وزبەكستانداعى پرەزيدەنتتىك سايلاۋعا تۇسەتىن كانديداتتار اراسىندا 19 قازاندا تىكەلەي ەفيردە سايلاۋ الدىنداعى تەلەدەباتتار وتكىزەدى. پىكىرسايىس ءتورت تىلدە وتپەك. بۇل وزبەكستان تاريحىنداعى سايلاۋ ناۋقانىنداعى العاشقى دەبات. 

تەلەدەبات سەيسەنبى كۇنى ساعات 17:00-دە وتەدى. پىكىرسايىستار "وزبەكستان 24", "وزبەكستان", "يوشلار", "ماحالل"ا جانە "مادانيات جانە ءماريفات" تەلەارنالارىندا كورسەتىلەدى. دەباتتار سونداي-اق "وزبەكستان 24" جانە "وزبەكستان" تەلەارنالارىندا ىممەن، "يوشلار" مەن "تاشكەنت" تەلەارنالارىندا ورىس تىلىندە جانە "مادانيات جانە ءماريفات" تەلەارناسىندا اعىلشىن تىلىندە كورسەتىلەدى.

وزبەكستاندا پرەزيدەنتتىك سايلاۋ 24 قازاندا وتەدى، سايلاۋ ناۋقانى 23 شىلدەدە باستالعان ەدى. ەلدە رەسمي تۇردە جۇمىس ىستەيتىن بارلىق بەس پارتيا - ەكولوگيالىق، ميللي تيكلانيش، ليبەرال-دەموكراتيالىق، حالىقتىق دەموكراتيالىق جانە ادولات (ادىلەت) - ءوز كانديداتتارىن وسك-عا تىركەدى.

ولاردىڭ اراسىندا قازىرگى پرەزيدەنت شاۆكات ميرزيوەۆ بار. ۇمىتكەرلەردىڭ سايلاۋ ناۋقانى 20 قىركۇيەكتە باستالدى.

Abai.kz