جۇما, 29 ناۋرىز 2024
كۇبىرتكە 6512 3 پىكىر 9 قىركۇيەك, 2021 ساعات 14:32

ەنەرگەتيكا ءمينيسترى كىم بولادى؟

ەنەرگەتيكا ءمينيسترى بولعان نۇرلان نوعاەۆتىڭ ماڭعىستاۋ وبلىسىنىڭ اكىمى بولىپ تاعايىندالۋى ەندى ەنەرگەتيكا جانە مينيسترلىگىنىڭ تىزگىنىن كىم ۇستايدى دەگەن ۇلكەن ساۋالدى قالدىردى. بۇل ەل ەكونوميكاسىندا باستى ءرول وينايتىن مۇناي مەن گاز سالاسىن باسقاراتىن جانە جەر قويناۋىنداعى شەكسىز بايلىقتى يگەرۋگە تىكەلەي جاۋاپ بەرەتىن، ينۆەستيتسيا تارتۋ بويىنشا باستى مىندەتتى موينىنا العان مينيسترلىك. بيۋدجەتى مەن سالماعى دا باسىم. 

جالپى مينيسترلىك مەملەكەتتىك ساياساتتى قالىپتاستىرۋ مەن ىسكە اسىرۋدى، مۇناي-گاز، مۇناي-گاز-حيميا ونەركاسىبى، كومىرسۋتەكتەردى تاسىمالداۋ، ۋران ءوندىرۋ، مۇناي ونىمدەرىن ءوندىرۋدى، گاز جانە گازبەن جابدىقتاۋدى، ماگيسترالدىق قۇبىردى، ەلەكتر ەنەرگەتيكاسىن، جىلۋمەن جابدىقتاۋدى مەملەكەتتىك رەتتەۋ سالالارىندا، ورتالىقتاندىرىلعان جىلۋمەن جابدىقتاۋ، اتوم ەنەرگياسى، جاڭارتىلاتىن ەنەرگيا كوزدەرىن دامىتۋ ايماعىندا جىلۋ ەنەرگياسىن ءوندىرۋدى جۇزەگە اسىراتىن جىلۋ ەلەكتر ورتالىقتارى مەن قازاندىقتارى بولىگىندە باسقارۋ پروتسەسىن ۇيلەستىرۋدى جۇزەگە اسىرادى.

ەندى بۇل ميللياردتاعان دوللار اعىمى جۇرەتىن مينيسترلىك تىزگىنىن كىم ۇستايدى؟ اتالمىش ماسەلە قازىر بيىك مىنبەردەگى شەنەۋنىكتەر اراسىندا قىزۋ تالقىلانىپ جاتقان بولار. جورامالدار وتە كوپ، كانديداتتار دا جەتەرلىك. الايدا ەنەرگەتيكا ءمينيسترى بولىپ مۇلدە ءبىز كۇتپەگەن ازامات تاعايىندالۋى  دا عاجاپ ەمەس. قورعانىس ءمينيسترى بولىپ قوعام بىلمەيتىن ۆيتسە-ءمينيستردىڭ تىزگىندى ۇستاۋى سياقتى، ەنەرگەتيكانىڭ تىزگىنىن دە ەنەرگياسى تاسىعان ءبىر جاسقا ۇستاتۋى بەك مۇمكىن. ارينە، اتالمىش ورىنعا تاجىريبەلى، ينۆەستيتسيا تارتۋ قابىلەتى بار ازامات قويىلۋى قاجەت. ونى اقوردا دا، ۇكىمەت تە جاقسى تۇسىنەدى.

ساراپشىلار كانديداتتار ىشىندە ساراپشىلار ءتۇرلى بولجامدار ايتۋدا. مىسالى، «قازاقستان تەمىر جولى» ۇلتتىق كومپانياسىنىڭ توراعاسى بولعان ساۋات مىڭباەۆ دەنساۋلىعىنا بايلانىستى ەم الىپ جاتىر دەگەن اقپارات بار. شاڭعى تەۋىپ ءجۇرىپ ومىرتقاسىن زاقىمداپ الدى دەگەن اقپارات شىققان ەدى. الايدا قازىرگى تاڭدا بوس تۇرعان مينيسترلىك ورنىنا وسى ازامات جايعاسۋى مۇمكىن دەگەن ساۋەگەيلىك ايتىلىپ ءجۇر.

ساۋات مىڭباەۆ ”قازاقستان تەمىر جولى” باسقارما توراعاسى بولىپ تاعايىندالدى: 20 قاراشا 2018, 12:00 - جاڭالىقتار Tengrinews.kz

بولات جامىشەۆتىڭ دە بۇل ورىننان كورىنۋى مۇمكىن دەيدى كەي ساراپشىلار. بۇعان دەيىن قارجى ءمينيسترى، قازاقستان وڭىرلەردى دامىتۋ ءمينيسترى، قازاقستان دامۋ بانكى باسقارماسىنىڭ توراعاسى سىندى قىزمەتتەردى اتقارعان جامىشەۆتىڭ باسقارۋ سالاسىنداعى تاجىريبەسى راسىمەن باسىم.

بولات جامىشەۆ جاڭا قىزمەتكە سايلاندى

ەنەرگەتيكا سالاسىندا تاجىريبەسى مول، الايدا حالىق اراسىندا تانىمالدىعى تومەن ءبىرىنشى ۆيتسە-مينيستر مۇرات جۇرەبەكوۆتىڭ دا بۇل ورىنعا جايعاسۋى مۇمكىن دەيتىن پىكىرلەر بار. بۇل قورعانىس مينيسترلىگىندەگى تاجىريبە مىسالىندا ىسكە اسۋى مۇمكىن.

مۋرات جۋرەبەكوۆ نازناچەن ۆيتسە-مينيستروم ەنەرگەتيكي: 03 يۋليا 2019, 11:21 - نوۆوستي نا Tengrinews.kz

مينيسترلىك تىزگىنى ۆلاديمير شكولنيككە تابىستاۋلى مۇمكىن. بۇل اەس سالۋ ماسەلەسىمەن تىعىز بايلانىستى دەگەن ويلار بار. سونىمەن قاتار شكولنيك بۇل ورىندا بۇرىن قىزمەت ەتكەن تاجىريبەسى دە ەسكەرىلۋى عاجاپ ەمەس.

ۆلاديمير شكولنيك: رەنتابەلنوست كاشاگانا زاۆيسيت وت تسەن نا نەفت — Forbes Kazakhstan

اتالمىش كانديداتتاردان بولەك، بۇل ورىنعا وبلىس اكىمدەرىنىڭ ءبىرى كەلىپ، ايماق باسشىلىقتارىن اۋىستىرۋ پروتسەسى دە ىسكە اسادى دەگەن بولجامدار قويىلۋدا.

Abai.kz

3 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1574
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2268
عيبىرات

قايسار رۋحتى عازيز جان

مۇحتار قۇل-مۇحاممەد 3576