تۇلەكتەر بارعىسى كەلمەيدى. بۇل قاجەتتىلىكتى جابۋ ءۇشىن ورىس سىنىپتارى ءتورتىنشى كۋرستاردا وقيتىن ستۋدەنتتەردى جۇمىسقا الۋعا ءماجبۇر»، - دەيدى.

بۇگىندە ورىس سىنىپتارىندا وقىپ جاتقان بالالاردىڭ باسىم كوپشىلىگى قازاق بالالارى.  نۇر-سۇلتان قالاسىنداعى №90 گيمنازياسىنىڭ ديرەكتورى اياتجان احمەتجانۇلى: «2017 جىلدان كەيىن بۇل كورسەتكىش كەرى شەگىندى. ونىڭ ەكى ءتۇرلى سەبەبى بار: ءبىرى – بيلىك رەسمي ورىس ءتىلدى مەكتەپتەرگە كوڭىل ءبولۋىن قوي تەرىسىن جامىلعان قاسقىر فورماتىندا جۇرگىزدى. ول – ۇشتىلدىلىك ساياساتى. سول ارقىلى قۇردىمعا كەتىپ بارا جاتقان ورىس ءتىلدى مەكتەپتەردى تىرىلتۋگە بارىن سالدى.

مىنە، سول سەبەپتى حالىق جاپپاي بالاسىن ورىس سىنىپتارىنا بەرەدى. سوندىقتان بۇل تىكەلەي بيلىكتىڭ تىكەلەي شەشىمى دەپ ايتۋعا بولادى. ءيا، بالاسىن قاي تىلدەگى مەكتەپكە بەرۋدى اتا-انا شەشەدى. بىراق اتا-انا، حالىق بيلىك قاي جاققا كوپ كوڭىل بولەدى – سول جاققا بالاسىن بەرەدى. شەشىمى – بيلىك قازاق تىلىنە بەت بۇرۋى كەرەك», - دەيدى.

ەلىمىزدە لاتىن ءالىپبيى رەفورماسى ءساتسىز جۇرسە، ورىس مەكتەپتەرى مەن ارالاس مەكتەپتەرگە بالالارىن بەرەتىن قازاقتار سانى ارتۋى مۇمكىن دەگەن بولجام بار.

Abai.kz

11 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2264
عيبىرات

قايسار رۋحتى عازيز جان

مۇحتار قۇل-مۇحاممەد 3555