جۇما, 29 ناۋرىز 2024
بيلىك 2367 3 پىكىر 1 قىركۇيەك, 2021 ساعات 22:38

ايدا بالاەۆا: ازاماتتىق قوعام قۇرۋ جولىنداعى قارىمدى قادام بولدى

قازاقستان رەسپۋبليكاسى اقپارات جانە قوعامدىق دامۋ ءمينيسترى ايدا بالاەۆا پرەزيدەنتتىڭ جولداۋىنا قاتىستى ويىن ءبىلدىردى. 

"تاۋەلسىزدىگىمىز العاش جاريالانعاننان باستاپ ەلىمىزدەگى ىشكى ساياسي تۇراقتىلىق مەن ەتنوسارالىق تاتۋلىق قاعيدالارى ءبىزدىڭ مەملەكەتتىك ساياساتتىڭ باستى ۇستانىمى بولىپ كەلەدى. وسىنىڭ ارقاسىندا ەگەمەن ەلىمىز وسى 30 جىلداعى جاھاندىق دامۋدا جوتالى جەتىستىكتەر مەن بەدەرلى بيىكتەردى تۇراقتى باعىندىرىپ كەلەدى. دەگەنمەن، جەتىستىككە جەتۋ بار دا، ونى سول دەڭگەيدە ۇستاپ تۇرۋ بار. بۇل تەك بيلىك پەن حالىق اراسىندا ساۋاتتى دا سىندارلى بايلانىس ورناتا العان قوعامدا عانا بۇل مۇمكىن بولادى. سوندىقتان دا مەملەكەت الەۋمەتپەن اراداعى وسى ديالوگتى ساقتاپ قانا قويماي، ءوزارا سەنىم دەڭگەيىن تۇسىرمەي ونى ارى قاراي نىعايتا جەتىلدىرۋ ءۇشىن ۇنەمى قاجەتتى شارالاردى قابىلداپ كەلەدى. ونىڭ جارقىن ءبىر مىسالى – قۇرىلعاننان بەرى ءىس-ارەكەتىمەن سەنىم ۇدەسىنەن شىعا بىلگەن پرەزيدەنت جانىنداعى ۇلتتىق قوعامدىق كەلىسىم كەڭەسى. بۇگىنگى كۇنى بۇل تەك كونسۋلتاتيۆتى كەڭەس رەسۋرسى عانا ەمەس، مول ينتەلەكتۋالدى مۇمكىندىگى بار ءتيىمدى ءارى الەۋەتتى قۇرىلىم. مەملەكەت باسشىسىنىڭ الدىڭعى جولداۋلارىندا ايتىلعان رەفورمالاردى ناتيجەلى دە تولىققاندى ىسكە اسۋىنا تىڭ سەرپىن بەرەتىن كۇشكە اينالدى. پرەزيدەنت بۇگىنگى حالىققا ارناعان ءۇشىنشى جولداۋىندا دا ەلىمىزدە جۇرگىزىلىپ جاتقان ساياسي جاڭعىرۋ رەفورمالارىن جۇيەلى جالعاستىرۋدىڭ ماڭىزدىلىعىنا ەرەكشە ءمان بەردى. بۇل رەتتە، ەل باسشىسىنىڭ ۇلتتىق كەڭەس مىنبەرىندە كوتەرگەن باستامالارى نەگىزىندە ءساتتى ىسكە اسقان ساياسي رەفورمالار پاكەتىن اتاپ وتۋگە بولادى. سونىڭ ناتيجەسىندە، قوعامدا قوردالانعان كوپتەگەن ماڭىزدى قوعامدىق-ساياسي جانە الەۋمەتتىك-قۇقىقتىق ماسەلەلەر ءوز شەشىمىن تاپتى. مىسالى، اۋداندىق دەڭگەيلەگى قالالار مەن اۋىل اكىمدەرىن سايلاۋ رەفورماسى سونىڭ ايقىن دا جارقىن دالەلى بولا الادى. ەلىمىزدىڭ 14 وڭىرىندە قۇرىلعان 1 847 سايلاۋ ۋچاسكەلەرىندە وتكەن اتالعان سايلاۋدا 2 297 ۇمىتكەردىڭ ىشىنەن ەل تۇرعىندارى 730 جەرگىلىكتى اكىمدەردى سايلاپ الدى. سونىڭ ىشىندە، ولاردىڭ 627-ءسى «اۋىل»، «اق جول»، حكپ، اDAL سىندى ساياسي پارتيالار ۇسىنعان ۇمىتكەرلەردەن تاڭدالدى. مۇنىڭ ءوزى، مەملەكەت باسشىسىنىڭ باستاماسىمەن قولعا الىنعان رەفورمالاردىڭ ساياسي پارتيالار مەن ازاماتتىق قوعام الاڭىنداعى بەلسەندىلىكتى ودان ارى جانداندىرۋعا تىڭ سەرپىن بەرگەنىن كورسەتەدى. سوندىقتان دا پرەزيدەنت بۇل باعىتتا قولعا الىنعان شارالاردىڭ دۇرىستىعىنا كەزەكتى رەت توقتالىپ، 2024 جىلى تۇرعىندارعا اۋدان اكىمدەرىن سايلاۋعا مۇمكىندىك بەرىلەتىنىن اتاپ ءوتتى. مۇنىمەن قاتار، مەملەكەت باسشىسى، جەرگىلىكتى ءوزىن-ءوزى باسقارۋدى جەتىلدىرۋ ىسىندە اۋىلدىق جەرلەردەگى ازاماتتىق باستامالارعا قولداۋ كورسەتۋدىڭ ماڭىزدىلىعىنا نازار اۋدارىپ، گرانتتىق قارجىلاندىرۋ جۇيەسىن بەيىمدەۋدىڭ ءتيىمدى تەتىگىن ازىرلەۋدى تاپسىردى. ءسوز جوق، اتالعان شارالاردىڭ بارلىعى دا ساياسي ساۋاتتى، دەموكراتيالىق تۇسىنىگى ءپىسىپ-جەتىلگەن، الەۋمەتتىك بەلسەندىلىگى جوعارى ازاماتتىق قوعام قۇرۋ جولىنداعى قارىمدى دا ارىندى قادام دەپ بىلەمىن" دەدى مينيستر.

Abai.kz

3 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2277
عيبىرات

قايسار رۋحتى عازيز جان

مۇحتار قۇل-مۇحاممەد 3594