جۇما, 29 ناۋرىز 2024
46 - ءسوز 5047 7 پىكىر 3 تامىز, 2021 ساعات 14:02

مەكتەپ فورماسىن مىندەتتەۋ كەرەك

مينيستر مەكتەپ فورماسى تۋرالى شەشىمدى جازىپتى....
مەنىڭ كوزقاراسىمدا مەكتەپ فورماسىن مىندەتتەۋ كەرەك!
مەكتەپ فورماسىنىڭ بولۋى، ەڭ الدىمەن، الەۋمەتتىك جاعدايى تومەن وتباسىلار ءۇشىن كەرەك. ايتپەسە، وتكەن جىلى كەزەكشى سىنىپتارداعى جاعدايلار شىن ويلاندىردى. قىمبات كيىمدەردىڭ جارىسى، كلاسسيكالىق ۇلگى دەگەننىڭ ءوزىن اقشاسى بار جۇرت مىڭ قۇبىلتىپ كيىندى. ال الەۋمەتتىك جاعدايى تومەن بالالار جاسيدى.

سوندىقتان جالپى مەكتەپ فورماسىن مىندەتتەۋ كەرەك، بۇل - جەكە پىكىرىم. مەكتەپ فورماسى مەكتەپتەگى كوپ تاربيە ءۇشىن اسا ماڭىزدى. ونى تاراتپاسام دا تۇسىنىكتى.

سوسىن تاعى ءبىر نارسەنى ەسكەرۋ كەرەك. قازىر وقۋشىلار اراسىنداعى ەڭ ۇلكەن ماسەلە - سمارتفونداردىڭ جارىسى. وڭىرلەردە قانداي ەكەنىن بىلمەيمىن، ۇلكەن قالالاردا سمارتفوننىڭ سوڭعى ۇلگىسىمەن جارىس سۇمدىق ەندى...
كىتاپ الۋعا، وقۋ قۇرال جابدىعىنا كومەك سۇراپ كەلگەن، كيىمىنە كومەك سۇراپ كەلگەن، مەملەكەتتىك كومەكتەرگە قۇجات تاپسىرىپ جۇرگەن اتا-انالاردىڭ تالايىنىڭ بالالارىنىڭ قولىنان ەڭ سوڭعى ۇلگىدەگى سمارتفوندى (IPhone-12, pro, ت.ب.) كورگەندە تۇسىنە المايمىن. وتكەن جىلى مەكتەپتەن پلانشەت، نوتبۋك سۇراپ كەلگەن اتا-انانىڭ بالاسىنىڭ قولىنان سوڭعى ۇلگىدەگى IPHONE كورىپ تە تۇسىنبەي قالعام...

ال كەيدە وقۋشىلاردان باقىلاۋ العاندا تەلەفون جيناپ الامىن. انا تەلەفوندارعا قاراپ وتىرىپ ءبىزدىڭ قوعام كەرەمەت باي دەپ ويلايسىڭ. ءبىر سىنىپتاعى وقۋشىنىڭ 70%-ىنىڭ تەلەفونى ەڭ سوڭعى ۇلگىدە بولادى.
ءبىراز جىل بۇرىن وقۋشىلار الدىندا تەلەفونىمىزدى الىپ شىققاننان ۇيالاتىن كەزدەر بولعان، اعاي، ءسىز وسىنداي ۇستايسىز با، ناشار عوي بۇل دەپ تۇراتىندار دا كەزدەسەتىن...

شىن مانىندە، بۇل - مەكتەپتەگى ەڭ اۋىر ماسەلەنىڭ ءبىرى. سەبەبى ۇلكەن جارىس. بالا اتا-اناسىنا جىلاسا دا، ايعاي شىعارسا دا الدىرادى. كەي اتا-انالار بەسكە وقىساڭ، الىپ بەرەم دەپ ۇتىسقا تىگەدى. ول وقۋشى جىلاپ-سىقتاپ باعا سۇرايدى سوسىن...

مۇلدە شاماسى كەلمەيتىن بالالار شە، كوڭىلى تۇسەدى، جاسيدى، قورلانادى. كەي وقۋشىلاردىڭ قىلمىسقا بارۋىنا تۇرتكى بولۋى دا مۇمكىن...
نە ىستەمەك كەرەك؟

ءبىزدىڭ ويىمىزشا، بۇعان دا بەلگىلى ءبىر ستاندارت كەرەك سەكىلدى...
مۇمكىن مىنادان جوعارى بولماۋ كەرەك دەگەن ءبىر نورما كەرەك شىعار...

اياتجان احمەتجانۇلى

Abai.kz

7 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1570
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3564