جۇما, 29 ناۋرىز 2024
بيلىك 2016 0 پىكىر 24 قىركۇيەك, 2021 ساعات 11:48

نۇرلان نىعماتۋلين مەن رۋستام ەمومالي پارلامەنتارالىق ىنتىماقتاستىق ماسەلەلەرىن تالقىلادى

ءماجىلىس توراعاسى نۇرلان نىعماتۋلين قازاقستانعا رەسمي ساپارمەن كەلگەن تاجىكستان  ولي ءماجليسى ميللي ءماجليسىنىڭ توراعاسى رۋستام ەموماليمەن كەزدەستى. وندا ەكى ەل پارلامەنت وكىلدەرىنىڭ ءوزارا ءىس-قيمىلىنىڭ پەرسپەكتيۆالىق باعىتتارى تالقىلاندى.

تاجىكستان ەلىمىزدىڭ ورتالىق ازياداعى ماڭىزدى سەرىكتەسى ءارى سەنىمدى وداقتاسى ەكەنىن ايتقان ءماجىلىس توراعاسى قازاقستان باسشىلىعىنىڭ ەكىجاقتى ىنتىماقتاستىقتى كەڭەيتۋگە ەرەكشە كوڭىل ءبولىپ وتىرعانىن اتاپ ءوتتى. سونىمەن قاتار، نۇرلان نىعماتۋلين قوس ەلدىڭ ستراتەگيالىق سەرىكتەستىك دەڭگەيىنە قازاقستاننىڭ تۇڭعىش پرەزيدەنتى-ەلباسى نۇرسۇلتان نازارباەۆ پەن تاجىكستان پرەزيدەنتى ەمومالي راحمون ورناتقان ىنتىماقتاستىقتىڭ قول جەتكىزگەن ناتيجەسىنە ەكەنىنە نازار اۋداردى. ءماجىلىس سپيكەرىنىڭ ايتۋىنشا، مەملەكەت باسشىسى قاسىم-جومارت توقاەۆتىڭ وسى جىلداعى دۋشانبەگە رەسمي ساپارى ءوزارا ءىس-قيمىلدىڭ دامۋىنا سەرپىن بەردى.

ءوز كەزەگىندە، تاجىكستان  ولي ءماجليسى ميللي ءماجليسىنىڭ توراعاسى رۋستام ەمومالي ەكىجاقتى ىنتىماقتاستىق دەڭگەيىنە جوعارى باعا بەردى:

- ءبىز باۋىرلاس قازاقستانمەن قارىم-قاتىناستىڭ بۇگىنگى دەڭگەيىن باعالايمىز. دوستاس ەكى مەملەكەت باسشىلارىنىڭ سەنىمدى ديالوگى ءبىزدىڭ ەلدەرىمىزدىڭ ءوزارا تابىستى ءىس-قيمىلىنىڭ قارقىندى دامۋىنا جانە قۇقىقتىق بازانى جەتىلدىرۋگە ىقپال ەتەدى، - دەدى رۋستام ەمومالي.

تاراپتار قازاقستان-تاجىك قارىم-قاتىناستارىنىڭ ماڭىزدى قۇرامداس بولىگى رەتىندە پارلامەنتارالىق ديالوگتى جانداندىرۋدى قولدادى.

سونىمەن قاتار، نۇرلان نىعماتۋلين بۇگىندە مەملەكەتتەر الدىندا تۇرعان بارلىق ماسەلەلەردى شەشۋ ءۇشىن كۇش-جىگەردى جۇمىلدىرۋدىڭ ماڭىزدىلىعىن اتاپ ءوتتى.

ءماجىلىس سپيكەرى پالاتا دەپۋتاتتارىنىڭ زاڭ شىعارۋ قىزمەتى تۋرالى ايتىپ، مەملەكەت باسشىسىنىڭ باستاماسىمەن قازاقستاندا جۇرگىزىلىپ جاتقان ساياسي جانە ەكونوميكالىق رەفورمالاردى زاڭنامالىق قولداۋ جونىندەگى جۇمىستارعا توقتالدى.

كەزدەسۋ بارىسىندا اۋعان ماسەلەلەرى تۇرعىسىنان وڭىرلىك جانە حالىقارالىق قاۋىپسىزدىك ماسەلەلەرىنە ەرەكشە ءمان بەرىلدى. سونىمەن قاتار، اۋعانستانداعى بەرىك بەيبىتشىلىكتى قالپىنا كەلتىرۋدىڭ جانە گۋمانيتارلىق داعدارىسقا جول بەرمەۋدىڭ ماڭىزدىلىعى تۋرالى ايتىلدى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1576
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2272
عيبىرات

قايسار رۋحتى عازيز جان

مۇحتار قۇل-مۇحاممەد 3590