جۇما, 29 ناۋرىز 2024
46 - ءسوز 4163 5 پىكىر 13 قىركۇيەك, 2021 ساعات 12:55

قازاق، ءوزىمىزدى ءوزىمىز قورعاماساق جاعدايىمىز قيىن

گەوساياسات ءۇشىن ەكىۇداي جاڭالىقتىڭ قۇلاعى قىلتيادى. باسىنان باستايىق.
ۋكراينا پرەزيدەنتىنىڭ اقش-قا ساپارى نەگىزىنەن جامان اياقتالماپتى. ارينە، زەلەنسكي كومانداسى اقش-پەن، بايدەنمەن كەزدەسۋدى ۇلكەن جەتىستىككە بالاپ، الايدا اقش كەزدەسۋدى بىرنەشە رەت كەيىنگە قالدىرىپ، زەلەنسكيدى ىڭعايسىز جاعدايعا قالدىرعان رەتى بار. ونىڭ ۇستىنە اۋەجايدا قارسى الۋ دا زەلەنسكي كۇتكەندەگىدەي بولماي شىقتى.

ورىستاردا "نە بىلو بى سچاستيا، دا نەسچاستە پوموگلو" دەگەن ءسوز بار. اۋعانستاننان اقش اسكەرىنىڭ شىعارىلۋى بايدەننىڭ بەدەلىن ءبىراز تومەندەتتى. وسىنداي جاعدايدا اقش ەندى ۋكراينانى تومەندەتىپ جاتۋدى ارتىق سانادى، ءسويتىپ كۇتپەگەن جەردەن ۋكرايناعا كومەك كورسەتىپ ونى قولداعان دۇرىس دەپ شەشىپتى بايدەن. ءسويتىپ، بۇرىنعى كومەكتەردەن تىس تاعى دا 60 ملن دوللار كومەك بەرىلەتىن بولدى. ودان باسقا، كەزدەسۋ بارىسىندا رەفورمالاردى جۇزەگە اسىرۋ ءۇشىن تاعى دا 463 ملن دوللار بولىنەتىن بولدى. ول ءۇشىن ۋكراينا ترانفورماتسيا جاساۋعا ۇلكەن امبيتسيالىق جوسپار جاساپ جۇزەگە اسىراتىن بولدى، وندا ادام قۇقى، دەموكراتيالىق ينستيتۋتتاردى ودان ءارى دامىتۋ قاراستىرىلۋى قاجەت. وبشىم، ۋكرايناعا كورسەتىلىپ جاتقان كومەكتىڭ شەتى جوق، ازىرگە ۋكراينا تاراپىنان تەك قۇرعاق ۋادەلەر عانا بار. ول ۋادەلەر جۇزەگە اسا ما، جوق پا - ازىرگە بەلگىسىز، ناتيجەسىن الداعى كۇزدە، كەلەسى جىل باستالعانعا دەيىن كورەتىن بولامىز.

سونداي-اق زەلەنسكي كومانداسى كەلەسى مەرزىمگە سايلانۋعا قولداۋ دامەتىپ، ونداعىلاردىڭ تامىرلارىن باسىپ قاراپتى، بىراق امىريكالىقتار دا قۋ عوي، ول تاقىرىپقا تاكتيچنو ۇندەمەپتى.

اقش-تا بەلارۋس تۋرالى دا مىناداي پىكىرلەر بار ەكەن - لۋكاشەنكو وزىنشە ءارتىس، ۇزاق جىلدار بويى كوپۆەكتورلى ساياسات دەپ باتىستىڭ باسىن قاتىرىپ كەلدى، بىراق بيلىك قولىنان سۋسىپ شىعىپ بارا جاتقان بويدا رەسەيدىڭ قولاستىنا كىرىپ، بۇكىل بەلارۋستى ساتىپ كەتتى، بەلارۋس ايماعىنىڭ گۋبەرناتورى بولۋعا دا بەيىل دەيدى ەكەن. الايدا اقش اۋعانستاننان كەتتى، بەلارۋستى رف جۇتىپ قويدى، ەندى ۋكراينانى ولسە دە رەسەيگە بەرمەيدى، بۇل ءپرينتسيپتى ماسەلە دەيدى ەكەن.

ەندى ەكىۇداي جاڭالىق دەگەنىمىزگە كەلەيىك. بىزدە دە كوپۆەكتورلى ساياسات دەپ سىرت كوزگە ەلدىڭ ءبارىن الداپ كەلگەن، بىراق جەمە-جەمگە كەلگەندە ءبىزدى رف-عا ساتىپ كەتىپ وتىرعان بىرەۋلەر بار، بۇل جونىندە لۋكاشەنكودان ايىرمامىز شامالى. الايدا ماعان ۇناماي تۇرعانى - رف بەلارۋستى جۇتىپ قويدى دەگەنى. سوندا ونى جۇتقىزىپ قويىپ اقش قاراپ وتىرا بەرە مە؟ ەۋروپانىڭ ورتاسىنداعى بەلارۋس جۇتىلسا، ەۋروپانىڭ قيىر شەتىندەگى ءبىزدى ەشكىم دە قورعامايتىن بولعانى عوي؟ بىرەۋلەرگە جۇتىلىپ جاتىرمىز با، جوق پا - باسقالارعا ءبارىبىر بولعانى دا. ەندەشە، قازاق، ءوزىمىزدى ءوزىمىز قورعاماساق جاعدايىمىز قيىن-اق.

قۋانىش ەدىلحانتەگى

Abai.kz

 

5 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2262
عيبىرات

قايسار رۋحتى عازيز جان

مۇحتار قۇل-مۇحاممەد 3553