دۇيسەنبى, 23 مامىر 2022
ساڭلاق 2453 2 پىكىر 21 قازان, 2021 ساعات 16:02

تۇرسىنعالي ەدىلوۆ: ءبىزدىڭ جىگىتتەردىڭ كوزدەرىندە وت جوق ەكەن

جيىرما ءبىر جىل بۇرىن سيدنەي وليمپياداسىندا قازاقستان قۇراماسىنىڭ باس باپكەرى بولعان قر ەڭبەگى سىڭگەن جاتتىقتىرۋشى تۇرسىنعالي ەدىلوۆتىڭ شاكىرتتەرى 2 التىن، 2 كۇمىس مەدالمەن ايدى اسپانعا شىعاردى. سول ءۇردىستى ءالى كۇنگە دەيىن ەشكىم جالعاستىرا الماي كەلەدى.

توكيودا 81 كگ سالماقتا سىنعا تۇسكەن بەكزات نۇرداۋلەتوۆتىڭ العاشقى كەزدەسۋىندە رەسەيلىك يمام حاتاەۆتان 4:1 ەسەبىمەن جەڭىلۋى تۋرالى ت.ەدىلوۆ پىكىرىن ايتتى.

- ارينە، بەكزات نۇرداۋلەتوۆكە جەڭۋگە بولار ەدى عوي. ءبىرىنشى راۋندتا بەكزات جۇمىس ىستەگەن جوق. قارسىلاسىن كۇتىپ ۋاقىت وتكىزىپ الدى. ال ول قانشاما سوققى بەرىپ ۇلگەردى. ءبىرىنشى راۋنتدا-اق جاسارىن جاساپ قويدى. سودان كەيىن ەكىنشى راۋندتا نۇرداۋلەتوۆ ەندى باستاعاندا يمام حاتاەۆ وزىنە ءتان ءىس-قيمىلىنا سالىپ، جاقىن اراقاشىقتىققا كىرىپ، بەكزاتقا جۇمىس ىستەتپەدى. ءبىزدىڭ بوكسشىلارىمىزدىڭ بارلىعى شارشاپ كەلگەن مىنا جارىسقا. بەكزاتتا ءال جوق، جىلدامدىق جوق، سەزىم دە قالماعان. ءبىزدىڭ كوماندا جىگىتتەرىنىڭ كوزدەرىندە وت جوق ەكەن. تەك قانا مىنەزبەن، قازاقي نامىسپەن عانا رينگكە شىعىپ جاتىر. نامىسپەن عانا ۇزاققا بارمايسىڭ. شەبەرلىك كەرەك.

ەكىنشى راۋدتان باستاپ يمام بەكزاتقا ءوزىنىڭ جوسپارىن قويدى. ورتا جانە جاقىن ارالىقتى ساقتاپ، كەيبىر جەرلەردە قۇشاققا الىپ جاقىنداپ، ايتەۋىر ۇرعىزبادى. ال ءۇشىنشى راۋندتا ايتارلىقتاي جۇدىرىقتاسۋ دا بولعان جوق.

ساۋىردە سانكت-پەتەربۋرگ گۋبەرناتورىنىڭ كۋبوگىندا بەكزات ي.حاتاەۆتى نوكداۋنمەن جەڭگەن ەدى. بۇل جولى ۇرعان ءجوندى سوققىسى دا بولعان جوق. قارسىلاسى ءوزىنىڭ جوسپارىن قويىپ بەكزاتقا جۇمىس جاساتپادى. ول سەزدى، ءبىرىنشى راۋندتا جاقسى ۇپاي العانىن. ەكىنشى جانە ءۇشىنشى راۋندتىڭ كەيبىر جەرىندە ۇتىپ، ونىڭ ۇستىنە ءبىرىنشى راۋندا ءوز دەگەنىن ىستەگەنى بار، ارمانى مەن جوسپارىنا جەتىپ، بەكزاتتى جەڭدى.

جازىپ العان ايبەك مۇحانوۆ

Abai.kz

2 پىكىر