جۇما, 29 ناۋرىز 2024
جاڭالىقتار 1698 0 پىكىر 12 قىركۇيەك, 2021 ساعات 14:43

قاراتال اۋدانىنا 709 ملن ينۆەستيتسيا تارتىلدى

قاراتال اۋدانىندا اۋىل شارۋاشىلىعى سالاسى بويىنشا 7 ايلىق كورسەتكىش اۋىز تولتىرارلىق. وسى ۋاقىتقا دەيىنگى تۇسكەن پايدا 10 ملرد. 581,5 ملن. تەڭگەنى قۇرايدى. جالپى كولەم يندەكسى-102,6%. ال، اۋدانىندا اۋىل شارۋاشىلىعى سالاسىنا تارتىلعان ينۆەستيتسيا كولەمى 709 ملن. 170 مىڭ تەڭگەگە جەتىپ جىعىلادى. بۇل تۋرالى قاراتال اۋدانىندا وتكەن كوشپەلى ءباسپاسوز-ءماسليحاتىندا ءمالىم بولدى.

قازىرگى كەزدە ايماقتا اۋىل شارۋاشىلىعى داقىلدارى جينالۋ ۇستىندە. ديقانداردىڭ ەڭبەگى اقتالىپ، جينالعان ءونىمنىڭ كولەمى كوز قۋانتادى. تارقاتار بولساق، 2572 گەكتار جەردەن ونىمدىلىگى 14,2 تس/گا بولاتىن ارپا جينالدى، ناتيجەسىندە جالپى ءتۇسىم 3562,2 تونناعا جەتتى. ال جازدىق بيداي 788 گا جەرگە ەگىلگەن بولاتىن، قاراتالدىق شارۋالار تولىقتاي ورىپ الدى. بۇگىنگى كۇنگە ونىمدىلىگى 13,1 تس/گا قۇرايتىن 1032,2 توننا استىق جينالدى.
ەرتە كوكتەمدە ۇشتوبە جەرىندە 1120 گا اۋماققا كارتوپ ءونىمى سەبىلگەن بولاتىن، قازىرگە 1000 گەكتاردان 21 900 توننا ءونىم جينالدى. كوكەنىسكە كەلەر بولساق، 1854 گا القاپ ءبولىنىپ بەرىلگەن ەدى. ونىڭ 1450 گەكتارىنان 47 850 تونا كوكەنىس جيناپ الىندى. ال باقشا داقىلدارىنان 18 533,5 توننا داقىل الىندى.

ايتا كەتۋ كەرەك، اۋداندا ءتاتتى ءتۇبىر وسىرۋگە باس ءمان بەرگەن. 2015 جىلى اۋداندا قىزىلشا القابى 560 گەكتاردى قۇرسا، بۇگىنگى كۇنى 14 00 گەاترعا جەتىپ وتىر. ياعني، القاپ كولەمى 2,5 ەسەگە ارتقان.

اۋدان الەۋەتىانىڭ نەگىزگى كەپىلى بولعان اۋىل شارۋاشىلىعى باعىتىندا تەر توگىپ جۇرگەن «وپىتنوە» وندىرىستىك كووپەراتيۆى اۋداندا تۇقىم شارۋاشىلىعىمەن اينالىساتىن جالعىز شارۋاشىلىق ەكەنىن اتاپ وتكەن ءجون. مۇندا ەليتالىق كۇرىش تۇقىمدارىن سورتتارى: «وپىتنوە»، «زاريا»، «سۋاگ»، «پاك-لي»، «ۋشتوبينسكي» وسىرىلەدى.

ال، ايماقتاعى «نام.ل» «رەم.س» «كيم.ا» «ان.ۆ» «جاھان»، جشس «التىن قازىنا» شارۋا قوجالىقتارى سۋدى ۇنەمدەۋ تەحنولوگياسى بويىنشا 400 گا سۋعارمالى جەر تەلىمدەرىنىڭ، 200 گا جاڭبىرلاتىپ سۋعارۋ جانە 200 گا جەر تەلىمدەرىن تامشىلاتىپ سۋعارۋ تاسىلىمەن جۇمىس ىستەيدى. قاجىرلى ەڭبەكتىڭ ناتيجەسىندە الىناتىن وكىم كولەمى 3-4 ەسەگە ارتىپ وتىر.

اۋدانداعى مال شارۋاشىلىعى باعىتا كەلە بولساق، باسى جاڭالىقتاردىڭ ءبىرى قۇنى 125 ملن. 838 مىڭ تەڭگە بولاتىن ءسۇتتى-ەتتى باعىتتاعى بۋاز قۇناجىنداردى جەرسىڭدىرۋ. اتالعان قۇناجىن گەرمانيادان الىپ كەلىنگەن. جالپى سانى 96 باستى قۇرايدى. اسىل تۇقىمدى مۇنداي قۇناجىنداردى «تاستوبەاگروفۋد» جشس الىپ كەلگەن.

«كوكتال جاركەنت» جشس بولسا، 89 باس ۇرعاشى تانالاردى 8 ملن.074 مىڭ.ت. ساتىپ العان. بۇل دا اۋدانداعى مال شارۋاشىلىعىنا تۇسەر پايدانى ارتتىرۋعا جاسالعان جۇمىستاردىڭ ءبىرى.

بۇگىنگى كۇنى، اۋدان بويىنشا 1202 اۋىل شارۋاشىلىعى تەحنيكا تىركەلگەن، ونىڭ ىشىندە تراكتور 744, كومباين 88, تىركەمەلەر 255, جول قۇرىلىسىنا ارنالعان تەحنيكا 115 دانا بار.

اۋدان بويىنشا اۋىلشارۋاشىلىعى جەرىنىڭ كولەمى 380 مىڭ 382 گەكتار. ونىڭ 21 مىڭ 601 گا سۋارمالى ەگىستىك، 352 مىڭ 401 گا جايىلىمدىق، 1 188 گا شابىندىق جەرلەر، 42 گا كوپ جىلدىق ەكپەلەرگە جاتادى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1576
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2272
عيبىرات

قايسار رۋحتى عازيز جان

مۇحتار قۇل-مۇحاممەد 3589