جۇما, 29 ناۋرىز 2024
مادەنيەت 2698 2 پىكىر 23 قىركۇيەك, 2021 ساعات 18:54

Almaty.tv: جاڭا ماۋسىمدا قانداي جاڭالىقتار بار؟

23 قىركۇيەكتە «الماتى» تەلەارناسى جاڭا ماۋسىمنىڭ تۇساۋكەسەرىن وتكىزدى. «الماتىنىڭ» جاڭا ماۋسىمىندا قانداي جاڭالىقتار بار؟ قاراڭىز:

تاۋەلسىز قازاقستاننىڭ دامۋ تاريحىنىڭ سىرىن اشاتىن «الماتى: تاۋەلسىزدىك بەلەستەرى» اتتى دەرەكتى فيلمدە بەلگىلى ساياساتكەرلەر، قوعام قايراتكەرلەرى، پەداگوگتار مەن قوعام بەلسەندىلەرى مەملەكەتتىڭ قالىپتاسۋىنداعى ايتۋلى وقيعالارعا توقتالىپ، وي بولىسەدى.

تەلەارناداعى ەرەكشە جوبالاردىڭ ءبىرى «TikTok House» سيتكومى. بىرنەشە اپتا بۇرىن كورەرمەنگە جول تارتقان سەريال ادامگەرشىلىك پەن دوستىقتىڭ ءار كەز جوعارى تۇراتىنىن جاستارعا جەتكىزەدى. كەيىپكەرلەردىڭ مىنەز-قۇلقى ءار ءتۇرلى. دەسە دە ولار ءوزارا بايلانىس ورناتىپ، ءبىر-بىرىنە كومەكتەسىپ، ءتىپتى عاشىق تا بولادى.

جاڭا ماۋسىمنىڭ تاعى ءبىر جارقىن جوباسى: ول – قازاق حالقىنىڭ ۇلى پەرزەنتى، مەملەكەت جانە قوعام قايراتكەرى تۇرار رىسقۇلوۆقا ارنالعان «قىزىل جەبە» دەرەكتى  فيلم توپتاماسى.

سونىمەن قاتار، الداعى ۋاقىتتا كورەرمەن كوزايىمىنا اينالعان بىرنەشە تەلەحيكايانىڭ ەكىنشى ماۋسىمى جالعاسىن تابادى.

«وتكىنشى جاڭبىر» تەلەحيكاياسى بۇل ماۋسىمدا ەكى تىلدە ۇسىنىلادى. وسى جولى كەيىپكەرلەر مۇلدەم باسقا كەيىپكە ەنەدى.

«DiNaZaur» سەريالى دا جالعاسپاق. وتباسىلىق قۇندىلىقتار، شىنايى دوستىق بۇل جولى دا وسى ءفيلمنىڭ وزەگى بولىپ تابىلادى.

تاۋەلسىزدىك جەتىستىگىن ناسيحاتتايتىن جاڭا جوبا – «باقىتتىمىن وزىڭمەن» دراماسى. رومانتيكا ءارى كومەديا ەلەمەنتتەرى كورىنىس تاپقان تەلەحيكايا ءبىر قالاداعى بىرنەشە كەيىپكەردىڭ ءومىرى ارقىلى قازاقستاننىڭ 30 جىل ارالىعىنداعى دامۋىن، قيىن-قىستاۋ كەزەڭدى، ماحاببات پەن ءۇمىتتى سيپاتتايدى.

 

«باپكەر» – وسى جىلدىڭ قاراشا ايىندا شىعاتىن جاڭا سپورتتىق دراما. قازاقستان كينەماتوگرافياسى ءۇشىن جاڭالىق. سەريال شىنايى وقيعالارعا نەگىزدەلگەن. تەلەحيكايا الماتىنىڭ «قايرات» فۋتبول كلۋبىنىڭ ءۇمىت كۇتتىرگەن ويىنشىسى ەرنازار سماقوۆ جايىندا.

تەلەارناداعى ماڭىزدى باعدارلامالاردىڭ ءبىرى – «IQ Almaty» زياتكەرلىك جوباسى. ستۋدەنتتەر مەن وقۋشىلارعا ءبىلىم ءنارىن ءسىڭىرۋ، توپتا بىرگە جۇمىس ىستەۋ، لوگيكالىق جانە شىعارماشىلىق ويلاۋدى دامىتۋ، ەستە ساقتاۋ مەن زەيىندى جاتتىقتىرۋ باعدارلامانىڭ نەگىزگى ماقساتى. جوبادا قوعام قايراتكەرلەرى، قازاقستاننىڭ ەسترادا جۇلدىزدارى، عالىمدار مەن تەلەارنا وكىلدەرى تورەلىك ەتەدى. الماتى قالاسى اكىمدىگىنىڭ قولداۋىمەن ەڭ ءبىلىمدى جاستار باس جۇلدە 2 000 000 تەڭگەنى قانجىعالايدى.

 

سونداي-اق، «Almaty TV» تەلەارناسى كۇندەلىكتى جاڭالىقتار مەن ارنايى رەپورتاجداردى، الەۋمەتتىك ماڭىزى بار جوبالار مەن دەرەكتى فيلمدەردى، توك-شوۋ مەن تەلەحيكايالاردى، تانىمدىق جانە ويىن-ساۋىق باعدارلامالارىن ۇسىناتىن «Almaty TV+» ءموبيلدى قوسىمشاسىن ىسكە قوستى. «Almaty TV +» قوسىمشاسىن تەلەفون نەمەسە پلانشەتكە جۇكتەپ الۋعا بولادى.

 Abai.kz

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1575
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2268
عيبىرات

قايسار رۋحتى عازيز جان

مۇحتار قۇل-مۇحاممەد 3577