جۇما, 29 ناۋرىز 2024
2889 2 پىكىر 20 قىركۇيەك, 2021 ساعات 15:12

سەرىك احمەتوۆ جازاسىن وتەپ شىقتى

قازاقستاننىڭ بۇرىنعى پرەمەر-ءمينيسترى سەرىك احمەتوۆ جازاسىن وتەۋگە بايلانىستى پروباتسيالىق ەسەپتەن شىعارىلدى. بۇل تۋرالى ءىىم قىلمىستىق اتقارۋ جۇيەسى كوميتەتىنىڭ ءباسپاسوز قىزمەتى ءمالىم ەتتى.

ونىڭ ەندى تەك بەلگىلى ءبىر لاۋازىمداردى اتقارۋعا تىيىم سالاتىن قوسىمشا جازاسى قالدى.

ايتا كەتەيىك، 2015 جىلدىڭ جەلتوقسانىندا سەرىك احمەتوۆ بيۋدجەت قاراجاتىن جىمقىردى، قىزمەت بابىن اسىرا پايدالاندى جانە كاسىپكەرلىك قىزمەتكە زاڭسىز ارالاستى دەپ ايىپتالىپ، مۇلكى تاركىلەنىپ، 10 جىلعا باس بوستاندىعىنان ايىرىلعان. وعان قوسا جازاسىن وتەپ شىققاننان كەيىن بەس جىل مەملەكەتتىك قىزمەت اتقارۋعا تىيىم سالىنعان بولاتىن.

ارتىنان ءوز ىسىنە شىن جۇرەكتەن وكىنىش بىلدىرگەنى جانە 2,5 ميلليارد تەڭگە كولەمىندە زالالدى وتەۋىنە بايلانىستى، ونىڭ جازا مەرزىمى 2016 جىلى ناۋرىزدا 8 جىلعا دەيىن قىسقارتىلدى.

ال 2017 جىلدىڭ قىركۇيەگىندە سوت شەشىمىمەن بۇرىنعى ۇكىمەت باسشىسىنا تاعايىندالعان باس بوستاندىعىنان ايىرۋ جازاسى بوستاندىعىن شەكتەۋ جازاسىنا اۋىستىرىلدى.

سەرىك احمەتوۆ ءار جىلدارى تەمىرتاۋ قالاسىنىڭ اكىمى، قاراعاندى ​​وبلىسىنىڭ اكىمى، كولىك جانە كوممۋنيكاتسيا ءمينيسترى، قورعانىس ءمينيسترى بولدى.

Abai.kz

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3534