بەيسەنبى, 28 ناۋرىز 2024
3795 2 پىكىر 13 قازان, 2021 ساعات 17:22

"ساياسي تۇتقىن" كەنجەبەك ابىشەۆ قاماۋدان شىقتى

13 قازاندا "ساياسي تۇتقىن" كەنجەبەك ابىشەۆ تۇرمەدەن شىقتى. سارسەنبى كۇنى تاڭەرتەڭ ەرتە زارەچنىيداعى تۇرمە قىزمەتكەرلەرى ونى الماتى وبلىسى جامبىل اۋدانىنداعى ۇيىنە جەتكىزىپ تاستاعان.

– كەلەتىن كىسىلەردەن، اقپارات قۇرالدارىنان سەسكەنگەن سياقتى. ونىڭ ۇستىنە ولارعا جوعارىدان باس پروكۋراتۋرادان كوميسسيا كەلىپ جاتىر، - دەدى تۇرمە اكىمشىلىگىنىڭ ارەكەتىنە باعا بەرگەن كەنجەبەك ابىشەۆ ازاتتىق تىلشىسىنە.

بۇعان دەيىن جەرگىلىكتى بەلسەندىلەر زارەچنىي كەنتىندەگى لا-155/14 تۇزەتۋ مەكەمەسىنىڭ الدىنان ونى كۇتىپ الۋدى جوسپارلاعان. بىراق بەلسەندىلەر بارعانعا دەيىن ونى ۇيىنە الىپ كەتكەن.

27 قىركۇيەكتە قاپشاعاي قالالىق سوتى "تەرروريزمدى ناسيحاتتادى" دەگەن ايىپپەن سوتتالعان كەنجەبەك ابىشەۆتىڭ شارتتى تۇردە مەرزىمىنەن بۇرىن بوساپ شىعۋ تۋرالى ءوتىنىشىن قاناعاتتاندىرعان. ول "جازاسىنىڭ" قالعان بولىگى ياعني، 2 جىل 4 اي 20 كۇندى بوستاندىعى شەكتەلگەن كۇيى وتەيدى.

الماتى وبلىستىق سوتى 2018 جىلعى 21 جەلتوقساندا كەنجەبەك ابىشەۆتى "تەرروريزمدى ناسيحاتتادى" دەگەن ايىپپەن جەتى جىلعا سوتتاعان ەدى. 2019 جىلى اپەللياتسيالىق سوت ۇكىمدى وزگەرىسسىز قالدىردى. 2020 جىلعى 13 ناۋرىزدا قاپشاعاي قالالىق سوتى جازا مەرزىمىن ازايتقان.

قازاقستاندىق قۇقىق قورعاۋشىلار كەنجەبەك ابىشەۆتى ساياسي تۇتقىن دەپ تانىعان. قازاقستان بيلىگى ەلدە ساياسي تۇتقىندار جوق دەپ ەسەپتەيدى.

Abai.kz

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3511