جۇما, 29 ناۋرىز 2024
46 - ءسوز 5330 3 پىكىر 25 شىلدە, 2021 ساعات 14:09

قالاي ءومىر سۇرگەن دۇرىس؟

اتا-انا نەمەسە يپوتەكا. قالاي ءومىر سۇرگەن دۇرىس؟
كامەلەت جاسىنا تولىپ، وڭ-سولىن تانىپ، ەرەسەك بولعان كەزدە جاقىن تۋىستارمەن، ونىڭ ىشىندە اتا-اناڭمەن بىرگە تۇرۋ وڭاي ەمەس. اسىرەسە، ءوز وتباسىڭ بولعاندا، بالالارىڭ دۇنيەگە كەلگەندە بۇل ماسەلە مۇلدە شيەلەنىسە تۇسەدى.

ءدال وسى كەزدە كوپتەگەن جاس وتباسىلار بولەك شىعۋ جونىندە ويلانا باستايدى. ارينە، قولدا دايىن اقشا بولسا باسپانانى ساتىپ الۋعا بولادى. وندا بۇل پروبلەما وزدىگىنەن شەشىلەر ەدى. بىراق جاس وتباسىلاردىڭ 90 پايىزىندا ونداي مۇمكىندىك جوق ەكەنىن بىلەمىز. دەمەك بۇل ساتتە بولەك شىققان دۇرىس پا، بولەك شىقساق پاتەر جالدايمىز با، الدە پاتەردى يپوتەكاعا العان ءتيىمدى مە دەگەن سۇراقتار مازالاي باستايدى.
وسى سۇراقتاردىڭ دۇرىس جاۋابى قانداي؟

اتا-انامەن بىرگە تۇرۋ

ءبىر نارسەمەن كەلىسۋگە بولادى. اتا-انامەن بىرگە تۇرۋ قارجىلىق جاعىنان وتە قولايلى. پاتەر جالداۋعا شىعىندالمايسىز، اي سايىن يپوتەكا تولەمەيسىز. ەگەر اكە-شەشەڭىز جايلى ادامدار بولسا، ءتىپتى ءدامدى تاعام، باسقا دا ءومىردىڭ جانعا جايلى راحاتتارىنا بولەنىپ جۇرەسىز. بىراق ءسىز اكە-شەشەڭىزبەن تەڭ دارەجەدەگى ەرەسەك ادامسىز. سوندىقتان ءوزىڭىزدىڭ قارجىلىق شىعىندارىڭىزدى اتا-اناڭىزعا تۇگەلدەي ىسىرىپ تاستاپ، ولارعا ارقا سۇيەي بەرۋ ۇلكەن قاتەلىك بولادى. بۇل رەتتە سىزگە نە ولاردىڭ شىعىندارىن جارتىلاي بولسا دا ءوز موينىڭىزعا الۋ، نە بولماسا بولەك شىعۋ مۇمكىندىگىن قاراستىرۋ كەرەك.
ەگەر اتا-اناڭىز جايلى بولماي، سىيىسپاي جاتساڭىز، وندا ماسەلەنىڭ ءبىر عانا جولى بار – ۇيدەن كەتىپ، بولەك ءومىر ءسۇرۋ.

پاتەردى جالعا الۋ
ءسىز ۇيدەن كەتتىڭىز دەيىك. ەندى سىزگە باسپانا ماسەلەسىن شەشۋ قاجەت بولادى. ونىڭ مەن كورىپ وتىرعان ەكى جولى بار: پاتەردى جالداۋ نەمەسە يپوتەكاعا ءۇي الۋ.
جالعا الىنعان پاتەردە تۇرۋدىڭ مىناداي ىڭعايلى تۇستارى بار:
1. كەز-كەلگەن ۋاقىتتا كەتىپ قالا الاسىز;
2. قالانىڭ وزىڭىزگە جايلى جەرىنەن، قالاعان ىشكى قۇرىلىمىمەن، ارلەۋىمەن پاتەر تاڭداۋعا بولادى;
3. مەكتەپ نەمەسە بالاباقشا، باسقا دا قاجەتتى نىساننىڭ جانىندا تۇرۋعا بولادى;
4. ۇيگە جوندەۋ جۇمىستارىن جۇرگىزىپ نەمەسە جيھاز ساتىپ الىپ شىعىندالمايسىز. كوپ جاعدايدا ونىڭ بارلىعى دايىن تۇرادى.
جالعا الىنعان پاتەردە تۇرۋدىڭ ءتيىمسىز جەرلەرى دە جوق ەمەس:
1. ءۇيدى قالاۋىڭىزشا ارلەي المايسىز، سەبەبى ول ءسىزدىڭ ءۇيىڭىز ەمەس;
2. كەز-كەلگەن ۋاقىتتا قوجايىن كەلىپ، ءۇيدى بوساتۋدى تالاپ ەتۋى مۇمكىن;
3. قوجايىن جالعا بەرۋ باعاسىن قىمباتتاتىپ جىبەرۋى مۇمكىن.

يپوتەكا
يپوتەكانىڭ مىناداي ءتيىمدى تۇستارى بار:
1. ءۇيدىڭ باعاسى، پايىزدىق ۇستەمە دە وزگەرىسسىز قالادى;
2.ءسىزدىڭ ءۇيىڭىز جاقسى ينۆەستيتسيالىق قۇرال. ونى كەز-كەلگەن ۋاقىتتا ساتىپ جىبەرە الاسىز;
3. ەڭ باستىسى – بۇل ءسىزدىڭ ءۇيىڭىز. ەشكىم ءسىزدى قۋىپ جىبەرە المايدى.
سونىمەن ماتەريالدىق جاعىنان ەسەپتەسەك، ەگەر اتا-اناڭىز جايلى بولسا، ولارمەن بىرگە تۇرۋ وتە ءتيىمدى بولىپ شىقتى. بىراق ونىڭ مورالدىك جاعى دا بار. ءسىزدى ەرجەتكەنگە دەيىن اسىراپ كەلگەن اكە-شەشەڭىزگە بۇدان ءارى سالماق تۇسىرە بەرۋ جاقسى نارسە ەمەس.
ودان كەيىن ءتيىمدىسى – يپوتەكا. بۇل رەتتە ءسىز سول ۇيگە يەلىك ەتەسىز، ءوزىڭىز قوجايىنسىز.
ەڭ ءتيىمسىزى – جالعا الۋ. جالعا الۋدىڭ اي سايىنعى اقىسى يپوتەكادان جوعارى ءارى كەز-كەلگەن ۋاقىتتا قوجايىن ءسىزدى ول ۇيدەن قۋىپ جىبەرۋى مۇمكىن.

ايبار ولجاەۆ

Abai.kz

3 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1581
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3607