جۇما, 29 ناۋرىز 2024
بيلىك 2477 2 پىكىر 17 قىركۇيەك, 2021 ساعات 13:10

XVII ەۋرازيالىق مەديا فورۋمدا تەلەۆيزيالىق تاريحي جوبالارمەن الماسۋ الاڭىن قۇرۋ ۇسىنىلدى

نۇر-سۇلتان قالاسىندا ءوتىپ جاتقان XVII ەۋرازيالىق مەديا فورۋمدا تۇركىتىلدەس ەلدەر وندىرگەن تەلەۆيزيالىق تاريحي جوبالارمەن الماسۋ الاڭىن قۇرۋ ۇسىنىلدى.

 

«تۇركىتىلدەس ەلدەردىڭ باق-ى. قازىرگىدەي جاعدايدا ىنتىماقتاستىقتى دامىتۋ» تاقىرىبىندا وتكەن دوڭگەلەك ۇستەل جۇمىسىنا حالىقارالىق تۇركى اكادەمياسىنىڭ ۆيتسە-پرەزيدەنتى ف.مادجيدلي، «قازاقستان» تەلەراديوكورپوراتسياسىنىڭ باسقارما ءتورايىمى ل.تانىسباي، ءازىربايجان تەلەجۇرگىزۋشىسى ت.ابباسوۆ، ۆەنگريانىڭ «دۋنا» تەلەكومپانياسىنىڭ ديرەكتورى ي.پالففي-وربان، قىرعىزستاننىڭ «كابار» اگەنتتىگىنىڭ ديرەكتورى ك.تاابالديەۆ، وزبەكستان ۇلتتىق تەلەراديوكومپانياسىنىڭ توراعاسى ا.حادجاەۆ، تۇركىمەنستاننىڭ ONLINE مەملەكەتتىك اقپاراتتىق اگەنتتىگىنىڭ باس ديرەكتورى م.گازاكباەۆ قاتىستى.

«قازاقستان» تەلەراديوكورپوراتسياسىنىڭ باسقارما ءتورايىمى ءلاززات تانىسباي تۇركىتىلدەس ەلدەر اراسىنداعى تەلەۆيزيالىق تاريحي جوبالارمەن الماسۋدى تابىستى جۇزەگە اسىراتىن الاڭ رەتىندە ورتاق اقپاراتتىق سەرۆيس قۇرۋ تۋرالى ايتتى.

«كورپوراتسيا بۇگىندە وزبەكستاننىڭ «Mening Yurtim»، «Yoshlar» تەلەارنالارىمەن، تۇركيانىڭ «TRT AVAZ»، «ترت» تەلەارناسىمەن، ءازىربايجاننىڭ «AZ TV» ارنالارىمەن كونتەنت الماسۋدى تۇراقتى جۇرگىزىپ كەلەدى. ورتاق مادەنيەتىمىز كورىنىس تاباتىن كوپتەگەن دەرەكتى فيلمدەر، تاريحي سەريالدار، جوبالار تۇركيا، وزبەكستان، ءازىربايجان ارنالارىندا كورسەتىلۋدە .

تۇركىتىلدەس ەلدەر جىل سايىن تاريحي، مادەني باعىتتاردا كوپتەگەن جاڭا كونتەنت شىعارىپ وتىرمىز. سول جوبالارمەن الماسۋدى، ارنالارىمىزدا تۇراقتى كورسەتۋدى قولعا الساق، بۇل ءۇشىن سەريالداردىڭ ونلاين پلاتفورماسىن، ياعني، ورتاق اقپاراتتىق سەرۆيس قۇرۋعا بولادى. ول جەردە ءونىم تۋرالى بارلىق اقپارات، ۆيدەوماتەريالدار انونس، ترەيلەرلەر ورنالاستىرىلىپ، ەفيردە كورسەتۋگە قىزىعۋشىلىق تانىتقان ەلدىڭ سۇرانىسىنا قاراي، ءوندىرۋشى ەل تەلەحيكايانى تەگىن ۇسىناتىن الاڭ رەتىندە قولدانۋعا بولادى. بۇل - ورتاق تاريحىمىزدى ءار ەلدىڭ انا تىلىندە كورسەتۋگە زور مۇمكىندىك بولار ەدى. جۇيە تەلەجوبالار وندىرىسىنە يدەيا الاتىن فرانشيزالىق الاڭ رەتىندە دە پايدالانىلاتىن بولادى. «قازاقستان» تەلەراديوكورپوراتسياسى ىنتىماق پەن بىرلىككە قاتىستى كەز كەلگەن شارانى قولداۋعا جانە اتسالىسۋعا دايىن», - دەدى ل.تانىسباي.

سونىمەن بىرگە ءلاززات تانىسباي تۇركىتىلدەس ەلدەردىڭ بۇقارالىق اقپارات قۇرالدارىن مادەني-تاريحي باعىتتاعى جوبالاردان بولەك، قازىرگى ۋاقىتتاعى ەڭ وزەكتى كوۆيد-پەن كۇرەس تاقىرىبىندا دا بىرلەسە جۇمىس ىستەۋگە شاقىردى.

«ءبىر عانا «قازاقستان» تەلەراديوكورپوراتسياسى وسى كۇنگە دەيىن كوروناۆيرۋسپەن كۇرەس جانە كورەرمەندەردى ۆاكتسينا الۋعا شاقىراتىن 160 شاعىن روليك جاساپ، ۇسىندى. تاقىرىپ جانە اۋديتوريا الدىنداعى ءبىزدىڭ مىندەتىمىز - ورتاق. سوندىقتان مۇنداي روليكتەرمەن بولىسۋگە دايىنبىز. تۇركىتەلدەس ەلدەر ارنالارىنداعى وسى باعىتتاعى ونىمدەردى ءوز تىلىمىزگە دۋبلياجداپ، ەفيردەن ۇسىنۋعا ءازىرمىز», - دەدى باسقارما ءتورايىمى.

Abai.kz

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3563