جۇما, 29 ناۋرىز 2024
بيلىك 3589 10 پىكىر 22 قازان, 2021 ساعات 13:30

نازارباەۆ: «بيلىكتەن 2015 جىلى كەتپەك بولدىم…»

نۇرسۇلتان نازارباەۆ اتىنداعى قوردىڭ قولداۋىمەن ەلباسى ءباسپاسوز قىزمەتى مەن جۋرناليست ايگۇل اديلوۆانىڭ بىرىگىپ جاساعان جوباسى «شتريحي ك پورترەتۋ. وتكروۆەنيە» اتتى بەسىنشى دەرەكتى ءفيلمى جاريالاندى.

فيلم ءبىرىنشى پرەزيدەنتپەن ەمەن-جارقىن سۇحباتقا قۇرىلعان. ەكس-پرەزيدەنت نۇرسۇلتان نازارباەۆ ءوز سۇحباتىندا قازىر قىزمەتىنەن كەتىپ، دەمالىس ۋاقىتىندا جۇرگەنىمەن ءالى كۇنگە حالىق ىسىنە بەي-جاي قاراي المايتىنىن ايتىپتى.

«زەينەتكە شىققان جورج بۋشتان: «ءسىز ءومىر بويى ساياساتتا ءجۇردىڭىز. ال، قازىر جاعدايىڭىز قالاي؟»، - دەپ سۇرادىم ول: «تەلەديدار كورمەيمىن، گازەت وقىمايمىن، جاڭالىق تىڭدامايمىن، سودان ەشتەڭەگە الاڭدامايمىن»، - دەپ جاۋاپ بەردى. ال، مەن ولاي ىستەي المايمىن»، - دەيدى نۇرسۇلتان نازارباەۆ.

ەكس-پرەزيدەنت باتىس ەلدەرىنىڭ پوستكەڭەستىك ەلدەرگە قاراعاندا «سىيلىققا» اسا ءمان بەرمەيتىنىن ايتادى. مىسالى، تۇركىمەن پرەزيدەنتى اقالتەكە اتىن مىنگىزسە، وزبەك كورشىلەر «وزبەك حالاتتارىن» سىيلايدى.

پرەزيدەنتتىك قىزمەتتەن كەتۋ تۋرالى شەشىمدى نازارباەۆ ارىپتەستەرىنىڭ ىشىنەن تەك قانا رەسەي پرەزيدەنتى ۆلاديمير پۋتينگە ايتقان.

«مۇنداي نارسەنى جان-جاققا ايتۋعا بولمايدى. ەشكىمگە ايتقان جوقپىن. تەك سول كۇنى ەرتەڭگىسىن پۋتينگە حابارلاستىم، قانشا دەگەنمەن كورشىمىز عوي. ول قاتتى تاڭعالدى. «بۇگىن كەشكە حابارلانادى، ونى مەنىڭ اۋزىمنان ەستىگەنىڭىز ءجون دەپ شەشتىم»، - دەدىم. بولدى. باسقا ەلدەردىڭ باسشىلارى مۇنى بىلگەن جوق»، - دەپتى نازارباەۆ.

سۇحبات بارىسىندا نۇرسۇلتان نازارباەۆ 2015 جىلى ورنىنان كەتۋگە شەشىم قابىلداعانىن، بىراق حالىقتىڭ قولداۋىمەن تاعى ءبىر مارتە پرەزيدەنتتىككە سايلانعانىن ايتقان.

«2015 جىلى 75 جاسقا تولىپ، قىزمەتتەن كەتەم دەپ ويلادىم. سول كەزدە قازاقستان حالىقتار اسسامبلەياسى مەنىڭ قىزمەتىمدى ۇزارتۋ ءۇشىن بۇكىل قازاقستاننان قول جيناي باستادى. سايلاۋسىز جانە ءومىر بويعى باسقارۋ. مەنىڭ قارسىلىعىما قاراماستان، ەلىمىز بويىنشا 5 ملن قول جينالدى. بۇل ەلەكتوراتتىڭ 65%-ى، ياعني مەن سايلانىپ تۇرمىن دەگەندى بىلدىرەدى. سوسىن حالىق پىكىرىن سۇراۋ ءۇشىن سايلاۋ وتكىزدىك. ەڭ العاش 1991 جىلى 98,80%  داۋىس بەرىلدى، كەيىنگى 15 جىلدا 97,98%-دان تۇسپەيتىن داۋىس جينالىپ ءجۇردى»، - دەدى نۇرسۇلتان نازارباەۆ.

بۇرىن ەشكىمگە ايتپاعان سىرىمەن دە ءبولىسىپتى. ەلباسىنىڭ ومىرتقاسىنا كۇردەلى وپەراتسيا جاسالعان، بىراق قازىرگى ۋاقىتتا ءبارى دۇرىس، ودان باسقا دەنساۋىلىعىندا ەش كىنارات بولماعانىن ايتقان.

ايجان تەمىرحان

Abai.kz

10 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2276
عيبىرات

قايسار رۋحتى عازيز جان

مۇحتار قۇل-مۇحاممەد 3592