سارسەنبى, 22 قىركۇيەك 2021
6597 12 پىكىر 2 تامىز, 2021 ساعات 15:33

اقاەۆ 16 جىلدان كەيىن قىرعىزستانعا باردى

قىرعىزستاننىڭ ءبىرىنشى پرەزيدەنتى اسقار اقاەۆ بۇگىن بىشكەككە باردى. بۇل تۋرالى 24.kg اگەنتتىگىنىڭ جەكە دەرەككوزدەرى حابارلادى.

الدىن الا مالىمەتتەر بويىنشا، بۇرىنعى مەملەكەت باسشىسى بۇگىن رەسەيلىك اۆيارەيسپەن بارادى.

«2 تامىزدا بۇرىنعى پرەزيدەنت اسقار اقاەۆ «قۇمتور ءىسى» بويىنشا تەرگەۋمەن ىنتىماقتاسۋ ءۇشىن بىشكەككە ۇشىپ كەتتى. قۇقىق قورعاۋ ورگاندارىنىڭ قىزمەتكەرلەرى ونى اۋەجايدان قارسى الىپ، تەرگەۋ شارالارى ءۇشىن دەرەۋ ۇلتتىق قاۋىپسىزدىك مەملەكەتتىك كوميتەتىنە جەتكىزدى»، - دەلىنگەن دۇيسەنبىدە تاراتىلعان حابارلامادا.

اكاەۆ - «قۇمتور» قىلمىستىق ءىسى بويىنشا ايىپتالۋشىلاردىڭ ءبىرى. ول 2005 جىلى ەلدەن قاشقاننان بەرى قىرعىزستاندا بولماعان.

Vesti.kg جازۋى بويىنشا، بۇرىنعى پرەزيدەنتتىڭ كەلگەنى تۋرالى اقپاراتتى ەلدىڭ بۇرىنعى پرەمەر -ءمينيسترى فەليكس كۋلوۆ راستادى. ونىڭ ايتۋىنشا، مەملەكەت باسشىسى سادىر جاپاروۆ اقاەۆتىڭ تەرگەۋمەن ىنتىماقتاسۋعا دايىن ەكەنىن ايتقان.

«بۇگىن مەن تاعى ءبىر اقساقالمەن سادىر جاپاروۆقا جۇمىس بابىمەن باردىم. اڭگىمە بارىسىندا ءبىز ساياسي قارسىلاستاردى قۋدالاۋ تاقىرىبىن قوزعادىق. سودان كەيىن پرەزيدەنت اسقار اقاەۆتىڭ بۇگىن قىرعىزستانعا كەلەتىنىن حابارلادى. مەن ونى ۇستاي ما دەپ سۇرادىم، سەبەبى ول ىزدەۋدە. بۇعان جاپاروۆ ەكس-مەملەكەت باسشىسىنىڭ تەرگەۋمەن ىنتىماقتاسۋعا دايىن ەكەنىن، سوندىقتان ونى ۇستامايتىنىن جانە ول ەلوردادا تىنىشتىقتا بولاتىنىن ايتتى»،- دەدى كۋلوۆ.

ەستەرىڭىزگە سالا كەتەيىك، 11 مامىردا ايىپپۇل سالىنعاننان كەيىن «كۋمتور گولد كومپاني» جاق ۆيتسە-پرەزيدەنتتەرى، ورتا بۋىن باسشىلارىنىڭ كوپشىلىگى، سونداي-اق قاراپايىم شەتەلدىك جۇمىسشىلار قىرعىزستاننان كەتكەنى حابارلاندى. جوسپارلانعان ساپاردان قىرعىزستانعا ورالۋعا نيەتتى كومپانيا پرەزيدەنتى دەون بادەنحورست تا شەتەلدە قالۋعا ءماجبۇر بولعان. قىرعىزستاننىڭ تاۋ -كەن مەتاللۋرگيا كاسىپوداعى، التىن ءوندىرۋشى كومپانياعا 3 ميلليارد دوللار ايىپپۇل سالۋ اياسىندا، ەلدەگى ينۆەستيتسيالىق ورتانىڭ «سوڭعى كەزدەرى كوپ نارسەنى قالاعانىن» اتاپ ءوتتى.

ايتا كەتەيىك، اسقار اقاەۆ 1991-2005 جىلدارى قىرعىزستان پرەزيدەنتى بولدى.

Abai.kz

12 پىكىر