بەيسەنبى, 28 ناۋرىز 2024
ەندى قايتتىك؟.. 3655 5 پىكىر 15 قازان, 2021 ساعات 13:23

«قارىزعا ءومىر سۇرەتىن» قازاقستان: 166 ملرد دوللار...

قازاقستاننىڭ سىرتقى قارىزى $166 ملرد-تان استى. بۇل تۋرالى LS سايتى حابارلادى.

ۇلتتىق بانكتىڭ دەرەگى بويىنشا، ەلدىڭ بەرەشەگى 2021 جىلعى 1 شىلدەدەگى جاعداي بويىنشا 166,7 ملرد دوللاردى قۇرادى. بۇل 2020 جىلعى ءدال وسە كەزەڭدەگى كورسەتكىشتەن $6,9 ملرد-قا نەمەسە 4,3%-عا ارتىق.

قارىزدىڭ ەڭ كوپ كولەمى نيدەرلاندىعا تيەسىلى – $44,7 ملرد. ءبىر جىل ىشىندە ول 0,2%-عا قىسقاردى. سونداي-اق، قازاقستان قىتاي الدىنداعى بەرەشەكتى – 4,7%-عا، $9,7 ملرد-قا، جاپونيا الدىنداعى بەرەشەكتى-3,5% -عا، $5,5 ملرد-قا دەيىن ازايتقان.

ءوز كەزەگىندە، ءبىر جىل ىشىندە حالىقارالىق ۇيىمدار الدىنداعى مىندەتتەمەلەر كۇرت ءوسىپ، 15%-دان اسا نەمەسە $11,4 ملرد–قا دەيىن جەتكەن. رەسەي الدىنداعى مىندەتتەمەلەر 8,5%-عا نەمەسە $9,7 ملرد-قا دەيىن وسكەن. بەرمۋد ارالدارى الدىنداعى مىندەتتەمەلەر 7,3%-عا، $10,2 ملرد-قا دەيىن، ۇلىبريتانيا الدىنداعى مىندەتتەمەلەر 6,9%-عا، $23,3 ملرد-قا دەيىن جەتكەن.

سونىمەن قاتار، قازاقستان ۆيرگين ارالدارىنا $2,9 ملرد، ءباا – $2,4 ملرد، گەرمانياعا $2,3 ملرد قارىز بولعان. ال برازيليا، كولۋمبيا، كونگو، ماۆريتانيا جانە سيريا الدىندا سىرتقى مىندەتتەمەلەر ارقايسىسى 100 مىڭ دوللارعا جەتكەن.

بۇعان دەيىن، ەاەو ەلدەرىنىڭ جالپى مەملەكەتتىك بورىشى 342,8 ملرد دوللاردى قۇراعانىن، ال قازاقستاننىڭ ۇلەسىنە 52 ملرد دوللار تيەسىلى ەكەنى باق-تا جاريا بولعان.

Abai.kz ينفوگرافيكاسىن قاراڭىز:

نازەركە التايقىزى

Abai.kz

5 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2252
عيبىرات

قايسار رۋحتى عازيز جان

مۇحتار قۇل-مۇحاممەد 3505