بەيسەنبى, 28 ناۋرىز 2024
بيلىك 2165 1 پىكىر 13 قازان, 2021 ساعات 12:45

زەينەتاقى جۇيەسى قالاي جاڭعىرتىلۋدا؟

قر ەڭبەك جانە حالىقتى الەۋمەتتىك قورعاۋ مينيسترلىگىنىڭ الەۋمەتتىك ساقتاندىرۋ، بازالىق الەۋمەتتىك جانە زەينەتاقىمەن قامسىزداندىرۋ ساياساتى دەپارتامەنتىنىڭ ساراپشىسى ايگۇل ساكەەۆا زەينەتاقى جۇيەسىن جاڭعىرتۋ قالاي ءجۇرىپ جاتقانىن ايتىپ بەردى.

قازىر مەملەكەت باسشىسىنىڭ تاپسىرماسى بويىنشا قر زەينەتاقى جۇيەسىن ودان ارى جاڭعىرتۋدىڭ 2030 جىلعا دەيىنگى تۇجىرىمداماسىنا وزگەرىستەر مەن تولىقتىرۋلار ەنگىزۋ اياسىندا جۇمىس ءجۇرىپ جاتىر.

ساكەەۆانىڭ ايتۋىنشا، زەينەتاقى جۇيەسىن جاڭعىرتۋ بويىنشا اتقارىلىپ جاتقان اۋقىمدى جۇمىستىڭ ءبارى زەينەتاقى جۇيەسىنە ۇلكەن وزگەرىس اكەلەدى.

"زەينەتاقى جۇيەسىن جەتىلدىرۋ بويىنشا جاسالىپ وتىرعان ۇسىنىستىڭ بارلىعى 2019 جىلى قر ۇكىمەتى جانىنان قۇرىلعان جۇمىس توبىنىڭ ۇزاقمەرزىمدى مودەلدەردى زەرتتەۋ ناتيجەسىندە پايدا بولدى. بۇل ۇسىنىستاردىڭ ەڭ اۋقىمدىسى ءارى ماڭىزدىسى بازالىق زەينەتاقىنى كەپىلدىك بەرىلگەن ەڭ تومەنگى زەينەتاقىعا كوشىرۋ بولىپ وتىر. بۇل ۇسىنىس بويىنشا 2028 جىلدان باستاپ بارلىعىمىز بازالىق زەينەتاقىدان ەڭ تومەنگى كەپىلدىك بەرگەن زەينەتاقىعا كوشەمىز. سونىڭ ناتيجەسىندە زەينەتاقى جۇيەمىزدە بازالىق زەينەتاقىنى ەسەپتەۋ ادىسىندە ۇلكەن وزگەرىس بولادى. ماسەلەن ەڭ تومەنگى كۇنكورىس دەڭگەيىنىڭ 54%-دان 74%-عا دەيىن ءوسۋى، سول سياقتى زەينەتاقى جۇيەسىندەگى ەڭبەك ءوتىلىن ەسەپتەگەندە ونىڭ 10 جىلدان 5 جىلعا دەيىن تومەندەۋى. سونىمەن قاتار قازىرگى زەينەتاقى مولشەرىن ەسەپتەگەندەگى ەڭبەك ءوتىلىنىڭ شەكتەۋىن الىپ تاستاۋ سياقتى اۋقىمىدى شارالار قاراستىرىلىپ وتىر",-دەيدى ساراپشى.

ءسوز اراسىندا ول ەڭبەك ءتىلىنىنىڭ شەكتەۋىن الىپ تاساۋ ماسەلەسىن ءتۇسىندىردى.

"شەكتەۋدى الىپتاستاۋ جونىندەگى وزگەرىسكە كەلەر بولساق، ول قازىرگى زەينەتاقى جۇيەسىن ەسەپتەۋ ادىستەمەسىنە سايكەس ەڭ تومەنگى كۇنكورىس دەڭگەيىندە بولادى. ەگەر ءسىز 30 جىل جۇمىس ىستەسەڭىز وندا ەڭ تومەنگى كۇنكورىس دەڭگەيىندە زەينەتاقى الاسىز. وسى ماسەلەنى قازىرگى وزگەرىستەر اياسىندا الىپ تاستاۋعا قادام جاساپ جاتىرمىز",-دەدى ساكەەۆا.

تۇجىرىمداما اياسىندا سونداي-اق زەينەت جاسىنا تولعان ادامعا زەينەتكە شىعۋدى كەيىنگە قالدىرۋ قۇقىعىن بەرۋ ماسەلەسى قارالىپ جاتىر ەكەن.

"اۋقىمدى شارانىڭ ءبىرى ازامات زەينەتكەرلىك جاسقا تولسا دا زەينەتكە شىعۋدى كەيىنگە قالدىرۋ قۇقىعى ۇسىنىلعان ەدى. بۇل قۇقىق اسىرەسە ەڭبەككە قابىلەتتى، جۇمىس ىستەيمىن دەگەن زەينەتكەرلەردى ىنتالاندىرۋ ءۇشىن جاسالىپ وتىر. سوندىقتان وسىنداي وزگەرىستەر زەينەتاقى جۇيەسىن ودان ارى جاڭعىرتىپ، زەينەتاقىمەن قامسىزداندىرۋدىڭ دەڭگەيىن ارتتىرادى. زەينەتكە بىردەن شىقپاي جۇمىس ىستەگەن ادامنىڭ زەينەتاقى مولشەرى كەيىن جوعارى بولادى",-دەيدى ساراپشى.

سونىمەن قاتار ول الداعى ۋاقىتتا جۇمىس بەرۋشى جۇمىسشىعا 5%-ى مىندەتتى زەينەتاقى جارناسىن تولەيتىنىن جانە ول ءۇشىن جۇمىس بەرۋشىگەن بەلگىلى ءبىر جەڭىلدىكتەر جاسالاتىنىن جەتكىزدى.

"قازىر جۇمىس بەرۋشىلەردىڭ 5%-ى مىندەتتى زەينەتاقى جارنالارىن ەنگىزۋ دە زەينەتاقى جۇيەسىندەگى اۋقىمدى شارالاردىڭ ءبىرى. جۇمىس بەرۋشى قازىر قىزمەتكەردىڭ تابىسىنان 10 پايىزدىق مىندەتتى جارنا تولەپ وتىرسا، ەندى 2023 جىلدان باستاپ جۇمىس بەرۋشى ءوز قاراجاتى ەسەبىنەن جۇمىسكەردىڭ پايداسىنا 5%-ى مىندەتتى زەينەتاقى جارناسىن تولەيدى. ەسەسىنە سالىق كودەكسىنە ەنگىزىلگەن وزگەرىسكە سايكەس جۇمىس بەرۋشىنىڭ مىندەتتى زەينەتاقى تولەۋ بولىگىندە جەڭىلدىك بەرىلىپ وتىر. سوندىقتان بۇل جۇمىس بەرۋشىگە دە، جۇمىسشىعا دا پايدالى", - دەيدى ايگۇل ساكەەۆا.

Abai.kz

 

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3528