بەيسەنبى, 28 ناۋرىز 2024
1425 0 پىكىر 19 قازان, 2021 ساعات 10:25

تسوي: ۆاكتسينانىڭ ءبىرىنشى كومپونەنتىن 8 ملن ادام الدى

قازاقستاندا كوروناۆيرۋسقا قارسى ۆاكتسينانىڭ ءبىرىنشى كومپونەنتىمەن 8 ملن استام ادام الدى. بۇل تۋرالى دەنساۋلىق ساقتاۋ ءمينيسترى الەكسەي تسوي مالىمدەدى.

ونىڭ ايتۋىنشا، قازاقستانداعى سانيتارلىق-ەپيدەميولوگيالىق جاعداي تۇراقتى. بارلىق وڭىرلەردە اۋرۋ  دەڭگەيى، اۋىر جاعدايداعىلار مەن ستاتسيونارلىق جانە امبۋلاتوريالىق ەم الىپ جاتقاندار سانى ايتارلىقتاي تومەندەدى.

ۆيرۋستىڭ رەپرودۋكتيۆتىلىك يندەكسى – 0,97. ينفەكتسيالىق توسەك-ورىندار جۇكتەمەسى – 34%، رەانيماتسيالىق توسەك-ورىندار جۇكتەمەسى – 29%.

بۇگىنگى تاڭدا كوروناۆيرۋسقا قارسى ۆاكتسينانىڭ ءبىرىنشى كومپونەنتىمەن 8 ملن استام ادام، ەكىنشى كومپونەنتىمەن 7,2 ملن جۋىق ادام  ەگىلدى. ۇجىمدىق يممۋنيتەتتىڭ 60%-ىنا قول جەتكىزۋ مىندەتى قويىلدى.

كوروناۆيرۋستىڭ تارالۋ قارقىنى بويىنشا «جاسىل ايماقتا» شىمكەنت قالاسى، اقتوبە،  تۇركىستان، جامبىل، ماڭعىستاۋ جانە قىزىلوردا وبلىستارى، «سارى ايماقتا»  اتىراۋ، الماتى، قاراعاندى، باتىس قازاقستان جانە شىعىس قازاقستان وبلىستارى ورنالاسقان. «قىزىل ايماقتا» الماتى جانە نۇر-سۇلتان قالالارى، اقمولا، قوستاناي، پاۆلودار جانە سولتۇستىك قازاقستان وبلىستارى قالىپ وتىر.

قازاقستاندا تۇماۋعا قارسى ەگۋ ناۋقانى جالعاسۋدا. قازىرگى ۋاقىتتا 1,4 ملن قازاقستاندىق تۇماۋعا قارسى ەكپە الدى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3530