بۇگىن ءماجىلىس سپيكەرى نۇرلان نىعماتۋليننىڭ توراعالىعىمەن پالاتا بيۋروسى ءوتىپ، وندا الداعى جالپى وتىرىستىڭ كۇن ءتارتىبى ناقتىلاندى.
بيۋرو وتىرىسىندا دەپۋتاتتار قاراۋىنا «قازاقستان رەسپۋبليكاسى تاۋەلسىزدىگىنىڭ وتىز جىلدىعىنا بايلانىستى راقىمشىلىق جاساۋ تۋرالى» زاڭ جوباسىن قاراۋ ۇسىنىلادى.

زاڭ جوباسى مەملەكەتتىڭ جانە ازاماتتاردىڭ قاۋىپسىزدىگىنە قاتەر توندىرمەيتىن قىلمىستار جاساعانى ءۇشىن سوتتالعان ادامداردى، ونىڭ ىشىندە ازاماتتاردىڭ الەۋمەتتىك قاۋقارسىز ساناتتارىن جازادان بوساتۋعا مۇمكىندىك بەرەدى.

كۇن ءتارتىبىنىڭ جوباسىندا دەپۋتاتتار باستاماشى بولعان «قازاقستان رەسپۋبليكاسىنىڭ سوت جۇيەسى مەن سۋديالارىنىڭ مارتەبەسى تۋرالى» قازاقستان رەسپۋبليكاسىنىڭ كونستيتۋتسيالىق زاڭىنا وزگەرىستەر مەن تولىقتىرۋلار ەنگىزۋ تۋرالى» كونستيتۋتسيالىق زاڭ جوباسىن جانە سوت جۇيەسى ماسەلەلەرى بويىنشا زاڭنامالىق تۇزەتۋلەردى ءبىرىنشى وقىلىمدا قاراۋ كوزدەلگەن.

سونىمەن قاتار، الداعى جالپى وتىرىستا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە داۋلاردى سوتتان تىس جانە سوتقا دەيىنگى رەتتەۋ ينستيتۋتتارىن دامىتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن ءبىرىنشى وقىلىمدا قاراۋ قاراستىرىلعان.
سونداي-اق، بيۋرو وتىرىسىندا دەپۋتاتتارعا كاسىپكەرلىك قىزمەت سالاسىندا جاڭا رەتتەۋشىلىك ساياساتتى ەنگىزۋ جانە باسەكەلەستىكتى دامىتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى زاڭ جوباسىن ءبىرىنشى وقىلىمدا قاراۋ ۇسىنىلادى.

Abai.kz