جۇما, 29 ناۋرىز 2024
جاڭالىقتار 2504 0 پىكىر 10 شىلدە, 2012 ساعات 07:27

ەلەۋجان سەرىموۆ. قۇلقىننىڭ قۇلى ەمەس، جۇرتىنىڭ ۇلى بولعاندار

(ەستەلىك كىتابى. استانا. قر ىشكى ىستەر ورگاندارىنىڭ مەديا ورتالىعى جشس. 2012 ج. -272 بەت)

جۋىردا ەرلىك تۋرالى كىتاپ باسىلىپ شىقتى. حالىقتىڭ قاۋىپسىز ءəرى تىنىش ءومىرى ءۇشىن قاھارماندىقپەن ەڭبەك ەتكەن، ىشكى ىستەر ورگاندارىندا وپات بولعان قىزمەتكەرلەر جايىندا. ۇرىككەن ۇيدەگىسىن، قورىققان قوراداعىسىن الدىرعاندارعا دەر كەزدە قول ۇشىن بەرىپ وزدەرىن قۇربان ەتكەندەر تۋرالى. شىعارۋشىلار ەستەلىك كىتابى دەپ اتاپتى. راس تا شىعار. ەلىمىز تاۋەلسىز بولعاننان بەرى قىزمەتتىك بورىشىن ورىنداۋ كەزىندە بەيبىت كۇندە وسىنشاما ازاماتىمىز قىزمەتتە ءجۇرىپ كوز جۇمىپتى دەگەنگە ادام سەنبەستەي. ايتۋعا اۋزىمىز بارماسا دا ايتايىق، ولىمدە دە جۇبانىش بار ەكەن. جۇبانىش ەمەي نە، بۇكىل قوعام بولىپ پوليتسەيلەردى عايباتتاپ جاتسا. جەر باسىپ ءتىرى جۇرگەندەر شىنايى ازامات قالپىندا قالعان ازاماتتارىن، قىلمىسكەرلەردى ۇستاپ، قيىن جاعدايعا تۇسكەن جانداردى قۇتقارعان قايسار ءىس-əرەكەتى مەن əردايىم باتىل قادامعا دايارلىعىن اسپەتتەپ باقيعا اتتانعان الىپتەستەرىن كىتاپ بەتىندە ەسكە الىپتى. قاشان دا اۋىزعا كەلگەن ءسوز ارزان بولادى. ەرلىكتىڭ قۇنىن تۇسىرمەيىك دەسەك تە، ايتىپ جەتكىزۋ استە مۇمكىن ەمەس ەكەن. وقىساڭ، جانىڭ ەزىلەدى. قامىرىق مۇڭ باسادى جۇرەگىڭدى. اقيقات اششى، جالعان تۇششى عوي. ءبىر ءسات كىتاپ پاراقتارىنا ءۇڭىلىپ كورەلىكشى...

 

(ەستەلىك كىتابى. استانا. قر ىشكى ىستەر ورگاندارىنىڭ مەديا ورتالىعى جشس. 2012 ج. -272 بەت)

جۋىردا ەرلىك تۋرالى كىتاپ باسىلىپ شىقتى. حالىقتىڭ قاۋىپسىز ءəرى تىنىش ءومىرى ءۇشىن قاھارماندىقپەن ەڭبەك ەتكەن، ىشكى ىستەر ورگاندارىندا وپات بولعان قىزمەتكەرلەر جايىندا. ۇرىككەن ۇيدەگىسىن، قورىققان قوراداعىسىن الدىرعاندارعا دەر كەزدە قول ۇشىن بەرىپ وزدەرىن قۇربان ەتكەندەر تۋرالى. شىعارۋشىلار ەستەلىك كىتابى دەپ اتاپتى. راس تا شىعار. ەلىمىز تاۋەلسىز بولعاننان بەرى قىزمەتتىك بورىشىن ورىنداۋ كەزىندە بەيبىت كۇندە وسىنشاما ازاماتىمىز قىزمەتتە ءجۇرىپ كوز جۇمىپتى دەگەنگە ادام سەنبەستەي. ايتۋعا اۋزىمىز بارماسا دا ايتايىق، ولىمدە دە جۇبانىش بار ەكەن. جۇبانىش ەمەي نە، بۇكىل قوعام بولىپ پوليتسەيلەردى عايباتتاپ جاتسا. جەر باسىپ ءتىرى جۇرگەندەر شىنايى ازامات قالپىندا قالعان ازاماتتارىن، قىلمىسكەرلەردى ۇستاپ، قيىن جاعدايعا تۇسكەن جانداردى قۇتقارعان قايسار ءىس-əرەكەتى مەن əردايىم باتىل قادامعا دايارلىعىن اسپەتتەپ باقيعا اتتانعان الىپتەستەرىن كىتاپ بەتىندە ەسكە الىپتى. قاشان دا اۋىزعا كەلگەن ءسوز ارزان بولادى. ەرلىكتىڭ قۇنىن تۇسىرمەيىك دەسەك تە، ايتىپ جەتكىزۋ استە مۇمكىن ەمەس ەكەن. وقىساڭ، جانىڭ ەزىلەدى. قامىرىق مۇڭ باسادى جۇرەگىڭدى. اقيقات اششى، جالعان تۇششى عوي. ءبىر ءسات كىتاپ پاراقتارىنا ءۇڭىلىپ كورەلىكشى...

 

«...ءىىبب مەديتسينالىق ءبولىمىنىڭ باستىعى پوليتسيا پودپولكوۆنيگى ب. بيجانوۆاعا تت تاپانشاسىنان وق اتىلدى، ول ەسىن جيناماستان اقمولا وبلىستىق اۋرۋحاناسىندا كوز جۇمدى. كەيىن تەرگەۋ-ىزدەستىرۋ ءىس-شارالارى كەزىندە وسى قىلمىستىڭ ۇيىمداستىرۋشىسى مەن ورىنداۋشىلارى تابىلىپ، ۇستالدى. بۇل كىسى ءولتىرۋ ب. بيجانوۆاعا ونىڭ قىزمەتتىك جۇمىسىنا بايلانىستى تاپسىرىس بويىنشا جاسالعان...

...جتت تەرگەۋ امالدارىن جۇرگىزگەن كەزدە، پوليتسيا اعا سەرجانتى ب. قاجىموۆقا ازامات ا. باجاپاەۆ كەلىپ، ءۇش جىگىت سەبەپسىز ءبىر ادامدى ۇرىپ، بەلگىسىز جاققا كەتىپ بارا جاتقانىن حابارلادى. وسى ادامداردى ۇستاۋ كەزىندە بولات ەرمەكۇلى جۇرەك-قان تامىرلارىنىڭ جەتكىلىكسىزدىگىنەن قايتىس بولدى...

...ىشكى قىزمەت كىشى سەرجانتى ەتس-166/1 مەكەمەسىنىڭ باقىلاۋشىسى ەدۋارد زەينۋللاۇلى قۇجامۇراتوۆ قىزمەتتىك مىندەتتەرىن ورىنداۋ كەزىندە قازا بولدى...

...1995 جىلى 23 قىركۇيەكتە بۇزاقىلىق əرەكەتتىڭ جولىن كەسۋ كەزىندە سماعۇل تولەگەنۇلى اتىس جاراقاتىنان قازا تاپتى...

2001.28.05 ساندىقتاۋ ءاىىب باستىعىنىڭ № 107 بۇيرىعىنا سəيكەس ءاىىب ۋۇي ايداۋىل بولىمشەسىنىڭ پوليتسەي جۇرگىزۋشىسى پوليتسيا اعا سەرجانتى ب. قوزعانباەۆ ەگىس ناۋقانى كەزىندە قوعامدىق ءتəرتىپتى ساقتاۋ ءۇشىن ماكسيموۆ اۋىلدىق وكرۋگىنە ىسساپارعا جىبەرىلگەن. 02.06 2001 جىلى ب.قوزعانباەۆ ماكسيموۆ اۋىلدىق وكرۋگىنىڭ ايماعىندا قوعامدىق ءتəرتىپتى ساقتاۋ كەزىندە العان اتىس جاراقاتىنان قايتىس بولدى...

... 2011 جىلعى 1 شىلدەدە ساعات شامامەن 00.00-دە ىشىندە ون ادامنان تۇراتىن قارۋلى قىلمىستىق توپ تىرەك بەكەتىنىڭ ماڭىندا «ميتسۋبيسي-دەليكا» اۆتوكولىگىمەن پوليتسيا سەرجانتى ن. الپىسباي مەن پوليتسيا اعا سەرجانتى ا. بورانباەۆ وتىرعان قىزمەتتىك اۆتوكولىككە «سايگا» كارابينىنەن، ماكاروۆ تاپانشاسىنان جəنە تەگىس ۇڭعىلى اڭشى قارۋىنان وق اتىپ، وقيعا ورنىنان بوي تاسالاعان. پوليتسيا سەرجانتى ن. الپىسباي مەن ا. بورانباەۆ اتىلعان وق سالدارىنان سول جەردە كوز جۇمعان...»

 

قاراپ وتىرىپ جانىڭ تۇرشىگەدى. اۋ، اي مەن كۇننىڭ امانىندا، بەيبىت كۇندە قىپ-قىزىل قىرعىن مايدان ءبىر. قىرشىنىنان قيىلعان وندىردەي جاستار كىل. ارقايسىسى ءاربىر ادەمى ورتانىڭ، وتباسىنىڭ ءبىر-ءبىر بۇلانايلارى. باسقا گۇرزى ۇرعانداي ەسەڭگىرەتىپ تاستايدى... ءتۇرلى ادامدار، ءتۇرلى تاعدىرلار، سوڭىندا اڭىراپ انا، اياۋلى جار، بالا-شاعا قالعان... ناعىز ەرلىك، ار مەن نامىس، پارىز بەن مىندەتكە ادال بولۋ وسى ەمەس پە دەيسىڭ. بۇرىن كەڭەس كەزەڭى شىناشاقتاي ۇل مەن شاشباۋلى قىزعا دەيىن وتان سوعىسىنداعى اتالار ەرلىگىن ۇلگى تۇتقىزاتىن، مەكتەپتەردە اۋعان سوعىسى ارداگەرلەرىن ارداقتاتاتىن، سوڭعى كەزدە مۇنى دا مانسۇق ەتكەندەر تابىلىپ جاتىر. ال بەيبىت كەزدەگى ەرلىكتىڭ ءجونى ءتىپتى باسقا ەكەن. «بۇگىنگى كۇننىڭ قاھارمانى كىم؟» دەگەن ساۋال توڭىرەگىندە جازۋشى اعايىندار ءباسپاسوز بەتىندە وي تولعايتىنى بار. ايتسە دە بۇگىنگى قاھارمان ىشكى «ەگوسى» قالىڭ پەچەريندەر ەمەس، وسى بوزداقتار دەگىمىز كەلەدى. كورە تۇرىپ ايتپاعان كورگەنسىزدىك بەلگىسى دەگەنگە جۇگىنىپ، ءۋايىمشىل ويدىڭ جەلەۋىمەن باتىلدىقتى قۇرمەت تۇتار قاۋىمعا ارنالعان كىتاپ شىققاندىعىن جار سالىپ ايگىلەگىمىز كەلدى. ءيا، قاسىرەتكە دە ادەپ كەرەك ەكەن. وسى ادەپتى كىتاپ شىعارۋشىلار ادال اتقارىپتى. شىعارۋشىلار - ىشكى ىستەر مينيسترلىگىنە قاراستى قاراعاندى اكادەمياسىنىڭ ۇجىمى. كىتاپتا: «كوپتەگەن پوليتسەيلەردىڭ جوعارى شەن مەن سىيلىقتارعا لايىق بولىپ تانىلعانى تاڭعالدىرمايدى. ەلىمىزدىڭ بەيبىتشىلىگىن ساقتاپ جəنە ازاماتتار تىنىشتىعىن قورعاۋ جولىندا ءوز ومىرلەرىن قيعان باتىل دا قايسار قىزمەتكەرلەردىڭ ەسىمدەرى ەل تاريحىندا مəڭگىلىك جازىلادى» دەلىنىپتى. راسى وسى.

كارىسىن وردادا قالدىرماي، وبادا قالدىرعان، ولىگىن مولادا قالدىرماي، دالادا قالدىرعان بۇل سياقتى شىن ماعىناسىندا كىسىلىك باعالانبايتىن كورگەنسىز قوعامدا كورگەندى ءىس جاساعاندار، بوزدى بوساعاعا وتىرعىزىپ، تورىنى تورگە شىعارعان قيسىق زامانعا قيىسپايتىن كوزسىز ەرلىك  كورسەتكەندەر رۋحى ريزا بولسىن دەيىك.

 

ەلەۋجان سەرىموۆ،

پوليتسيا پولكوۆنيگى،

قاراعاندى قالاسى.

 

«اباي-اقپارات»

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1576
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2272
عيبىرات

قايسار رۋحتى عازيز جان

مۇحتار قۇل-مۇحاممەد 3590