جۇما, 29 ناۋرىز 2024
بيلىك 2989 0 پىكىر 2 قىركۇيەك, 2021 ساعات 14:24

جامبىلداعى جارىلىس: قورعانىس مينيسترلىگى بۇيدەيدى

كۇنى كەشە عانا باسشى اۋىستىرعان قر قورعانىس مينيسترلىگى جامبىل وبلىسىنداعى اسكەري بولىمشە قويماسىنداعى جارىلىسقا قاتىساتى باق-تاعى كەيبىر اقپاراتتارعا قاتىستى رەسمي تۇسىندىرمە جاساپتى.

وندا بىلاي دەپ جازىلىپتى:

وق-ءدارى قويماسى تۋرالى

ينجەنەرلىك وق-دارىلەر قويماسىنان ءورت شىققان اسكەري ءبولىم «وڭتۇستىك» وڭىرلىك قولباسشىلىعىنىڭ قۇرامىنا كىرەدى.

2016 جىلدان باستاپ 2021 جىلدىڭ مامىر ايىنا دەيىن اسكەري ءبولىمنىڭ كومانديرى سەرىك بايساقالوۆ بولعان. قورعانىس ءمينيسترىنىڭ بۇيرىعىمەن پودپولكوۆنيك سەرىك بايساقالوۆ 48 جاسقا تولعاندا قارۋلى كۇشتەردىڭ قاتارىنان زاپاسقا شىعارىلدى. ال ناقتى بايساقالوۆ 2021 جىلدىڭ 29 شىلدەسىندە ءبولىمنىڭ تىزىمىنەن الىندى.

ماۋسىم ايىندا وڭىرلىك قولباسشىلىقتىڭ كوميسسياسى ءبولىمنىڭ شتاب باستىعى مايور اسلان باقىتجانوۆقا كومانديردىڭ ىستەرى مەن لاۋازىمىن ۋاقىتشا اتقارۋدى تاپسىردى. بۇل جونىندە ءبولىم كومانديرىنىڭ 2021 جىلعى 21 ماۋسىمداعى №109 ءتيىستى بۇيرىعى بار. قازىرگى كەزدە قۇزىرەتتى ورگاندار شتاتتىق ءبولىم كومانديرىن تاعايىنداۋ ماقساتىندا جاسالاتىن تەكسەرۋ پروتسەدۋراسى مەن كانديداتقا ارنايى رۇقسات بەرۋ ءراسىمىن جۇرگىزۋدە.

ورتكە قاتىستى

ءورت باستالىسىمەن اسكەري ءبولىمنىڭ شتاتتىق ءورت ءسوندىرۋ كومانداسى ءورت ءسوندىرۋشى ەسەپتوپتار كەلگەنشە تەز ارادا ونى وقشاۋلاۋعا كىرىسكەن جانە جامبىل وبلىسىنىڭ تجد-عا حابارلاعان.

بۇدان ءارى ىشكى ىستەر ءمينيسترىنىڭ 2017 جىلعى 26 ماۋسىمداعى
№ 446 بۇيرىعىمەن بەكىتىلگەن ءورت ءسوندىرۋدىڭ قولدانىستاعى قاعيدالارىنا سايكەس ءورت سوندىرۋگە كەلگەن ورتكە قارسى قىزمەت گارنيزونىنىڭ اعا لاۋازىمىنداعى ادام وعان تىكەلەي باسشىلىق ەتەدى. ءورت ءسوندىرۋ باسشىسى وسى مىندەتتەردى ورىنداۋعا قاتىساتىن جەكە قۇرامدى، سونداي-اق ءورت سوندىرۋگە جۇمىلدىرىلاتىن كۇشتەردى باسقارۋعا وكىلەتتىلىك بەرىلەدى.

ول ءۇشىن تجد-نىڭ ءورت ءسوندىرۋ قىزمەتىندە ەلدى مەكەندە بولعان ءورت كەزىندە قاۋىپتى بارلىق وبەكتىلەر تۋرالى مالىمەتتەر بولۋى ءتيىس.

تۇرعىن ۇيدەن تابىلعان وق-دارىلەر تۋرالى

بايزاق اۋدانىنداعى ۇيلەردىڭ اۋلالارىنىڭ بىرىنەن تابىلعان وق-دارىلەردىڭ قالدىقتارىنا قاتىستى: قورعانىس مينيسترلىگى پايدالانۋعا جارامسىز وق-دارىلەردى يندۋستريا جانە ينفراقۇرىلىمدىق دامۋ مينيسترلىگىنىڭ ۆەدومستۆولىق ۇيىمى – «قازتەحنولوگيا» اكتسيونەرلىك قوعامىنا بەرەدى. سودان كەيىن «قازتەحنولوگيا» اق وق-دارىلەردى وندىرىستىك كادەگە جاراتۋ، ولاردىڭ قۇرامىنداعى جارىلىس قاۋپى بار زاتتاردى الۋ جانە ولاردى جويۋ پروتسەسىن جۇرگىزەدى. وسىدان كەيىن عانا وق-دارىلەردىڭ سىنىقتارى ەلەكتروندىق gosreestr.kz. ساۋدا الاڭى ارقىلى وسىعان ۋاكىلەتتىك بەرىلگەن «قازتەحنولوگيا» اق ارقىلى ساتۋعا شىعارىلادى.  تابىلعان سناريادتاردىڭ قالىپتارى مەن وقساۋىتتارى – بۇل وق-دارىلەردى كادەگە جاراتقاننان كەيىن الىنعان جانە ەلەكتروندىق ساۋدا الاڭى ارقىلى جەكە كاسىپورىنعا ساتىلعان مەتالل سىنىقتارى. ولار قورشاعان ورتاعا ەشقانداي قاۋىپ توندىرمەيدى. بۇل مەتالل سىنىقتارىن «باقتيار-Group» جاۋاپكەرشىلىگى شەكتەۋلى سەرىكتەستىگى 2021 جىلعى ناۋرىزدىڭ سوڭىندا تۇركىستان وبلىسى ارىس قالاسىنداعى «قازاقتەحنولوگيا» اق مەتالل سىنىقتارىنىڭ قويماسىمەن جاسالعان شارتقا سايكەس ساتىپ العان. ارىس قالاسىنان جامبىل وبلىسىنداعى قويماعا ارتيللەريا وق-دارىلەرى – سناريادتار، زىمىراندار تاسىمالدانعان ەمەس. ارىس قالاسىنان جامبىل وبلىسىنداعى قويماعا بۇرىنعى ورتتەن امان قالعان ينجەنەرلىك وق-دارىلەردىڭ ءبىر بولىگى عانا جەتكىزىلدى. ويتكەنى بۇل قويمادا دا وسىنداي وق-دارىلەر ءتۇرى ساقتالادى.

بۇل قويمادا ارتيللەريا وق-دارىلەرى ساقتالمايدى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1580
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3606