بەيسەنبى, 9 جەلتوقسان 2021
657 0 پىكىر 18 قازان, 2021 ساعات 15:45

قىرعىز بيلىگى اسا قاجەت دارىلەردىڭ باعاسىن تۇسىرەدى

قىرعىزستان مينيسترلەر كەڭسەسى توراعاسىنىڭ ورىنباسارى، ۇلتتىق قاۋىپسىزدىك مەملەكەتتىك كوميتەتىنىڭ باسشىسى كامچىبەك تاشيەۆ ءدارى-دارمەكپەن قامتاماسىز ەتۋ جونىندەگى كوميسسيا وتىرىسىن وتكىزدى.

ۇكىمەتتىڭ ءباسپاسوز قىزمەتىنىڭ حابارلاۋىنشا، كاسىپكەرلەرمەن كەزدەسۋدە حالىققا اسا قاجەت دارىلەردىڭ باعاسىن ءتۇسىرۋ جونىندە شەشىم قابىلدانعان.

"اسا قاجەت دارىلەر قىمباتتاپ كەتپەس ءۇشىن مەملەكەتتىك ورگانداردىڭ جەتەكشىلەرىنە ناقتى تاپسىرما بەرىلدى", - دەلىنگەن رەسمي حابارلامادا، الايدا ناقتى قانداي تاپسىرما ەكەنى ايتىلمادى.

قىرعىزستاندا مەديتسينالىق پرەپاراتتار باعاسىن مەملەكەتتىڭ رەتتەۋى جونىندە باستاما بۇعان دەيىن دە كوتەرىلگەن.

ەسكە سالايىق، بۇنىڭ الدىندا كامچىبەك تاشيەۆ قىرعىزستاندا شەنەۋنىكتەر مەن دارىگەرلەردىڭ قاتىسى بار فارماتسەۆتيكا مافياسى اشكەرەلەنگەنىن مالىمدەگەن.

Abai.kz

0 پىكىر