دۇيسەنبى, 6 جەلتوقسان 2021
جاڭالىقتار 1929 0 پىكىر 20 قىركۇيەك, 2021 ساعات 17:07

تاعى تىيىم. نەگە؟

2021 جىلدىڭ ءساۋىر ايىندا قازاقستان بيلىگى كولىكپەن مۇناي ونىمدەرىن سىرتقا شىعارۋعا تىيىم سالعان ەدى. ەل بيلىگى مۇنداي شەشىمىن ىشكى نارىقتى دەفيتسيتتەن ساقتاۋ ماقساتىندا جاساعانىن ايتقان بولاتىن. 

كوكتەمگى بۇيرىق بويىنشا ەلدەن 6 اي بويى اۆتوكولىك ارقىلى ديزەلدى جانارماي جىنە باسقا دا مۇناي ونىمدەرىنىڭ تن ۆەد ەاەس 2709, 2710, 2902, 3403, 3811, 3826 تۇرلەرىن سىرتقا شىعارۋعا تىيىم سالعان ەدى، ال تن ۆەد ەاەس 2710 19 820 0, 2710 19 840 0, 2710 19 860 0, 2710 19 880 0, 2710 19 920 0, 2710 19 940 0, 2710 19 980 0, 3403 19 900 0, 3403 91 000 0 ماي تۇرلەرىنە اتالمىش بۇيرىقتىڭ قاتىسى بولمادى.

تەحنيكالىق تالاپتاردى ساقتاعان كولىك جاساۋشى زاۋىتتار مەن جەكەلەگەن 20 ليتردان اسپايتىن قۇيىلمالى قۇرىلعىلار ارقىلى شىعارۋعا تىيىم سالىنبادى.

ەندى اتالمىش تىيىم ۋاقىتىن مەملەكەت تاعى دا 6 ايعا سوزباق. اتالمىش بۇيرىقتى بىرلەسە وتىرىپ ەنگىزگەن. بۇيرىق اشىق نقا-دا جاريالاندى. وندى بىلاي دەلىنگەن.

«قازاقستان رەسپۋبليكاسىنىڭ ۇلتتىق قاۋىپسىزدىگى تۋرالى» قازاقستان رەسپۋبليكاسى زاڭىنىڭ 6-بابى 1-تارماعىنىڭ 11) تارماقشاسىنا جانە 22-بابى 2-تارماعىنىڭ 1) تارماقشاسىنا، ەۋرازيالىق ەكونوميكالىق وداق تۋرالى شارتتىڭ 29-بابىنا، سونداي-اق شارتقا 7-قوسىمشانىڭ 10-بولىمىنە سايكەس بۇيىرامىز:

1. اۆتوموبيل كولىك قۇرالدارىن دايىنداۋشى زاۋىتپەن كوزدەلگەن جانە تەحنيكالىق شارتتارعا سايكەس ورناتىلعان بەنزين باكتارىندا، سونداي-اق جالپى كولەمى 20 ليتردەن اسپايتىن جەكە ىدىستاردا اكەتۋ جاعدايلارىن قوسپاعاندا، جاعارمايدى (ەاەو سەق تن كودى 2710 19 820 0, 2710 19 840 0,
2710 19 860 0, 2710 19 880 0, 2710 19 920 0, 2710 19 940 0, 2710 19 980 0, 3403 19 900 0, 3403 91 000 0) قوسپاعاندا، بەنزيندەردى، ديزەل وتىنىن جانە مۇناي ونىمدەرىنىڭ جەكەلەگەن تۇرلەرىن (ەاەو سەق تن كودى 2709, 2710, 2902, 3403, 3811, 3826) قازاقستان رەسپۋبليكاسىنىڭ اۋماعىنان اۆتوموبيل كولىگىمەن اكەتۋگە التى اي مەرزىمگە تىيىم سالۋ ەنگىزىلسىن.

2. قازاقستان رەسپۋبليكاسى قارجى مينيسترلىگىنىڭ مەملەكەتتىك كىرىستەر كوميتەتى قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ شەكارا قىزمەتىمەن ءوزارا ءىس-قيمىل جاساي وتىرىپ، قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن ءوز قۇزىرەتى شەگىندە وسى بىرلەسكەن بۇيرىقتىڭ 1-تارماعىنىڭ ورىندالۋىن قامتاماسىز ەتۋ بويىنشا قاجەتتى شارالاردى قابىلداسىن.

3. قازاقستان رەسپۋبليكاسى ىشكى ىستەر مينيسترلىگى ءوز قۇزىرەتى شەگىندە وسى بىرلەسكەن بۇيرىقتىڭ 1-تارماعىندا كورسەتىلگەن تاۋارلاردى اۆتوموبيل كولىك قۇرالدارى تەحنيكالىق شارتتارىنىڭ ستاندارتتارىنا سايكەس كەلمەيتىن جانە اۆتوموبيل كولىك قۇرالدارى تەحنيكالىق سيپاتتامالارىنىڭ ستاندارتتارىنا سايكەس كەلمەيتىن اۆتوموبيل كولىك قۇرالدارىنىڭ بەنزين باكتارىندا جانە 20 ليتردەن اسپايتىن جەكە ىدىستاردا اكەتۋ جاعدايلارىنا جول بەرمەۋ بويىنشا كومەك كورسەتسىن.

4. قازاقستان رەسپۋبليكاسى ەنەرگەتيكا مينيسترلىگىنىڭ مۇناي تاسىمالداۋ ءجان ەوڭدەۋ دەپارتامەنتى وسى بىرلەسكەن بۇيرىقتىڭ 1-تارماعىندا كورسەتىلگەن تىيىم سالۋدى ەنگىزۋ تۋرالى ەۋرازيالىق ەكونوميكالىق كوميسسيانى حاباردار ەتۋ قاجەتتىلىگى جونىندە بەلگىلەنگەن تارتىپپەن قازاقستان رەسپۋبليكاسى ساۋدا جانە ينتەگراتسيا مينيسترلىگىنە حابارلاسىن.

5. قازاقستان رەسپۋبليكاسى ەنەرگەتيكا مينيسترلىگىنىڭ مۇناي ونەركاسىبىن دامىتۋ دەپارتامەنتى قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن:
1) وسى بىرلەسكەن بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى;
2) وسى بىرلەسكەن بۇيرىقتى قازاقستان رەسپۋبليكاسى ەنەرگەتيكا مينيسترلىگىنىڭ ينتەرنەت-رەسۋرسىندا ورنالاستىرۋدى;
3) وسى بىرلەسكەن بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەن كۇننەن باستاپ كۇنتىزبەلىك ون كۇن ىشىندە قازاقستان رەسپۋبليكاسى ەنەرگەتيكا مينيسترلىگىنىڭ زاڭ قىزمەتى دەپارتامەنتىنە وسى تارماقتىڭ 1) جانە 2) تارماقشالارىندا كوزدەلگەن
ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن.

6. وسى بىرلەسكەن بۇيرىقتىڭ ورىندالۋىن باقىلاۋ ءتيىستى باعىتقا جەتەكشىلىك ەتەتىن قازاقستان رەسپۋبليكاسىنىڭ ەنەرگەتيكا، قارجى، ىشكى ىستەر ۆيتسە-مينيسترلەرىنە جانە قازاقستان رەسپۋبليكاسى ۇلتتىق قاۋىپسىزدىك كوميتەتى توراعاسىنىڭ ورىنباسارى – شەكارا قىزمەتىنىڭ ديرەكتورىنا جۇكتەلسىن.

7. وسى بىرلەسكەن بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.

اتالمىش قۇجات اشىق نقا-دا 10 كۇن تۇرادى. ساراپشىلار مۇناي ونىمدەرىن سىرتقا شىعارۋعا تىيىم سالۋدىڭ باستى سەبەپتەرى ىشكى نارىقتى ءۇش مۇناي وڭدەۋ زاۋىتى شىن مانىندە قامتاماسىز ەتە الماي وتىرعاندىقتان دەيدى.

Abai.kz

 

 

0 پىكىر