بەيسەنبى, 2 جەلتوقسان 2021
887 0 پىكىر 20 قازان, 2021 ساعات 14:59

ەكولوگيا مينيسترلىگى: كاسپي تايازدانىپ بارادى

ەكولوگيا، گەولوگيا جانە تابيعي رەسۋرستار مينيسترلىگى كاسپي تەڭىزىنىڭ تەرەڭدىگى تومەندەپ جاتقانىن جوققا شىعارمادى. 

مينيسترلىك مالىمەتىنشە، تەڭىز دەڭگەيى 1,4 مەترگە تومەندەگەن جانە تومەندەۋ جالعاسىپ جاتىر. ءتۇبى كورىنگەن قارت تەڭىزدىڭ ۆيدەوسى تۋرالى Lada.kz جازدى.

الەۋمەتتىك جەلى قولدانۋشىلارى كاسپيدىڭ تايازدانىپ قالعان ۆيدەوسىن بولىسۋدە. كادردان بالىقشىلار قايىعى تۇرعان سۋدا تەڭىزدىڭ ءتۇبى كورىنەتىنىن بايقاۋعا بولادى.

ۆەدومستۆو ۆيدەو سولتۇستىك-شىعىس كاسپي ماڭىنداعى ويپاتتا تۇسىرىلگەن دەگەن بولجام جاسادى.

«بۇل اۋداندا تەڭىز ءتۇبىنىڭ كولبەۋى از جانە تەرەڭدىگى تومەن. 2005 جىلى كاسپي تەڭىزىنىڭ دەڭگەيى تومەندەپ بارادى. جانە بۇل پروتسەسس جالعاسا بەرەدى. كاسپيدىڭ سۋ دەڭگەيى تومەن سولتۇستىك-شىعىس بولىگى ەڭ كوپ زارداپ شەكتى. تەڭىز كەرى كەتىپ، ورنىندا باتپاق قالدى. ۆيدەودا ونىڭ ءبىر كەزدە كاسپي تەڭىزىنىڭ ءتۇبى بولعانى كورىنەدى. تەڭىز تايازدانىپ بارادى، بۇل ۇلكەن پروبلەما»، – دەدى ۆەدومستۆوداعىلار.

سونىمەن قاتار مينيسترلىك «قازگيدرومەت» تەڭىز بۇدان دا تايازداناتىنى تۋرالى بولجام جاساعانىن اتاپ ءوتتى.

Abai.kz

0 پىكىر