سەنبى, 23 قازان 2021
1089 9 پىكىر 24 قىركۇيەك, 2021 ساعات 19:30

قازاقستان دۋبايداعى «ەكسپو - 2020»-عا 488 ملن تەڭگە بولەدى

دۋبايدا وتەتىن ەكسپو -2020 دۇنيەجۇزىلىك كورمەسىندەگى قازاقستاندىق پاۆيلوندى كۇتىپ ۇستاۋعا 488 ميلليون تەڭگە جۇمسالادى. اقشانى QazExpoCongress ۇلتتىق كومپانياسى ءبولدى. بۇل تۋرالى Tengrinews.kz حابارلادى.

ساۋدا جانە ينتەگراتسيا مينيسترلىگىنىڭ رەسمي ساۋالعا بەرگەن جاۋابىنا سايكەس، قازاقستاننىڭ كورمەگە قاتىسۋىن قامتاماسىز ەتۋ بويىنشا جۇمىستى QazExpoCongress جۇرگىزىپ جاتىر.

«قازىرگى ۋاقىتتا بارلىق قۇرىلىس - مونتاج جۇمىستارى اياقتالدى. قۇرىلىسقا دايىندىق تۋرالى سەرتيفيكات الىندى. قازىر پايدالانۋعا بەرۋ جۇمىستارى جۇرگىزىلۋدە، سونىمەن قاتار ۇيىمداستىرۋ كوميتەتىنىڭ تالاپتارىنا سايكەس جيىنتىعىن جۇرگىزۋ قاجەت. ولار قاۋىپسىزدىكتى قامتاماسىز ەتۋ بويىنشا شارالار، تازالاۋ، دەزينفەكتسيالاۋ، دەراتيزاتسيا، دەزينسەكتسيا، ينجەنەرلىك جەلىلەرگە تەحنيكالىق قىزمەت كورسەتۋ، ونىڭ ىشىندە اۋانى باپتاۋ.

وسى ماقساتتار ءۇشىن كومپانيانىڭ قاراجاتىنان باسەكەلەستىك ورتادا اشىق تەندەر وتكىزۋ ءۇشىن 488 ميلليون تەڭگە ءبولىندى. باعا دۋبايدا قىزمەت كورسەتۋدىڭ نارىقتىق قۇنىنا سايكەس قالىپتاسادى », - دەپ مالىمدەدى ساۋدا مينيسترلىگى.

دەپارتامەنت كورمەگە قاتىسۋعا بولىنگەن قاراجات كوروناۆيرۋستىق پاندەمياعا بايلانىستى قىسقارتىلعانىن تۇسىندىرمەدى.

ەستەرىڭىزگە سالا كەتەيىك، پاندەمياعا بايلانىستى كورمە كۇندەرى ءبىر جىلعا اۋىستى. ەندى "ەكسپو 2020" 2021 جىلدىڭ 1 قازانىنان 2022 جىلدىڭ 31 ناۋرىزى ارالىعىندا وتەدى. ۇيىمداستىرۋ كوميتەتىنىڭ مالىمەتى بويىنشا، كورمەگە 192 ەلدىڭ قاتىساتىنى راستالدى، شامامەن 25 ميلليون كەلۋشى كۇتىلۋدە، ولاردىڭ 20 پايىزى بيزنەس وكىلدەرى.

Abai.kz

9 پىكىر