دۇيسەنبى, 23 مامىر 2022
ساڭلاق 3123 1 پىكىر 1 قازان, 2021 ساعات 17:01

فۋتزال: قازاقستان پورتۋگالياعا جول بەردى

فۋتزالدان قازاقستان قۇراماسى ليتۆاداعى الەم چەمپيوناتىنىڭ جارتىلاي فينالىندا پورتۋگاليادان جەڭىلدى. بۇل تۋرالى prosports.kz سايتى مالىمدەدى.

ليتۆانىڭ كاۋناس قالاسىندا وتكەن كەزدەسۋدە الەم چەمپيوناتىنىڭ جارتىلاي فينالىنا العاش شىققان قازاقستان مەن 2016 جىلعى ەۋروپا چەمپيونى پورتۋگاليا قۇرامالارى وينادى.

ءبىرىنشى تايمدا پورتۋگاليالىقتار كوبىرەك سوققى جاسادى. بىراق قازاقستان شابۋىلدارى قاۋىپتىرەك كورىندى. مىسالى، تايناننىڭ قايشىلاي تەپكەن سوققىسى قاقپا ماڭدايشاسىن تەڭسەلتتى. كەيىن ءبىرجان ورازوۆ تا ادەمى كومبيناتسيانى گولعا اينالدىرماق بولعان، الايدا پورتۋگاليالىقتاردى قاقپا باعاناسى قۇتقارىپ قالدى. ونىڭ الدىندا ورازوۆتىڭ گولىن تورەشىلەر ەسەپتەمەي قالعانىن ايتا كەتكەن ءجون.

ەكىنشى تايم كاكا شاكىرتتەرى ءۇشىن ءساتسىز باستالدى. ۆارەلا قازاقستان قاقپاسىنىڭ ماڭىندا قاراۋسىز قالىپ، جاقىن بۇرىشتى ءدال كوزدەدى. كەيىن قازاقستان كوبىرەك دوپقا يەلىك ەتىپ، ەسەپتى تەڭەستىرۋگە تىرىستى. سونداي شابۋىلداردىڭ بىرىندە يگيتانىڭ سوققىسى تاعى دا باعاناعا ءتيدى.

ايتسە دە، قازاقستان قۇراماسىنىڭ شابۋىلدارى جەمىس اكەلدى. كەزدەسۋدىڭ بىتۋىنە 40 سەكۋندتاي قالعاندا داۋرەن نۇرعوجين گول سوعىپ، تارازى باسىن تەڭەستىردى.

ال وۆەرتايمنىڭ باسىندا قازاقستاندىقتار العا شىقتى. دۋگلاس ايىپ سوققىسىن ورىنداپ، ءدال سوققى جاسادى. بىراق قازاقستاندىقتار بۇل ەسەپتى ۇستاپ تۇرا المادى. وۆەرتايم اياقتالار تۇستا پورۋگاليالىقتار ەسەپتى 2:2 قىلدى. كەيىن پەنالتي سەرياسىندا پورتۋگاليانىڭ سوققىلارى ءدال بولدى.

ەندى قازاقستان قۇراماسى الەم چەمپيوناتىنىڭ قولا مەدالى ءۇشىن برازيليامەن كۇش سىناسادى. ال فينالدا ارگەنتينا مەن پورتۋگاليا قۇرامالارى كەزدەسەدى.

الەم چەمپيوناتى – 2021. پلەي-وفف. 1/2 فينال.

پورتۋگاليا – قازاقستان 2:2 (0:0)

پەنالتي سەرياسى - 4:3.

گولدار: پاني 23, كوەليۋ 40+9 – نۇرعوجين 40, دۋگلاس 40+2.

پورتۋگاليا: بەبە (ق), سەسيليۋ، كوەليۋ، ماتۋش، ريكاردينيۋ (ك); اندرە، پاكۋ، افونزۋ، زيكي، ەريك، پاني، بريتۋ، كاسترۋ، ۋگۋ.

قازاقستان: يگيتا (ق، ك), تاينان، نۇرعوجين، اقبالىقوۆ، دۋگلاس; اتانتاەۆ (ق), قاراعۇلوۆ، ۆاليۋللين، ورازوۆ، ەسەنامانوۆ، كناۋب، تۇرساعۇلوۆ، توقاەۆ، سارباسوۆ.

Abai.kz

1 پىكىر