جۇما, 29 ناۋرىز 2024
جاۋاپ 3292 0 پىكىر 4 قاراشا, 2021 ساعات 15:03

Abai.kz ماقالاسىنا تسيفرلىق دامۋ مينيسترلىگى جاۋاپ بەردى

قۇرمەتتى وقىرمان! 2 قاراشا كۇنى Abai.kz اقپاراتتىق پورتالىندا ءماجىلىس دەپۋتاتى قازىبەك يسانىڭ «ءمۋسيننىڭ جاۋابى مەن ۇكىمەتكە سۇراقتار» اتتى ماقالاسى جاريالانعان ەدى. وندا تسيفرلاندىرۋ سالاسىنداعى جەتىستىكتەرگە ارنالعان «DIGITAL BRIDGE» تسيفرلاندىرۋ حالىقارالىق فورۋمىندا بولعان جاعداي ەگجەي-تەگجەيلى باياندالعان.

بۇگىن قر تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى Abai.kz ماقالاسىنا جاۋاپ جولداپتى. نازارلارىڭىزعا قاز-قالپىندا ۇسىنامىز...

مينيسترلىك جاۋابى:

Abai.kz اقپاراتتىق پورتالىنداعى «ءمۋسيننىڭ جاۋابى مەن ۇكىمەتكە سۇراقتار» ماتەريالىنا وراي تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىنىڭ ءباسپاسوز قىزمەتى مىناداي اقپارات ۇسىنادى:

Digital Bridge 2021 فورۋمى قازاقستان، رەسەي، بەلارۋس، اقش پەن يندونەزيا ەلدەرىنەن 70-تەن استام سپيكەر مەن 5000-نان استام قاتىسۋشىنىڭ باسىن قوستى. قازاقساندىق ءىت-سالاعا جاڭا سەرپىن بەرۋ ماقساتىندا وتكىزىلگەن فورۋمعا شامامەن 1000 ادام وفلاين قاتىسىپ، 4000-نان استام ادام الەمنىڭ تۇكپىر-تۇكپىرىنەن ونلاين قوسىلدى.

قاتىسۋشىلارعا ارنالعان اقپاراتتىق ماتەريالدار قازاق، ورىس جانە اعىلشىن تىلدەرىندە تسيفرلىق نۇسقادا ۇسىنىلدى. سونداي-اق حالىقارالىق دەڭگەيدەگى فورۋمعا كەلگەن سپيكەرلەردىڭ باياندامالارى كوبىنە ورىس جانە اعىلشىن تىلدەرىندە بولاتىنى ەسكەرىلىپ، فورۋم بارىسىنا قازاقشا سينحروندىق اۋدارما جاسالدى.

;t=36375s

ستارتاپتار كورمەسىندە كەز-كەلگەن قازاقستاندىققا ءوز ءىت-ءونىمىن نەمەسە ءونىمىنىڭ جوباسىن جۇرت نازارىنا ۇسىنۋعا مۇمكىندىك جاسالدى. ولارعا پرەزەنتاتسيا تىلىنە قاتىستى تالاپ قويىلماعانى راس، بىراق ستارتاپشىلاردىڭ دەنى قازاقشا جانە ورىسشا، كەيبىرى ءتىپتى اعىلشىن تىلىندە ەركىن سويلەي الاتىنى بايقالدى. دەسەك تە، ۆەنچۋرلىق ينۆەستورلاردىڭ نازارىن وزىنە اۋدارىپ، ستارتاپىنا ينۆەستيتسيا تارتۋعا تىرىسقان ستارتاپشىلار ونىمدەرىن پوتەنتسيالدى ينۆەستورلاردىڭ ىڭعايىنا قاراي تانىستىرعان بولۋى كەرەك.

بۇل تۇرعىدا تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى ء(تسدياوم)  قازاق ءتىلىن دامىتۋعا ارنالعان ستارتاپتارعا ەرەكشە نازار سالىپ، قولداۋ كورسەتۋدە. سونىڭ ىشىندە OCR Kaz – قازاق تىلىندەگى جازباشا ءماتىندى تانۋ باعدارلاماسى، uniup.kz – قازاقشا ونلاين-كۋرستار پلاتفورماسى، Digital Nomad – قازاق ءتىلى مۇعالىمدەرىن زاماناۋي تەحنولوگيالارعا وقىتۋعا ارنالعان ۆەبينارلار سەرياسى، Kitap summary – شەتەلدىك شىعارمالاردىڭ قازاقشا اۋديونۇسقاسىنىڭ قوسىمشاسى، KITABU  - قازاقستاندىق اۆتورلاردىڭ اۋديوكىتاپتار موبيلدىك قوسىمشاسى، Online Bilim Beru Academy – قازاقتىلدى اۋديتورياعا اعىلشىنشا ۇيرەتۋ سەرۆيسى جانە ت.ب. ستارتاپتار بار.

https://www.youtube.com/playlist?list=PL1qsVsdKAeyJcPA5xGizA-PXwKXZchjhz

Astana Hub IT-ستارتاپتاردىڭ حالىقارالىق تەحنوپاركى اياسىندا قازاقتىلدى بلوگەرلەرمەن شىعارماشىلىق بايلانىس ورناتىلىپ، قازاق تىلىندە مەدياجوبالار – SHOQAN, UYA, OIANU قىسقا مەتراجدى فيلمدەر ، سونداي-اق ۆەب-سەريالدار مەن ءتۇرلى بەينەروليكتەر جاسالىپ جاتىر. قازىر قازاقستاندىق ستارتاپتار تۋرالى قازاق تىلىندە 6 بەينەروليك تۇسىرىلۋدە. تەحنوپارك الاڭىنداعى Zerdeli ستۋدياسى مەكتەپ جاسىنداعى بالالارعا قازاق تىلىندە ءبىلىم بەرۋ قىزمەتىن ۇسىنادى، سونىڭ ىشىندە ونلاين كۋرستار دا بار جانە تسيفرلىق ءبىلىم رەسۋرستارىن جاسايدى، اۆتورلىق وقۋلىقتاردى شىعارىپ، پەداگوگتارعا ونلاين-ۆەبينارلار وتكىزەدى.

الداعى جۇما، 5 قاراشادا نۇر-سۇلتاندا «QazForum-2021» قازاق تىلىندە ونلاين–كونتەنت جاساۋشىلاردىڭ V فورۋمى وتەدى. كەزدەسۋ بارىسىندا مينيستر باعدات مۋسين ەلدەگى تسيفرلاندىرۋ ءۇردىسى جايلى بايانداپ، قازاقتىلدى ينتەرنەتتىڭ بۇگىنى مەن بولاشاعى تۋرالى ساۋالدارعا جاۋاپ بەرەدى. سونىمەن قاتار وسى فورۋم اياسىندا تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىنىڭ ۇيىمداستىرۋىمەن قازاق ءتىلىن دامىتۋعا باعىتتالعان ستارتاپتار اراسىندا  «Astana Hub Battle» جارىسى وتەدى. ۇزدىك شىققان ستارتاپ اۆتورلارىنا ءوز ونىمدەرىن ءارى قاراي دامىتۋ ءۇشىن 10 مىڭ، 5 مىڭ جانە 3 مىڭ اقش دوللارى كولەمىندە اقشالاي گرانتتار تابىستالادى. قازىرگى ساتتە بۇل بايقاۋعا قاتىسۋعا 15 شاقتى ءوتىنىم كەلىپ ءتۇستى.

بۇدان بولەك، تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىندە تسيفرلاندىرۋ سالاسىنداعى قازاق ءتىلىنىڭ قولدانىلۋ اياسىن كەڭەيتۋ ماقساتىندا باسقا دا ءىس-شارالار قولعا الىنىپ، تسيفرلىق ترانسفورماتسيا كەزىندە سەرۆيستەردىڭ مەملەكەتتىك تىلدەگى نۇسقاسىنىڭ ساپاسىنا ءجىتى كوڭىل بولىنۋدە. بۇل جۇمىستاردىڭ شەت جاعاسىن، سونىڭ ىشىندە ەلەكتروندىق ۇكىمەت پورتالىنىڭ «قازاقشاسىن جوندەۋ» جايىن مينيستر باعدات مۋسين وسىدان ءبىر اپتا بۇرىن، ياعني 25 قاراشادا ۇكىمەت ساعاتىندا ايتقان بولاتىن.

«eGov پورتالىندا بارلىق قىزمەت قازاق تىلىندە بار. بىراق شىنىندا كەيبىر ءسوزدى مەن دە ۇعا بەرمەيمىن. تەك قانا ورىس تىلىنەن اۋدارا بەرگەنبىز، بىراق ماعىناسىنا ساي ەمەس. سوندىقتان ءبىز وسىنى زەرتتەپ، eGov-تىڭ پروتسەستەرىن ترانسفورماتسيا ورتالىعىندا قايتا قاراۋ جۇمىستارىن جۇرگىزىپ جاتىرمىز. مەن سول جەرگە ءسىزدى دە شاقىرامىن»، - دەگەن باعدات مۋسين ساۋال جولداعان دەپۋتات قازىبەك يساعا تەك پورتالداعى ماتىندەر عانا ەمەس، جالپى مەملەكەتتىك قىزمەتتەردىڭ اتاۋلارىن دا جوندەۋ كەرەكتىگىن ايتىپ، ءتيىستى ۇسىنىس جاسالدى.

سونداي-اق بۇل تاراپتا قازىر ءتسدياوم مەملەكەتتىك اقپاراتتىق جۇيەلەرىنىڭ ينتەرفەيسىندەگى «قازاق ءتىلىنىڭ جاعدايىنا» ساراپتاما جاساۋ جۇمىستارىن جۇرگىزىپ جاتىر. جانە قر پارلامەنت ءماجىلىسىنىڭ دەپۋتاتى  قازىبەك يسا مەن قوعام قايراتكەرى قۋانىش شونبايعا eGov.kz پورتالىنىڭ قازاق تىلىندە قىزمەت كورسەتۋ ساپاسىن ارتتىرۋ ءۇشىن قۇرىلعان جۇمىس توبىنا قوسىلۋعا ۇسىنىس جاساۋ جوسپارلانعان.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1584
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2284
عيبىرات

قايسار رۋحتى عازيز جان

مۇحتار قۇل-مۇحاممەد 3622