بەيسەنبى, 2 جەلتوقسان 2021
1170 1 پىكىر 13 قازان, 2021 ساعات 17:19

تاجىكستان پرەزيدەنتى پاريجگە باردى

تاجىكستان پرەزيدەنتى ەمومالي راحمون بەلگياعا رەسمي ساپارىن اياقتاپ، 12 قازاندا پاريجگە باردى.

ەمومالي راحمون فرانتسيا پرەزيدەنتى ەممانۋەل ماكرونمەن جانە باسقا دا جوعارى لاۋازىم يەلەرىمەن كەزدەسەدى، دەپ حابارلادى تاجىكستان پرەزيدەنتىنىڭ ءباسپاسوز قىزمەتى.

پاريجدەگى كەلىسسوزدەردە اۋعانستانداعى جاعداي تالقىلانادى. فرانتسيا مەن تاجىكستان العاشقىلاردىڭ ءبىرى بولىپ تالىپتەردىڭ اۋعانستانداعى بيلىگىن مويىنداۋعا قارسى شىقتى. بۇرىن فرانتسيا بيلىگى احماد شاح ماسۋد باستاعان سولتۇستىك اليانستىڭ تالىپتەرگە قارسى كۇرەسىن قولداعان.

راحموننىڭ بريۋسسەل مەن پاريجگە ساپارى قارساڭىندا تاجىكستانداعى ساياسي تۇتقىندار مەن كەپىلدەگىلەردى قورعاۋ ازاماتتىق كوميتەتى ەۋروپارلامەنت باسشىلىعىنا شىعىپ، تاجىك بيلىگى باقتالاستارىنىڭ تاجىكستان پرەزيدەنتىنە التى تالابىن تاپسىرۋدى سۇراعان. ادام قۇقىقتارىن قورعاۋشىلار ساياسي بەلسەندىلەر مەن ولاردىڭ وتباسىلارىن قۋدالاۋدى دوعارۋدى، تۇرمەلەردەگى ساياسي تۇتقىنداردى بوساتۋدى، ساياسي پارتيالار مەن توپتاردىڭ قىزمەتىنە كەدەرگى جاساماۋدى، اۋعان بوسقىندارىن ەلگە كىرگىزۋدى تالاپ ەتكەن.

ەمومالي راحمون پاريجدە "تاجىكستان - التىن وزەندەر ەلى" تاريحي كورمەسىنە قاتىسىپ، تاجىكستاننىڭ يۋنەسكوداعى مادەني كۇندەرىندە ءسوز سويلەيدى، دەپ حابارلادى تاجىكستان پرەزيدەنتىنىڭ ءباسپاسوز قىزمەتى.

راحموننىڭ بەلگيا مەن فرانتسياعا ساپارى بارىسىندا قۋعىنداعى تاجىك وپپوزيتسياسىنىڭ وكىلدەرى تاجىكستان بيلىگىنىڭ ساياساتىنا قارسى نارازىلىق اكتسيالارىن وتكىزدى.

ەمومالي راحموننىڭ ەۋروپا ەلدەرىنە رەسمي ساپارى 14 قازانعا دەيىن سوزىلادى.

Abai.kz

1 پىكىر