جۇما, 29 ناۋرىز 2024
2889 10 پىكىر 15 قازان, 2021 ساعات 15:12

گرۋزيادا سااكاشۆيلي جاقتاستارى كوشەگە شىقتى

تبيليسيدە مىڭداعان ادام گرۋزيانىڭ بۇرىنعى پرەزيدەنتى ميحايل سااكاشۆيليدى قولداۋ ءۇشىن كوشەگە شىقتى. قازان ايىنىڭ باسىندا ونى ەلىنە كەلگەن ساتتە ۇستاپ، تۇرمەگە وتىرعىزعان.

اكتسيانى ازاتتىقتىڭ گرۋزين قىزمەتى تىكەلەي ەفيردەن كورسەتتى.

باق مالىمەتىنشە، ميتينگكە شامامەن 50 مىڭ ادام قاتىسقان. ولاردىڭ بىرقاتارى قولىنا "ميشاعا بوستاندىق" جانە "ساياسي قۋدالاۋعا جول جوق" دەگەن پلاكاتتار ۇستاپ تۇردى.

سااكاشۆيليدىڭ جاقتاسى نيكا مەليا ەكس-پرەزيدەنتتىڭ وپپوزيتسيانى بىرىگىپ، 30 قازاندا ء"بىرتۇتاس ۇلتتىق قوزعالىس" پارتياسىنىڭ اتىنان سايلاۋعا ءتۇسىپ جاتقان ۇمىتكەرگە داۋىس بەرۋگە شاقىرعان ۇندەۋىن وقىدى. بۇل پارتيانىڭ وكىلدەرى ءىرى قالالاردا جەرگىلىكتى سايلاۋدا ەكىنشى كەزەڭگە وتكەن.

كوشەگە شىققان حالىق سااكاشۆيليدى بوساتۋدى تالاپ ەتىپ، قازىرگى ۇكىمەتتى سىنعا الدى.

سااكاشۆيلي ءوز ەلىندە سىرتتاي سوتتالعان. سونىمەن بىرگە وعان ءۇش بىردەي قىلمىستىق ءىس قوزعالعان. قازىر تۇرمەدە ەكس-پرەزيدەنت اشتىق جاريالاپ جاتىر.

Abai.kz

10 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1580
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3606