ەكىنشى تامىزدان باستاپ نۇر-سۇلتان، الماتى، شىمكەنت، اتىراۋ، قاراعاندى قالالارىندا كارانتين شارالارى كۇشەيەدى. بۇل شەشىم كوروناۆيرۋس ينفەكتسيانىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ وتىرىسىندا قابىلداندى.

سوعان سايكەس، بۇگىننەن باستاپ وسى قالالاردا بىرقاتار شەكتەۋ شاراسى ەنگىزىلەدى. اتاپ ايتقاندا:

- ورتالىق مەملەكەتتىك ورگاندار، اكىمدىكتەر، قۇقىق قورعاۋ ورگاندارى، دەنساۋلىق ساقتاۋ ۇيىمدارى، باق، ازىق-تۇلىك دۇكەندەرى، ءدارىحانالار جانە تىرشىلىكتى قامتاماسىز ەتۋ ۇيىمدارىن قوسپاعاندا، "Ashyq" جوباسىنا قاتىسپايتىن بارلىق كاسىپورىن مەن ۇيىمنىڭ قىزمەتىن توقتاتا تۇرۋ;

- ويىن-ساۋىق، سپورتتىق، وتباسىلىق، ەستەلىك جانە وزگە دە بۇقارالىق ءىس-شارالاردى وتكىزۋگە تىيىم سالۋ;

- مەملەكەتتىك ورگاندار، كەڭسەلەر، ۇلتتىق كومپانيالار مەن وزگە دە ۇيىمدار قىزمەتكەرلەرىنىڭ 80%-ءىن (ۆاكتسينا سالدىرعانداردى جانە سوڭعى 3 اي ىشىندە اۋىرىپ جازىلعانداردى قوسپاعاندا) قاشىقتان جۇمىس ىستەۋگە اۋىستىرۋ.

"Ashyq" جوق بولسا دا، جۇمىس ىستەيدى

ەكىنشى تامىزدان باستاپ "Ashyq" جۇيەسىنە قوسىلماعان بىرقاتار قىزمەتكە رۇقسات بەرىلگەن. ولار:

- قۇرىلىس جۇمىستارى;

- ونەركاسىپتىك كاسىپورىندار قىزمەتى;

- كولىك جۋ;

- اۆتوكولىك، تۇرمىستىق تەحنيكا، ساعات، تەلەفون، كومپيۋتەر، اياق كيىم جوندەۋ; تىگىن اتەلەسى، كىر جۋاتىن ورىن; حيميالىق تازارتۋ; كىلت جاساۋ، گۇل ساتاتىن دۇكەندەر، فوتوسالوندار;

- تۋريستىك كومپانيالاردىڭ قىزمەتى، بيزنەس ورتالىقتارداعى جەكەلەگەن قىزمەت تۇرلەرى: ساقتاندىرۋ كومپانيالارى، ادۆوكات، نوتاريۋس، ەسەپشى مەن كونسالتينگ قىزمەتى، جىلجىمايتىن مۇلىك اگەنتتىگى، سوت ورىنداۋشىلار، ايىرباستاۋ پۋنكتەرى، لومباردتار جانە تاعى باسقا.

قوعامدىق تاماقتانۋ ورىندارى تەك جەتكىزۋ جانە الىپ كەتۋ فورماتىندا ىستەيدى.

الماتىدا نىساندار قالاي جۇمىس ىستەيدى

قازاقستاندا كوروناۆيرۋس ماتريتساسى بويىنشا تاعى ءبىر "قويۋ قىزىل" ايماق پايدا بولدى. قازىر الماتى "قويۋ قىزىل" ايماقتا تۇر.

قالانىڭ باس سانيتار دارىگەرى جانداربەك بەكشيننىڭ سوڭعى قاۋلىسىنا سايكەس، Ashyq جوباسىنا قاتىساتىن الەۋمەتتىك-ەكونوميكالىق نىسانداردىڭ قىزمەتىنە وزگەرىس ەنگىزىلدى. مىسالى، قالادا مەيرامحانا، ءدامحانا جانە كوفەحانا سەكىلدى قوعامدىق تاماقتانۋ ورىندارى، الكوگولدىك ىشىمدىكتى ساتپايتىن اسحانالار، جازعى الاڭدار، فۋد-كورتتار ورىن سانىن 50-دەن اسىرماي، تولتىرىلۋىن 50% ەتىپ، تاڭعى جەتىدەن كەشكى ساعات سەگىزگە دەيىن جۇمىس ىستەي الادى.

الايدا بانكەت زالدارىنىڭ قىزمەتىنە تىيىم سالىنعان.

ساۋنا، مونشا، سپا ورتالىقتار، باسسەين، سپورت كەشەندەرى، سپورتتىق-ساۋىقتىرۋ ورتالىقتارى جانە فيتنەس-ورتالىقتار، يوگا-ورتالىقتار، مادەنيەت نىساندارى، تەاتر، كينوتەاتر، كونتسەرت زالدارى، فيلورمونيالار ساعات 7.00-دەن 20.00-گە دەيىن جۇمىس ىستەيدى.

وبلىسارالىق، قالالىق تۇراقتى ەمەس تاسىمالدارعا تىيىم سالىندى.

بيليارد، كومپيۋتەرلىك كلۋبتار، بوۋلينگ، كاراوكە 12.00-20.00 اراسىندا جۇمىس ىستەي الادى.

كورمەلەر ءبىر ادامعا التى شارشى مەتردەن كەم ەمەس، بىراق ءبىر ۋاقىتتا 150 كەلۋشىدەن اسىرماي، الاڭنىڭ 70%-ءىن تولتىرماي جۇمىس ىستەيدى.

مارافوندار، ونىڭ ىشىندە اشىق اۋادا دا وتكىزۋگە، سپورت شارالارىنا تىيىم بار. تسيركتەر 30%-تەن ارتىق ەمەس ادامدى تولتىرىپ، 10.00-20.00 اراسىندا جۇمىس ىستەيدى.

وتەل، قوناقۇي، اۋەجاي، تەمىرجول ۆوكزالى قىزمەتى توقتامايدى. حالىققا قىزمەت كورسەتۋ ورتالىعى 10.00-20.00 اراسىندا جۇمىس ىستەيدى. ساۋدا ويىن-ساۋىق ورىندارى، بازارلار 07.00-17.00 اراسىندا اشىق.

سۇلۋلىق سالوندارىنىڭ قىزمەتىنە بەلگىلى ءبىر شەكتەۋلەرمەن ءىشىنارا رۇقسات بەرىلگەن.

قالادا قوعامدىق كولىك توقتامايدى.

ايتا كەتەرى، Ashyq جوباسىنا قوسىلعاندار نىسانداردىڭ ءوزى سەنبى-جەكسەنبى قىزمەتىن توقتاتادى.

سونداي-اق الماتىمەن ىرگەلەس جاتقان الماتى وبلىسىنىڭ قاراساي، تالعار، ىلە مەن ەڭبەكشىقازاق اۋداندارىندا دا كارانتين كۇشەيەدى.

نۇر-سۇلتانداعى احۋال

ەلوردادا سەنبى جانە جەكسەنبى كۇندەرى قوعامدىق كولىكتىڭ جۇمىس ىستەۋىنە تىيىم سالىنادى. Ashyq جوباسىنا قاتىساتىن ساۋدا جانە ويىن-ساۋىق ورتالىقتارى مەن ساۋدا ۇيلەرى تەك جۇمىس كۇندەرى ساعات 7.00 -دەن 20.00 -گە دەيىن جۇمىس ىستەيدى.

قالا تۇرعىندارى ەكىنشى تامىزدان باستاپ اشىق اۋادا سپورتپەن شۇعىلدانۋ كەزىندە، ونىڭ ىشىندە 5 جاسقا دەيىنگى بالالاردى قوسپاعاندا بەتپەردە تاعىپ، الەۋمەتتىك اراقاشىقتىقتى ساقتاۋ تۋرالى تالاپتاردى ساقتاۋى قاجەت.

2 مەتردەن كەم ەمەس الەۋمەتتىك اراقاشىقتىقتى ساقتاپ، جەكە تارتىپپەن جانە 5 ادامنان اسپايتىن توپ بولىپ اشىق اۋادا سپورتتىق جاتتىعۋلار وتكىزۋگە رۇقسات بەرىلگەن.

قىزمەت كورسەتۋ جونىندەگى وبەكتىلەر، "قازپوشتا" اق بولىمشەلەرى، ەكىنشى دەڭگەيدەگى بانكتەر، قارجى نارىعىنىڭ وبەكتىلەرى، ساقتاندىرۋ كومپانيالارى، جىلجىمايتىن مۇلىك جونىندەگى اگەنتتىكتەر، جارناما اگەنتتىكتەرى، ايىرباستاۋ پۋنكتتەرى جانە مەملەكەتتىك ورگاندار مەن ۇيىمدار، وندىرىستىك وبەكتىلەر، قۇرىلىس وبەكتىلەرى، مادەنيەت جانە دەمالىس وبەكتىلەرى، حالىقتىڭ تۇرۋى بويىنشا قىزمەت كورسەتۋ سالاسىنداعى وبەكتىلەر، جولاۋشىلار تاسىمالىن جۇزەگە اسىراتىن ۇيىمدار، اۋەجايلار، تەمىرجول، اۆتوموبيل جانە سۋ ۆوكزالدارى، وزەن جانە تەڭىز پورتتارى، اۆتوستانتسيالار/اۆتووتپە جولدار، جولاۋشىلارعا قىزمەت كورسەتۋ پۋنكتتەرى، ەكسكۋرسيالىق قىزمەت كورسەتەتىن ۇيىمدار جانە باسقا دا ۇيىمدار COVID-19-عا قارسى ۆاكتسينا الماعان (تۇراقتى مەديتسينالىق قارسى كورسەتىلىمى بار جانە سوڭعى 3 اي ىشىندە COVID-19-بەن اۋىرىپ جازىلعان ادامداردى قوسپاعاندا) قىزمەتكەرلەرى ءۇشىن كۇندىزگى رەجيمدە جۇمىسقا جىبەرىلۋىن شەكتەيدى.

"Ashyq" جوباسىنا قاتىساتىن حقكو Egov.kz, تەلەگرامم-بوت EgovKZBot 2.0 ارقىلى الدىن الا برونداۋ بويىنشا جۇمىس  كۇندەرى ساعات 07:00-دەن 20:00-گە دەيىن جۇمىس ىستەيدى. سەنبى جانە جەكسەنبى كۇندەرى جابىق بولادى.

"قازپوشتا" اق جۇمىس كەستەسى جۇمىس كۇندەرى ساعات 09:00-دەن 18:00-گە دەيىن اشىق بولادى، سەنبى جانە جەكسەنبى كۇندەرى جابىلادى.

جەكە مەديتسينالىق ورتالىقتار، كلينيكالا، ستوماتولوگيالار جۇمىس جانە دەمالىس كۇندەرى ساعات 08:00-دەن 20:00-گە دەيىن اشىق بولادى.

تالاپكەرلەردىڭ جوعارى وقۋ ورىندارى مەن كوللەدجدەرگە ءتۇسۋى ءۇشىن قۇجاتتاردى قابىلداۋدى قاشىقتان جۇرگىزىلەدى.

وزگە دە نىسانداردىڭ جۇمىس ۋاقىتىن مىنا جەردەن كورۋگە بولادى.

سونداي-اق نۇر-سۇلتان قالاسىمەن ىرگەلەس جاتقان اقمولا وبلىسىنىڭ بۋراباي، تسەلينوگراد جانە ارشالى اۋداندارىندا دا كارانتين كۇشەيەدى.

دەرەككوز: Sputnik.kz

Abai.kz