دۇيسەنبى, 6 جەلتوقسان 2021
1377 0 پىكىر 15 قازان, 2021 ساعات 15:14

HOLA News اقپاراتتىق سايتى قايتا ىستەي باستادى

ون كۇن بۇرىن بۇعاتتالعان HOLA News اقپاراتتىق سايتى قايتا جۇمىس ىستەي باستادى.

"ون كۇن وتكەن سوڭ HOLA News سايتى قايتا جۇمىس ىستەي باستادى. HOLA News-ءتىڭ بۇعاتتالۋىن ەشكىم موينىنا المادى. بارشاڭىزعا قولداۋ كورسەتكەنىڭىز ءۇشىن راقمەت",- دەلىنگەن رەداكتسيانىڭ Instagram پاراقشاسىندا.

رەداكتسيا مالىمەتىنشە، سايت "قازاقتەلەكوم", Kcell, Beeline جانە Tele2 سەكىلدى ءىرى پروۆايدەرلەردەن اشىلماعان.

ء"بىزدىڭ شەتەلدىك وقىرماندارىمىز دا سايتتى وقي المادى، سەبەبى قازاقستان زاڭىنا سايكەس سايتتىڭ سەرۆەرى ەلدە", - دەيدى رەداكتسيا.

سايت اكىمشىلىگى بۇعاتتالۋدىڭ سەبەبىن انىقتاۋعا تىرىسقان. بىراق ازىرگە ناقتى جاۋاپ الا الماعان.

رەداكتسيا ەلدەگى زاڭعا باعىنا وتىرىپ، وقىرمانعا، قوعامعا ماڭىزدى اقپاراتتار تاراتىپ كەلە جاتقانىن، قانشا حاكەرلىك شابۋىل بولسا دا جۇمىسىن جالعاستىرا بەرەتىنىن مالىمدەيدى.

Abai.kz

0 پىكىر