6 شىلدەدەگى استانا كۇنىندە دە سۇيىسۋلەر از بولمايتىن شىعار. اق جاعالىلاردىڭ ءسۇيىسى، اق جارىلىپ قۋانعان بىلايعى جۇرتتىڭ ءسۇيىسى. سىلەكەيلەنىپ ءسۇيىسۋ، سىلەكەيگە سىلمەيلەنىپ تۇرىپ ءسۇيىسۋ... كوپ قوي قۇرسىن. سوۆەت وكىمەتىنىڭ كەزىندە قاسى ولگەن قارعانىڭ قاناتىنداي جالبىراعان ءبىر كىسى (برەجنەۆتى ايتامىز) ءسۇيىستىڭ كوكەسىن كورسەتىپ ەدى، سونىڭ سول پالەسى «جۇعىستى» بولىپ، قازىر قازاقستان حالقى دا جۇرت قاتارلى سۇيىسەتىن «ونەردى» يگەرىپ الدى.

نەگىزگى ايتپاعىمىزعا ورالايىق. 6 شىلدەنى اتقارىپ تاستاعان سوڭ استاناداعى ءسۇيىس اتى ءبىرتۇرلى كافەنىڭ الدىندا جالعاساتىن كورىنەدى. بۇل تۋراسىندا Tengrinews.kz سايتى جارياعا جار سالىپ جاتىر.

-  باستاپقىدا ءبىز گيننەستىڭ رەكوردتار كىتابىنا ەنگەن بۇرىنعى كورسەتكىشتى تاس-تالقان ەتەمىز بە دەپ ويلاعان ەدىك. بىراق وعان شامامىزدىڭ جەتپەيتىندىگىن تۇسىندىك. ويتكەنى ءبىزدىڭ جاستار 48 ساعات بويى تىك تۇرىپ سۇيىسە المايدى ەكەن، - دەيدى اتالعان شارانى ۇيىمداستىرۋشى ەربول كۋشۋگۋلوۆ دەيتىن جىگىت.

6 شىلدەدەگى استانا كۇنىندە دە سۇيىسۋلەر از بولمايتىن شىعار. اق جاعالىلاردىڭ ءسۇيىسى، اق جارىلىپ قۋانعان بىلايعى جۇرتتىڭ ءسۇيىسى. سىلەكەيلەنىپ ءسۇيىسۋ، سىلەكەيگە سىلمەيلەنىپ تۇرىپ ءسۇيىسۋ... كوپ قوي قۇرسىن. سوۆەت وكىمەتىنىڭ كەزىندە قاسى ولگەن قارعانىڭ قاناتىنداي جالبىراعان ءبىر كىسى (برەجنەۆتى ايتامىز) ءسۇيىستىڭ كوكەسىن كورسەتىپ ەدى، سونىڭ سول پالەسى «جۇعىستى» بولىپ، قازىر قازاقستان حالقى دا جۇرت قاتارلى سۇيىسەتىن «ونەردى» يگەرىپ الدى.

نەگىزگى ايتپاعىمىزعا ورالايىق. 6 شىلدەنى اتقارىپ تاستاعان سوڭ استاناداعى ءسۇيىس اتى ءبىرتۇرلى كافەنىڭ الدىندا جالعاساتىن كورىنەدى. بۇل تۋراسىندا Tengrinews.kz سايتى جارياعا جار سالىپ جاتىر.

-  باستاپقىدا ءبىز گيننەستىڭ رەكوردتار كىتابىنا ەنگەن بۇرىنعى كورسەتكىشتى تاس-تالقان ەتەمىز بە دەپ ويلاعان ەدىك. بىراق وعان شامامىزدىڭ جەتپەيتىندىگىن تۇسىندىك. ويتكەنى ءبىزدىڭ جاستار 48 ساعات بويى تىك تۇرىپ سۇيىسە المايدى ەكەن، - دەيدى اتالعان شارانى ۇيىمداستىرۋشى ەربول كۋشۋگۋلوۆ دەيتىن جىگىت.

سۇلىكتەي جابىسىپ سۇيىسكەنىمەن ۇزاققا «شاپپايتىن» بولعاندىقتان مارافونعا قاتىسۋشىلار 1-2 ساعاتتان سوڭ اۋىسىپ تۇراتىن كورىنەدى. جارىسقا قاتىسىپ باق سىناعىسى كەلەتىندەر جازىلىپ، تىزىمگە ەنە بەرسە، ەشكىم بەتىنەن قاقپايدى. بۇنى از دەسەڭىز سۇيىسۋدەن بايگە العان جۇپقا ارناپ الگى كافەنىڭ الدىندا ەسكەرتكىش تە تۇرعىزىلاتىنعا ۇقسايدى. ۇيىمداستىرۋشىلار سونى ايتىپ كەۋ-كەۋلەسۋدە. Tengrinews.kz سايتىنىڭ حابارلاۋىنشا، قازىر سكۋلپتورمەن كەلىسسوز ءجۇرىپ، ديزاينى ويلاستىرىلىپ جاتىر. ال، كەرەك بولسا.

ءسۇيىسۋ، ءوبىسۋ ادامعا ءتان سەزىم ارەكەتى. بىراق وڭاشالىقتى تىلەيتىن سەزىم ارەكەتىن ەسى دۇرىس جۇپ جالپاق جۇرتقا جاريا ەتىپ كورسەتە بەرمەسە كەرەك-ءتى. الدە ۇيات پەن اياتتان كەتكەن ورتا ءۇشىن ءبارىبىر مە؟

ايتپاقشى، ءسۇيىسۋ «ونەرىن» ورگە باستىرعان ورەن الگى مارافوننىڭ سوڭىندا ارنايى ماراپاتتالادى ەكەن. سوندا ول ۇيىنە كەلگەن قوناقتارىنا نەمەسە بولاشاق ۇرپاعىنا «مەن مىنا ماراپات قاعازىن 2012 جىلى 13 شىلدەدە وتكەن كوشەدەگى ءسۇيىس جارىسىنان الىپ ەدىم» دەپ كورسەتەدى مە؟ الدە، سۇيىسكىشتىڭ اكەسى نە شەشەسى وسىلاي دەپ ماقتانا ما؟ تۇسىنبەدىك. «قاراپ تۇرعان جىگىتكە قىز اcىلاردىڭ» كەرى كەلىپ تۇر نە دەسەكتە.

«اباي-اقپارات»