جۇما, 29 ناۋرىز 2024
4182 1 پىكىر 29 شىلدە, 2021 ساعات 16:12

«بارىمتاشىلار. ۋاقىت جولدارى» ءفيلمى فرانتسيادا كورسەتىلەدى

رەجيسسەرلەر ەرلان نۇرمۇحامبەتوۆ (قازاقستان) جانە ليزا تاكەبا (جاپونيا) تۇسىرگەن «بارىمتاشىلار. ۋاقىت جولدارى» ءفيلمى فرانتسيادا پروكاتقا شىقتى.

كينوتۋىندىنىڭ پروديۋسەرى يۋليا كيمنىڭ ايتۋىنشا، قازاقستان مەن جاپونيا بىرلەسىپ تۇسىرگەن كارتينا بۇگىننەن باستاپ فرانتسيانىڭ 21 قالاسىندا كورسەتىلەدى. ايتا كەتسەك، وسىعان بايلانىستى بۇگىن پاريجدەگى Espace Saint Michel كينوتەاترىندا سانيتارلىق تالاپتارعا سايكەس ءفيلمنىڭ ارنايى كورسەتىلىمى وتەدى.

- وسى ءبىر جارىم جىل ىشىندە قانشاما توگىلگەن تەر، اتقارىلعان جۇمىس جاتىر. پاندەمياعا بايلانىستى فرانتسياداعى تۇساۋكەسەر ءۇش مارتە كەيىنگە شەگەرىلدى. دەگەنمەن، قيىندىقتارعا قاراماستان ءۇمىتىمىز ۇزىلمەدى. ءفيلمنىڭ ءتۇسىرۋ توبى مەن اكتەرلەرىمىزدى وسى قاۋىنشپەن قۇتتىقتايمىن, - دەپ جازدى پروديۋسەر ءوزىنىڭ Facebook-تەگى پاراقشاسىندا.

ەستەرىڭىزگە سالا كەتسەك، وندىرىسىنە «قازاقفيلم» جانە جاپوندىق Tokyo New Cinema كومپانياسى اتسالىسقان فيلمدە تىنىش ءومىرىنىڭ شىرقىن بۇزىپ، بارىمتاشىلار وتاعاسىن اياۋسىز ولتىرگەن وتباسى تۋرالى باياندالادى. مارقۇمنىڭ ولجاس ەسىمدى 12-جاسار بالاسى، بارىمتاشىلاردىڭ قولىنان مەرت بولعان اكەسىنىڭ ولىمىنە قايعىرىپ، زۇلىمدىقپەن كۇرەسىپ، وتباسىلارىنا تۇسكەن اۋىرتپالىقتى قارىنداستارىمەن بىرگە كەشەدى. قورعانسىز قالعان ولجاستىڭ وتباسىنا عايىپتان پايدا بولعان بوگدە بىرەۋ قول ۇشىن سوزادى.

فيلمدە باستى رولدەردى كانن كينوفەستيۆالىندە ۇزدىك اكتريسا اتانعان سامال ەسلياموۆا (قازاقستان), تانىمال قازاقستاندىق اكتەر دۋلىعا اقمولدا جانە جاپوندىق اكتەر ميراي مورياما سومدايدى. اكەسىن جوعالتقان بالانىڭ ءرولىن ءمادي مينايداروۆ ەسىمدى جاس اكتەر وينايدى.

- جاپوندىقتارمەن بىرگە تۇسىرگەن فيلم الەم كينەماتوگرافىنىڭ وتانىندا كورسەتىلەتىنىنە قۋانىپ تا، قوبالجىپ تا وتىرمىن. سەبەبى، مەنىڭ شىعارماشىلىعىمدا بۇل العاش رەت بولىپ جاتقان قۋانىشتى جاعداي, - دەپ ويىمەن ءبولىستى ءفيلمنىڭ تەڭ رەجيسسەرى ەرلان نۇرمۇحامبەتوۆ.

ەستەرىڭىزگە سالا كەتسەك، «بارىمتاشىلار. ۋاقىت جولدارى» ءفيلمى ەڭ العاش  2019 جىلى ازياداعى ەڭ ءىرى كينوفەستيۆالدەردىڭ ءبىرى – حالىقارالىق بۋسان كينوفەستيۆالى شەڭبەرىندە كورسەتىلگەن بولاتىن. قازاقستان مەن جاپونيا بىرلەسىپ تۇسىرگەن تۋىندى وڭتۇستىك كورەيانىڭ ەڭ ۇلكەن ەكرانى – Busan Cinema Center ورتالىعىندا اتالعان فەستيۆالدى اشقان بولاتىن.

بىلتىر اتالعان فيلم توكيوداعى حالىقارالىق كينوفەستيۆال شەڭبەرىندە كورسەتىلىپ، جاپونيادا پروكاتقا شىققان بولاتىن.

ال. قازاقستاندا «بارىمتاشىلار. ۋاقىت جولدارى» ءفيلمى ەلىمىزدە سانتيارلىق-ەپيدەميالىق احۋال جاقسارعان جاعدايدا ۇستىمىزدەگى جىلدىڭ سوڭىنا دەيىن پروكاتقا شىعادى دەپ جوسپارلانىپ وتىر.

Abai.kz

1 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1583
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2283
عيبىرات

قايسار رۋحتى عازيز جان

مۇحتار قۇل-مۇحاممەد 3621