جۇما, 29 ناۋرىز 2024
46 - ءسوز 2921 0 پىكىر 19 قازان, 2021 ساعات 16:55

ۇتىلاتىن وزدەرى

رەسەي 1-ءشى قاراشادان باستاپ ناتو-داعى تۇراقتى وكىلدىگىن جاباتىن بولىپتى. سونداي-اق اليانستىڭ ماسكەۋدەگى ينفورمبيۋروسى دا جابىلاتىن بولعان. شەشىم بىرجاقتى، ماسكەۋ تاراپىنان بولعان.

جالپى رەسەيدىڭ شەتەلدەگى ديپلوماتتارى جاپپاي شپيوندىق ارەكەتتەردىڭ ۇيىعى ەكەندىگى ۇنەمى دالەلدەنىپ كەلەدى. ولاردىڭ ەلشىلىكتەرى ەل-ەلدى جاقىنداستىرۋ، ءبىر-ءبىرىنىڭ مادەنيەتتەرىن، سالت-داستۇرلەرىن زەرتتەپ، تىلدەرىن ۇيرەنىپ، ت.س.س. ەلشىلىك قىزمەتتەرىن اتقارۋ ورنىنا ۇنەمى ەسىرتكى، كونتراباندا، تەحنولوگيا ۇرلاۋ، باسقا دا تولىپ جاتقان قىلمىستاردىڭ وشاعى بولىپ تابىلادى. بۇعان قازىر الەم ەلدەرىنىڭ كوزى ابدەن جەتكەن، سوندىقتان دا ولار ءوز ەلدەرىندە رف ەلشىلەرىنىڭ سانىن ەڭ تومەنگى مينيمۋمىندا ۇستاۋعا تىرىسادى. ەلشىلىك يممۋنيتەتتى پايدالانىپ ارگەنتينادان ۇشاقپەن كوكاين تاسىمالداۋ، بريتانيادا سكريپالدى نوۆيچوكپەن ۋلاۋ، ت.س.س. وسى ەلشىلىكتەردىڭ موينىندا.

ناتو-دا دا شپيوندىق ارەكەتتەرى بەلگىلى بولىپ قالعاندىقتان ولاردىڭ سانىن ەكى ەسەگە، ون ادامعا شەيىن تومەندەتۋ ۇسىنىلىپ كەلەدى. ونىڭ ۇستىنە جاقىندا بولگاريادا رف تىڭشىسى، تۇركيەدە كيللەرلىكپەن اينالىساتىن 6 ادامى ۇستالعانى بار. رەسەيدىڭ ويىنشا ەگەر ديپلوماتتار سانى 10 ادام عانا بولسا، ونىڭ ۇستىنە ولار قاتتى باقىلاۋدا بولسا، ولار شپيوندىقپەن اينالىسا الماسا، وندا تۇراقتى وكىلدىك ۇستاۋدىڭ قاجەتى قانشا دەپ ەسىكتى تارس جاۋىپ كەتۋدى ويلاعان سياقتى.

بۇعان ناتو ديپلوماتيالىق "وكىنىش" ءبىلدىرىپ، شىندىعىندا قۋانىپ كەتەتىنى انىق. ونسىز دا بۇلاردان قالاي قۇتىلامىز دەپ جۇرگەندە وزدەرىنىڭ كەتۋى شىندىعىندا ءتىپتى قۋانارلىق جاعداي. سەبەبى دۇرىسىندا بۇل جەردە ناتو ەلدەرىنىڭ ەشتەڭەسى دە كەتپەيدى، ال رەسەي ءۇشىن تاعى ءبىر وركەنيەت ەسىگى جابىلدى دەگەن ءسوز. ۇتىلاتىن وزدەرى. ە مەيلى، وزدەرىڭە سول كەرەك دەيمىز ءبىز.

قۋانىش ەدىلحانتەگى

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616