دۇيسەنبى, 25 قازان 2021
1003 9 پىكىر 17 قىركۇيەك, 2021 ساعات 09:34

اقش، بريتانيا مەن اۆستراليا قورعانىس اليانسىن قۇردى

اۆستراليا، ۇلىبرياتانيا جانە اقش قورعانىس جانە قاۋىپسىزدىك قالاسىندا جاڭا ءۇش جاقتى ارىپتەستىك – AUUKUS اليانسى قۇرىلعانىن جاريالادى. بۇل تۋرالى بي-بي-سي حابارلادى.

"بۇل باستاما ۇدەپ بارا جاتقان قاۋىپتەن قورعانۋعا جانە ارەكەت ەتۋگە قاجەتتى وزىق مۇمكىندىكتەرگە يە بولۋ ماقساتىندا كوتەرىلدى", - دەدى اقش پرەزيدەنتى دجو بايدەن.

اۆستراليا، ۇلىبرياتانيا جانە اقش ءۇندى-تىنىق مۇحيتتارى اۋماعىنا قىتاي ىقپالىنىڭ وسۋىنە الاڭدايدى. جاڭا ارىپتەستىك پەكيننىڭ ايماقتارداعى ىقپالىن تەجەۋ ءۇشىن قاجەت.

AUUKUS اليانسىنىڭ العاشقى جوباسى اۆستراليانىڭ يادرولىق قارۋسىز اتوم سۇڭگۋىر قايىقتارىنا يە بولۋىن كوزدەيدى. اۆستراليا وداقتاستارىنان كەمە قۇرىلىسىنا قاجەتتى تەحنولوگيا الادى، ءسويتىپ فرانتسيامەن اراداعى 66 ميلليارد دوللاردىڭ كەلىسىمىنەن باس تارتادى. پاريج بۇعان نارازى. "تۇسپالدان جاسالعان سوققى. وداقتاستار بۇلاي جاساماۋى كەرەك",— دەپ مالىمدەدى فرانتسيانىڭ سىرتقى ىستەر ءمينيسترى جان-يۆ لە دريان France Info راديوسىنىڭ ەفيرىندە.

اۆستراليا، ۇلىبريتانيا جانە اقش AUUKUS ارىپتەستىگى اياسىندا كيبەرتەحنولوگيا، جاساندى ينتەللەكت جانە كۆانت تەحنولوگياسى سالالارىندا تىعىز ارىپتەستىك ورناتۋدى كوزدەيدى، دەلىنگەن اليانس قۇرۋ تۋرالى مالىمدەمەدە.

Abai.kz

9 پىكىر