جۇما, 29 ناۋرىز 2024
46 - ءسوز 2956 1 پىكىر 22 قازان, 2021 ساعات 15:22

بۇل دەفيتسيتتىڭ سوڭى نەگە اپارادى؟

وتكەن اپتادا بىرنەشە كۇن شىمكەنتتە جۇرگەنىمدە جانارماي بەكەتتەرىندە بەنزين تاپشىلىعى قاتتى سەزىلىپ جاتقانىن بايقادىم. سوسىن استانادان الماتىعا قاراي شىققان جۇك كولىگىن تىزگىندەگەن جۇرگىزۋشىلەر دە ەشبىر بەكەتتەن ديزەل تاپپاي ويبايلاپ قالعانىن فەيسبۋكتەن وقىدىم. ودان قايبىر كۇنى تارازدان ءوتىپ وتارداعى بەكەتكە كەلسەم جانارمايعا ليميت، تەك 3 مىڭ تەڭگەگە عانا قۇيىپ بەرە الامىز دەيدى. ول جانارمايمەن الماتىعا جەتە المايمىز عوي دەپ ءبىراز جۇرگىزۋشى ويبايلادىق تا قالدىق.

تۇتىنۋشى رەتىندە قيىن جاعدايعا تاپ بولدىق. مەن دە، مەنىڭ جانىمداعى ءبىراز جۇرگىزۋشىلەر ءۇشىن دە ەڭ اۋەلى ساپالى جانارماي جانە ونىڭ جەتكىلىكتى مولشەردە بولۋى ماڭىزدى. باتىس-قىتاي تاس جولى ءالى تولىق بىتكەن جوق. جول بويىنداعى ەلدى-مەكەندەردەن جانارماي بەكەتىن تاپپايتىنىمىز دا بەلگىلى. بولسا دا كوبىنىڭ ساپاسى سىن كوتەرمەيدى.
ديزەل دە وسىنداي جاعدايدا.

ساراپشىلار ديزەلدىڭ تاپشىلىعىنا كورشى ەلدەرگە زاڭسىز اسىرىلىپ جاتقان ارەكەتتەر سەبەپ دەيدى. زاڭ مەن شەكتەۋلەرگە قاراماستان ايلاسىن تاۋىپ جاتقاندار بارشىلىق. كورشى ەلدەرمەن باعانى تەڭەستىرمەسەك ءوز جانارمايىمىز وزىمىزگە جەتپەگەنى جەتپەگەن دەگەندى العا تارتىپ وتىر.

بۇل دەفيتسيتتىڭ سوڭى نەگە اپارادى؟

قازىر ناعىز شارۋاشىلىقتىڭ ناۋقانى. تەحنيكانىڭ بارلىعى ديزەلگە تاۋەلدى. جانارماي بولماسا جۇمىس تا جۇرمەي توقتاپ قالادى. ءوز جانارمايىمىزدى ارزانعا ساتىپ تاۋىسقان سوڭ امال جوق رەسەيدىڭ قىمبات ديزەلىن ساتىپ الۋعا ءماجبۇر بوپ وتىرمىز…

تەزىرەك جانارماي باعاسىن رەتتەپ، تاپشىلىق ماسەلەسىن شەشۋ كەرەك. شارۋا، ەگىن، القاپ، جۇمىس كەزەك كۇتپەيدى.

اسحات سادىرباي

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3601