ء"بىلىم جانە عىلىم، دەنساۋلىق ساقتاۋ مينيسترلىكتەرىنە، وڭىرلەردىڭ اكىمدىكتەرىنە جاڭا وقۋ جىلىندا مەكتەپكە دەيىنگى جانە ورتا ءبىلىم بەرۋ ۇيىمدارىندا، سونىمەن قاتار كوللەدجدەر مەن جوعارى وقۋ ورىندارىندا وقۋدى شتاتتىق رەجيمدە قامتاماسىز ەتۋ تاپسىرىلدى. بۇل رەتتە ءاربىر مەكتەپكە ءداستۇرلى فورماتتا وقۋ بويىنشا ناقتى ۇسىنىستار جەتكىزىلۋى ءتيىس" دەلىنگەن حابارلامادا.

رەسمي مالىمەتكە قاراعاندا، قازاقستاندا 2021-2022 جاڭا وقۋ جىلىندا 7475 مەكتەپتە 3,4 ملن-نان استام وقۋشى وقيدى. بيىل 380 مىڭنان استام بالا ءبىرىنشى سىنىپقا بارادى.

ۇكىمەتتىڭ حابارلاۋىنشا، مەكتەپتەردە ۆاكتسينا العان مۇعالىمدەر عانا ىستەي الادى. سوڭعى مالىمەت بويىنشا، ۆاكتسينا الۋى ءتيىس مۇعالىمدەردىڭ 93 پايىزدان استامى كوروناۆيرۋسقا قارسى ەكپە سالدىرعان.

20 تامىزعا دەيىن مەكتەپتەردە سانيتارلىق تالاپتاردىڭ بارلىعى ورىندالۋى ءتيىس (دەزينفەكتسيا، كۆارتس ساۋلەسىمەن زالالسىزداندىرۋ، ماسكا تاعۋ، تەرمومەتريا جانە تاعى باسقا).

بارلىق ءبىلىم بەرۋ مەكەمەلەرىنە ادامدار "اشىق" جۇيەسىمەن كىرگىزىلەدى.

جاڭا وقۋ جىلى جاقىنداعان تۇستا قوعامدا وقۋشىلار مەن ستۋدەنتتەردىڭ وقۋ فورماتى جونىندە سۇراقتار كوبەيگەن ەدى. 2 تامىزدا ءبىلىم جانە عىلىم مينيسترلىگى وقۋ فورماتى جونىندە شەشىمدى ۆەدومستۆوارالىق كوميسسيا قابىلدايدى دەپ مالىمدەگەن بولاتىن.

2021 جىلى مامىر ايىندا رەسپۋبليكالىق پەداگوگيكالىق كەڭەستە قازاقستاننىڭ ءبىلىم جۇيەسى "بۇدان ءارى قاشىقتان وقۋعا شىداي المايدى" دەگەن پىكىر ايتىلعان.

قازاقستاندا ىندەت باستالعالى بەرى وقۋشىلار مەن ستۋدەنتتەردىڭ باسىم بولىگى ونلاين وقىپ كەلگەن. كارانتين كەزىندە كوپتەگەن اتا-انالار ءبىلىم ساپاسىنىڭ ناشارلاپ كەتكەنىن ايتىپ شاعىمدانعان.

Abai.kz