سەنبى, 27 قاراشا 2021
967 3 پىكىر 18 قازان, 2021 ساعات 15:24

قازاقستاندا حالىق سانى 19 ميلليوننان استى

Large crowd of people watching concert or sport event

2021 جىلعى 1 قىركۇيەكتە ەلىمىزدەگى حالىق سانى 19042,1 مىڭ ادامدى قۇرادى، ونىڭ ىشىندە قالالىقتار – 11287,4 مىڭ (59,3%), اۋىلدىقتار –7754,7 مىڭ ادام (40,7%). 2020 جىلعى 1 قىركۇيەكپەن سالىستىرعاندا حالىق سانى 257,1 مىڭ ادامعا نەمەسە 1,4% ءوستى. بۇل تۋرالى ۇلتتىق ستاتيستيكا بيۋروسى مالىمدەدى.

حالىقتىڭ تابيعي قوزعالىسى

2021 جىلعى قاڭتار-تامىزدا رەسپۋبليكا حالقىنىڭ تابيعي ءوسىمى 2020 جىلعى قاڭتار-تامىزبەن سالىستىرعاندا  (162,5 مىڭ ادام) 10,1% ءوسىپ، 178,9 مىڭ ادامدى قۇرادى. تابيعي ءوسىمنىڭ جالپى كوەففيتسيەنتى 1000 ادامعا شاققاندا 14,14 ادامدى قۇرادى.

احات ورگاندارى ۇسىنعان ازاماتتىق حال اكتىلەرى جازبالارىنداعى مالىمەتتەردى وڭدەۋ ناتيجەسىندە، 2021 جىلعى قاڭتار-تامىزدا تۋىلعاندار سانى 296,5 مىڭ ادامدى قۇرادى، بۇل 2020 جىلعى قاڭتار-تامىزعا (273,4 مىڭ ادام) قاراعاندا 8,4% كوپ. تۋدىڭ جالپى كوەففيتسيەنتى 1000 ادامعا 23,44 تۋىلعانداردى قۇرادى.

قاراستىرىلىپ وتىرعان كەزەڭدە قايتىس بولعاندار 117,6 مىڭ ادامدى قۇرادى، بۇل 2020 جىلعى قاڭتار-تامىزعا (93,1 مىڭ ادام) قاراعاندا 6% كوپ. ءولىم-ءجىتىمنىڭ جالپى كوەففيتسيەنتى 1000 ادامعا 9,30 قايتىس بولعانداردى قۇرادى.

2021 جىلعى قاڭتار-تامىزدا رەسپۋبليكادا 1 جاسقا دەيىن شەتىنەگەن 2345 نارەستە تىركەلدى. 2020 جىلعى ءتيىستى كەزەڭمەن سالىستىرعاندا (2129 شەتىنەگەن نارەستە) 10,1% ارتتى. نارەستە ءولىم-ءجىتىمىنىڭ كوەففيتسيەنتى 1000 تۋعاندارعا شاققاندا 7,91 وقيعانى قۇرادى.

حالىقتىڭ كوشى-قونى

كوشى-قون قىزمەتى ورگاندارى ۇسىنعان مالىمەتتەردى وڭدەۋ ناتيجەسىندە، 2021 جىلعى قاڭتار-تامىزدا ەلىمىزگە تۇرعىلىقتى تۇرۋعا كەلگەندەردىڭ تىركەلۋ سانى 6339 ادامدى، ەلىمىزدەن كەتكەندەردىڭ سانى 22685 ادامدى، كوشى-قوننىڭ ايىرىمى   -16346 ادامدى قۇرادى.

ەلىمىزدەگى نەگىزگى كوشى-قون الماسۋى تمد مەملەكەتتەرىمەن وتۋدە. تمد ەلدەرىنەن كەلگەندەردىڭ جانە سول ەلدەرگە كەتكەندەردىڭ كوشىپ-قونۋشىلاردىڭ جالپى سانىنان ۇلەسى 84,1% جانە 86,1% قۇرادى.

ەل ىشىندە قونىس اۋداراتىن كوشىپ-قونۋشىلار سانى 2020 جىلعى قاڭتار-شىلدەمەن سالىستىرعاندا 7,3%-عا ارتتى. وڭىرارالىق قونىس اۋدارۋ بويىنشا حالىق كوشى-قونىنىڭ وڭ ايىرىمى ەلىمىزدىڭ 4 وڭىرىندە بايقالدى: الماتى (20235 ادام), نۇر-سۇلتان (18390 ادام), شىمكەنت  (9276 ادام) قالالارىندا جانە ماڭعىستاۋ وبلىسىندا (346 ادام).

Abai.kz

3 پىكىر