جۇما, 29 ناۋرىز 2024
انە، كوردىڭ بە؟ 7460 16 پىكىر 16 تامىز, 2021 ساعات 14:40

جيرينوۆسكيدى 100 جىل ەلگە كىرگىزبەۋ كەرەك!

مەملەكەتتىك ءتىل تۋرالى زاڭدى تالاپ ەتكەن كۇرەسكەرلەردىڭ ءبارىن رەسەيگە 50 جىل كىرگىزبەيتىن بولسا، ءبىز تاۋەلسىزدىگىمىز بەن تىلىمىزگە قارسى جيرينوۆسكيلەردى 100 جىل كىرگىزبەۋىمىز كەرەك، ەلگە!

ءوز ەلىندە ءوزىنىڭ كونستيتۋتسيالىق، زاڭدى مەملەكەتتىك ءتىلىن تالاپ ەتكەنى ءۇشىن ايدالاداعى رەسەي قازاقتىڭ ءتىل كۇرەسكەرىنە نەگە ۇكىم شىعارادى؟ ولاردىڭ تاۋەلسىز قازاق ەلىنىڭ ىشكى ىسىندە نە شارۋاسى بار؟

مىسالى، مەن ورىس تىلىندە تەك، رەسەي دۋماسىنىڭ دەپۋتاتى جيرينوۆسكي رەسەيدە قازاقشا سويلەگەندە عانا سويلەيمىن. تاۋەلسىز قازاق ەلىنىڭ دەپۋتاتتارىنىڭ ءبارى دە سولاي ەتۋ كەرەك، ەل نامىسىن، ەر نامىسىن ويلاسا!

ەلباسى بەكىتكەن «قازاقستان-2050» مەملەكەتتىك ستراتەگيالىق باعدارلاماسىندا جانە پرەزيدەنت قول قويعان مەملەكەتتىك ءتىلدى دامىتۋ باعدارلاماسى بويىنشا، قازاقستان حالقى 2020 جىلى 90% قازاق تىلىندە سويلەۋى كەرەك ەدى! سوندا قازىر تاۋەلسىزدىكتىڭ 30 جىلىندا ءوزىنىڭ مەملەكەتتىك تىلىندە سويلەمەيتىن بيلىگى بار ەل 90% شەت تىلىندە - ورىسشا سويلەسە، وندا تاۋەلسىزدىك العانىمىز راس پا، جوق، 30 جىلىمىز بوسقا كەتكەن بە؟

تاۋەلسىزدىگىمىزگە وتىز جىل تولسا دا، سولتۇستىككە  قاراپ سىيىنىپ الماي اسىن ىشپەيتىن، نامازىن ءالى كرەملگە قاراپ وقيتىن ءبىزدىڭ بيلىك ەندى نەگە رەسەي پرەزيدەنتى ۆ.ءپۋتيننىڭ: «مەن ەلىمنىڭ ەڭ ءبىرىنشى ۇلتشىلىمىن»، دەگەنىن ۇلگى ەتپەيدى؟!

قازاق ءتىلىن تالاپ ەتكەن قازاق كۇرەسكەرىنە وسىنداي قيسىنسىز ۇكىم شىعارۋدى ءبىزدىڭ بيلىگىمىز قازاق ەلىنىڭ تاۋەلسىزدىگىنە قارسى وتىز جىل بويى وتتاپ كەلە جاتقان جيرينوۆسكي، ليمونوۆ، نيكونوۆ، سولوۆەۆتەرگە نەگە قولدانباعان؟!.  قايتا ءبىزدىڭ كەيبىر مەملەكەتتىك ءتىلىن بىلمەيتىن مەدياماگناتتار مەن شەكەسى تار شەنەۋنىكتەردىڭ جيرينوۆسكي مەن سولوۆەۆتەردى ارنايى شاقىرىپ، الاقاندارىنا سالىپ كۇتىپ الىپ جۇرگەنى قانداي جيىركەنىشتى قورلىق ەدى!..

بىلتىر «قازاق ءۇنى» ۇلتتىق پورتالىندا مەملەكەتتىك ءتىل تۋرالى زاڭ قابىلدانۋىن تالاپ ەتىپ، قازاقستان پرەزيدەنتىنە جازىلعان اشىق حاتقا قول قويعان، ءبىر ايدا 125 مىڭنان اسىپ كەتكەن حالىقتىڭ تالابى تەز ارادا ورىندالماي، مۇنداي داۋ ءومىرى بىتپەيدى. قايتا ۋشىعا بەرەدى.

الاشقا اللا جار بولسىن!

قازىبەك يسا

ءماجىلىس دەپۋتاتى

Abai.kz

16 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3532