جۇما, 29 ناۋرىز 2024
46 - ءسوز 3972 10 پىكىر 24 قىركۇيەك, 2021 ساعات 19:41

مەملەكەتتىك ءتىلدى مەڭگەرۋدىڭ دەڭگەيلەرى جاسالسا...

كەيىنگى كەزدە قازاقستاندا مەملەكەتتىك تىلگە قاتىستى ماسەلەلەر قايتا جاندانا باستاعان سىڭايلى. ءتىپتى ارنايى زاڭ جوباسىن جاساۋ دا قولعا الىنىپ جاتىر دەپ ەستيمىز. ال وسىندايدا شەتەلدىك تاجىريبەلەر ەسكەرىلسە قۇبا قۇپ بولماق.

باتىستا شەت ەل تىلدەرىن مەڭگەرۋدىڭ جالپىەۋروپالىق قۇزىرەتى (CEFR – Common European Framework of Reference) دەيتىن شەت ەل تىلدەرىن مەڭگەرۋ دەڭگەيلەرىنىڭ جۇيەسى جۇمىس ىستەيدى. ول ەۋروپالىق وداقتا تىلدەردى ۇيرەنۋ، ۇيرەتۋ جانە باعالاۋ بويىنشا نەگىزگى ولشەم بولىپ تابىلادى. CEFR بارلىق ەۋروپالىق تىلدەرگە قولدانۋعا بولاتىن ۇيرەتۋ مەن باعالاۋ ادىستەرىن ۇسىنادى.

بۇگىنگى تاڭدا CEFR جۇيەسى بويىنشا شەتەل ءتىلىن مەڭگەرۋدىڭ التى دەڭگەيى بار. ارقايسىسىنا شەت ەل تىلىندە بەلگىلى ءبىر اۋىزشا جانە جازباشا قالىپتاسقان تىلدىك داعدى مەن جازباشا ماتىندەردى ءتۇسىنۋ دەڭگەيى سايكەس كەلەدى. قازىر بۇكىل دۇنيە ءجۇزى وسى ولشەمدەرمەن جۇمىس ىستەۋگە كوشۋدە.

بۇرىن شەت ەل ءتىلىن مەڭگەرۋ دەڭگەيى ءتورت دەڭگەيدە باعالانسا قازىر ول التى دەڭگەيمەن ولشەنەدى. ولار:

ا1 – باستاپقى

ا2 –اۋىزشا، ەلەمەنتارلىق

B1 – ورتاشا،

B2 – ورتاشادان ىلگەرى

C1 – اعىپ تۇرعان

C2 – جەتىك.

وسىنداي جۇيە اقش-تا IELTS /TOEFL, فرانتسيادا DELPH, كورەيادا TOPIC, تۇركيادا TOMER, YOS دەپ اتالادى.

وسى مىسالداردى كەلتىرۋىمنىڭ سەبەبى قازاقستاندا قازاق ءتىلىن ۇيرەنۋدىڭ وسىنداي جۇيەسى نەگە جاسالماسقا؟ مەملەكەتتىك قىزمەتكە تۇرعىسى كەلگەن ادام مەملەكەتتىك تىلدەن ەمتيحان تاپسىرۋ كەزىندە وسىنداي باعالاۋ جۇيەسىنەن ءوتۋ كەرەك.

قازاقستاندا تۇرىپ جاتقان ءار ءبىر ادام مەملەكەتتىك ءتىلدى ا1 دەڭگەيىندە ءبىلۋى مىندەتتى بولىپ تابىلادى. شەتەلدەن كەلىپ قازاقستاندا تۇرعىسى كەلگەن، جۇمىس ىستەگىسى كەلگەن ادام قازاق ءتىلىن ەڭ بولماسا ەلەمەنتارلىق دەڭگەيدە بىلۋگە ءتيىس.

تىلدىك تۇرعىدا الەمدىك ستاندارتتارعا كوشۋ بۇل مەملەكەتتىك ءتىلدىڭ مارتەبەسىن نىعايتۋعا ايتارلىقتاي سەپتەسەر ەدى.

مارات ءبايدىلداۇلىنىڭ جازباسى

Abai.kz

10 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1570
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3564