tengrinews.kz كازتاگ-قا سىلتەمە جاساپ، الماتى وبلىسىنىڭ  الاكول اۋدانىنا قاراستى «گورنىي» شەكارا بەكەتىندە شەكارا اسكەرىندە قىزمەت ەتەتىن 15 ادامنىڭ  دەنەسى تابىلدى. قايتىس بولعاندار اراسىندا 3 كەلىسىم-شارتپەن قىزمەت ەتۋشى، 11 سارباز، ءبىر وفيتسەر بار دەپ حابارلايدى. ىقشام بەكەت جازعى ماۋسىمدا بۇل جەرگە ەمدىك شوپتەردى زاڭسىز جيناۋشىلاردىڭ جولىن كەسۋ ءۇشىن قويىلاتىن. بۇدان بۇرىن بۇل جەردە قىتاي ازاماتتارى ۇستالعان.

tengrinews.kz كازتاگ-قا سىلتەمە جاساپ، الماتى وبلىسىنىڭ  الاكول اۋدانىنا قاراستى «گورنىي» شەكارا بەكەتىندە شەكارا اسكەرىندە قىزمەت ەتەتىن 15 ادامنىڭ  دەنەسى تابىلدى. قايتىس بولعاندار اراسىندا 3 كەلىسىم-شارتپەن قىزمەت ەتۋشى، 11 سارباز، ءبىر وفيتسەر بار دەپ حابارلايدى. ىقشام بەكەت جازعى ماۋسىمدا بۇل جەرگە ەمدىك شوپتەردى زاڭسىز جيناۋشىلاردىڭ جولىن كەسۋ ءۇشىن قويىلاتىن. بۇدان بۇرىن بۇل جەردە قىتاي ازاماتتارى ۇستالعان.

كازتاگ دەرەككوزىنىڭ حابارلاۋىنشا، الاڭداۋشىلىقتىڭ تۋىنا «گورنىي» ىقشام زاستاۆاسىنىڭ بەكىتىلگەن كەستە بويىنشا بايلانىسقا شىقپاي قالۋى سەبەپ بولعان. دابىل بويىنشا 30 مامىر كۇنى بەكەتكە كەلگەن اسكەري قىزمەتكەرلەر شەكاراشىلار دەنەسىنىڭ ءبىر جەرگە ءۇيىلىپ جاتقانىنىڭ ۇستىنەن ءتۇستى. قوسىنعا جاقىن جەردەگى قورىقشى ۇيىندە ورمانشىنىڭ دەنەسى تابىلعان. الدىن الا جاسالعان بولجام بويىنشا قورىقشى - ەر ادام ەكى كۇن بۇرىن ولتىرىلگەن. باق-تا تارالعان اقپاراتتاردا قايتىس بولعاندار سانى 8-دەن 15-كە جەتتى دەلىنىپ وتىر. سونىمەن قاتار، بۇقارالىق اقپارات قۇرالدارى شەكاراشىلار قازاسىنىڭ ەكى سەبەبىن قاراستىرۋدا: شەكاراشىلارعا شابۋىل نەمەسە الىمجەتتىك كورسەتۋ. ال، «ينتەرفاكس قازاقستان» اقپارات اگەنتتىگىنە شەكارا قىزمەتىندە ءورتتىڭ پايدا بولۋىنان شەكاراشىلار قازا تاپتى دەگەن مالىمەت تۇسكەن.  وسى ىسكە وراي مالىمەت بەرگەن ۇقك وكىلى عۇسمان ءامرين دە شەكاراشىلار ءولىمىنىڭ سەبەبى ورتتەن بولۋى مۇمكىن دەيدى. بىراق، ناقتى سەبەبىن تەرگەۋ جۇمىستارى اياقتالعان سوڭ ايتاتىنىن مالىمدەدى. ايتپاقشى، شەكاراشىلاردىڭ قارۋ-جاراقتارى وقيعا ورنىندا جوق. قولدى بولعان.

«ماسا-اقپارات»